|| UCL دور الـ 4 || قيقز وروني خلصوها 2-0 لمانشستر .. ميسي بثائيه بالبرنابيو يقرب البرشا من الفاينل || تقديم ومتابعة || - نادي الهلال السعودي - شبكة الزعيم

ح ٌـنتل مآن ..~ · #11 27/04/2011, 09:58 AM

كلي ثقه فيك

!
مباراتك إن شاء الله ، اصعب مباراة لك هالموسم ، اهم شي تطلع بنتيجه ، بحيث ان 0-0 بالاياب ما تأهل مدريد !

احس بيب بيجازف بيلعبه ؟ مشكله لو لعبه ؟ تلعبه اللحين وتخسره بالاياب واحتمال النهائي ؟ بس لو نشوفها من جهه ثانيه ؟ الدكه فاضيه ؟ بيلعب كيتا ؟ :/ ؟ ولا تياقو ، ؟ الاول ماهضمته لا دفاعي ولا هجومي كذا احسه زياده عدد ، والثاني ممتاز مهارياً بس صعبه تلعبه بالسيمي فاينل قدام مدريد ؟ مجازفه ايضا لكن ما عندك غيرها ، مشكله والله ، لازم بيب يتصرف ! بويول مشاركته ايضا ميب مأكده ! يعني لازم بيب يغير تكتيك 4-3-3 ! ودي يجرب

3-5-2فالديس
بويول (ميلتو)- بيكي - ماسكي
كيتا -تشافي - بوسكيتس - تياغو (بيدرو -افيلاي )
ميسي - فيا

بحيث الفريق يقدر يمسك رتمَ المباراة ، ويخف الظغط من الاطراف ، ! اهم شي نطلع فايزين او تعادل إيجابي !

تاريخ برشلونة بالسيمي فاينل بالابطال 2000 وطالع !2002 /
2-0 لمدريد بالكامب نو
1-1 بالسنتاغو
2006 /
1-0 للبرسا بالسان سيرو
0-0 بالكامب نو
2008/
0-0 بالكامب نو
1-0 للمان بالمسرح
2009 /
0-0 بالكامب نو
1-1 بالجسر
2010 /
3-1 للانتر بالسان سيرو
1-0 للبرسا بالكامب نو تأهلنا مرتين وطلع 3 مرات !
يعني تغيروا المهاجمين والمدربين و و و ، بس الفريق بالكامب نو مب ذاك الزود ؟ افضليته دايم خارج القواعد ! إن شاء الله تكون ميزه بكره !

إن شا ءالله نبارك لكم ي الكتلونيه بكرا !

Visca El Barca

الف مبروك مانشستراويه

اليونايتد فعلاً نادي يجبرك على احترامه ..
و في العقد الاخير تحديداً صار ظاهره بكل ما تعنيه الكلمه ..
حضور قوي في البريمير .. حضور قوي في الابطال ..
تروح اسماء .. تجي اسماء ..
لكن اليونايتيد هو هو نفسه ما يتغير ..
كانتونا - بيكهام - رونالدو - ... على سبيل المثال ..
مع كل اسم من النجوم ذول كان الكلام ايش مصير اليونايتيد بعدهم !!!!
مصير اليونايتيد هو نهائي الابطال .. مصير يونايتيد هو زعامة البريمير ..
مصير اليونايتيد ما يتوقف على الاسماء .. دام الاسم الكبير ما تغير ..
السير نفسه .. هو كلمة السر و تعويذة النجاح للشياطين الحمر ..
هو اللي فعلاً لازم الناس يسألون انفسهم ايش مصير اليونايتيد بعده ؟؟؟؟

مع شالكه اليوم .. العرض اذهلني ..
انواع الهجمات .. و انضباطيه على اعلى مستوى ..
على الرغم من انها مباراة نصف نهائي و في ارض المنافس ..
توقعت المباراة بتكون صعبه شوي على مانشستر ..
بحكم الظروف و التاريخ الهزيل قدام الالمان ..
لكن اللي صار عكس هذا تماماً و كأنها مباراة ودية لمانشستر ..
يبين لك هالشي .. الشخصية القوية للمان في الابطال ..

في المقابل .. اعتقد ان شالكه رجع لمكانه الطبيعي ..
وصولهم لنصف النهائي و مواجهة المان هذا بحد ذاته انجاز تاريخي ..
كثر خير خيرهم عليه .. يبيلهم سنين علبال ما يستوعبون انهم فعلاً
وصلوا لهالدور و كان اسمهم بين ( المان - الريال - برشلونه ) في القرعه !
اليوم ما كانوا سيئين بقدر ما حظهم كان زفت ..
مسألة انك عاشر البوندسليغا هذي مشكله ! .. والمشكله الاكبر
انك تواجه خبير الابطال في السنين الاخيره !! لا وفين ؟؟ ..
في نصف نهائي دوري الابطال !!!!
كبيره على انديه اكبر منهم .. فما بالك بهالضعوف !!!

اثبت اليوم بما لا يدع مجال للشك ..
انه اكبر بكثير من شالكه .. فرصة كبيرة
للمان تحديداً او البايرن على انهم يخطفونه ..
اللي سواه اليوم شي ما يدخل العقل ابداً .. هولحاله تقريبا
يلعب ضد المان .. و لولاه كان وصلت النتيجه 8 !

راؤول - جيجز ..
لحظه تبادل القمصان بين الاساطير ذول ..
كانت من اجمل الذكريات

مرة ثانيه ..
مبروك مانشستراويه .. و عقبال ما نقابلكم فنهائي الابطال .