بالنسبه للي يقول الريال مع مورينيو افضل .. مادري يضحك على نفسه ولا ايش بالضبط
السنه اللي راحت بعد الملعنه وحب الخشوم حسمنا الدوري بآخر مباراه والريال كان ورانا
لين اخر مباراه بالدوري والحين الفرق 8 نقاط !!
ريال بيلغريني في الكامب نو فزنا بهدف زلاتان وكان ضاغط الريال وماشي صح لكن البارسا
كان في عز توهجه وفي الاياب فتح ملعبه وماخاف ولعب صح لكن خذلوه بعض اللاعبين
بإضاعتهم لفرص جداً سهله وفاز البارسا أما مورينيو حوّل الفريق لحضيرة دجاج متقوقعه
خائفه من هجوم الذئاب وفوق هذا ليته قامط بس الا يعتمد على الخشونه عشان اذا ما خاف
اللاعب الخصم فإنه بيصاب وش هالمهزله وش هالخبال !!!
بيلغريني خذله هيغوين قدام ليون وخذله كاكا وفارت و و و و امام الكوركون (ذهاب) ومع
ذلك مشى بالفريق صح وجعل للفريق هيبه وكان منافس على الدوري لآخر جوله أما موري
مجرد ظاهره صوتيه للتضخيم لا اكثر !!