|
عبر برنامج إرسال / صالح النعيمة يطالب بتسريح الاعب خالد عزيز !!!! والله مو وقته يا صالح بسم الله الرحمن الرحيم السلام عليكم ورحمة الله وبركاته قبل قليل في برنامج إرسال على قناة السعودية الرياضية ذكر مقدم البرنامج أن النجم السابق للزعيم صالح النعيمة يطالب بتسريح الاعب خالد عزيز بعد كثرة الغيابات وآخرها غيابه في التمرين الأخير بدون عذر . . بكل أمانه أحترم تصريحك يا صالح ولكن هالتصريح والله مو وقته الزعيم في هذا الوقت يحتاج لكل لاعب في الفريق ولا نريد أن تزيد الضغوطات على الاعب رغم أني أعرف أن عزيز أخطأ بكثرة غياباته , ولكن ياصالح لا نريد مثل تلك التصاريح في هذا الوقت ولدينا بطولات مهمه ولا نعلم ماهي الضروف الحقيقيه التي تغيب الاعب لأن ذلك شأن داخلي بالنادي . . أحترمك وأقدرك كثيرآ يا نجمنا صالح النعيمة ولكن أنتظر منك دعم الاعب معنويآ وليس بالمطالبة بتسريحه وعزيز نجم كبير ويحتاجه الفريق :wub: . . بالتوفيق لزعيمنا وأتمنى من عزيز هالمره ما عاد يغيب وترانا نحبك يا عزيز :rose: . ملاحظة / برنامج إرسال يكشف أن أسباب غياب خالد عزيز يعود إلي ظروف أسرية خاصة وإلي زوجته الله يشفيها يارب " إلى جماهير الزعيم لا يافديتكم أنا قريت الردود وبصراحه ما نبي نصير كذى الاعب أبن النادي وهو ما سوى حاجه كبيره عشان نعامله مثل كذى اذا هو غاب عن التمارين فهذه عقوبات تطبق على اي لاعب باي نادي بالعالم وهي الخصم من مرتبه أو المكافئات , لكن خالد عزيز ماعمره أخطى بحقنا أو تكلم علينا الاعب كل مباراة يلعبها يقدم مستوى وما يخذلنا وأتمنى نرتقي بالنقاش والكلام وما نخطي بحق الاعب أحنا نبي الإصلاح للاعب مو نتكلم فيه ونخطي بحقه أنتم يا جماهير الهلال أكبر من هالشي " . . . . |
يعطيك العافيه اخوي على التغطيه الكبيره .. رأيي من رأي الكابتن صالح النعيمه .. إذا اللاعب لم يحترم الكيان الذي هو فيه والشعار الذي يرتديه فلن يكون له مكان بالنادي .. نعم خالد عزيز لاعب كبير ومن نجوم الزعيم ولكن بما فعله مؤخراً يستحق واحد من الأثنين : 1- التنسيق .. 2- الإنتقال .. أتمنا من الإداره أتخاذ الإجراءات اللازمة .. ..تحياتي... |
والله خالد لاعب كبييييييير بس مدري وش فيييه الله يكوون في عونه ودي |
اتفق معك الكابتن صالح النعيمة اللاعب الي ما يحترم الكيان الهلالي يجب ابعاده فورا |
شكرا لك ، بصراحة أتمنى تقدير وضع خالد عزيز النفسي .. فقد يكون لديه ظروف نفسية و أسرية . |
تسريح عزيز = مكافأة له + دعم للاندية المنافسة |
انا مع الكبتن صالح النعيمه من ايام عبدالله بن سعد رحمة الله عليه ومرورا بالنعيمه والثنيان والجابرو غيرهم الكثير من قبل ومن بعد ما عمر الهلال وقف على احد اتمنى ان ادارة الهلال ( توفي ) بوعدها وتخليه يكمل باقي عقده على المدرج عشان يعرف قيمة الفريق والجمهور وانا سمعت ان زوجتة مريضة ( الله يشفيها ) وما خبري ان ابن مساعد ما بيوقف معه مستحيل تعال يا ادمي زي باقي البشر للأدارة واشرح ظروفك وشوف الهلال بيوقف معك ولا لا ما أبي احلف ,., لاكن انا متاكد ان الكيان كامل بيوقف معه لاكن تجي في المباريات المهمه وتغيب ولا تاخذ كرت احمر ,., وتتشكى من المعامله ياعمي انت من طريق وحنا من طريق يا تحترم المكان اللي انت فيه ,., يا انك تروووقنا والله يسهلك |
اخوي الاباتشي اثمن لك نقلك لتعليق الكابتن صالح ولكن ..... انا بصراحة أميل لتعليق صالح بقوة لأن عزيز بدأ يأمن العقوبة بتدخل الشفاعات وبهذا الوقت بالتحديد بصراحة الهلال غني عن عزيز وغير عزيز اذا كانوا على شاكلته. احترم مستوى اللاعب ولكن هذا المستوى لم يخدم به الفريق وفي مباريات مهمة وحاسمة مما زاد الحمل على الباقين . بالإضافة بأن تسريح عزيز يغلق الباب على عدم الانضباطية التي ربما تصدر من أي لاعب . الزعيم لايوجد فيه الا من يستحق البقاء فيه حتى لو كان من كان وابعدوا عنا العواطف . |
الله يشفي زوجته بس لازم يتعلم الانظباط فيه اختراع اسمه تليفون يبلغ الاداره ماراح احد يقوله لا مااقول الا الله يهديه بس |
انا مع النعيمه لكن مو في التسريح .. انا أؤيد بيع اللاعب واستغلال اكبر عرض مادي من بيعه الاعب اللي مايقدر الإدارة اللي تعمل والجماهير اللي تحضر قبل المباراة بـ 4 ساعات ما يستاهل إنه يحمل شعار الفريق ، بغض النظر عن اسم اللاعب وحتى لا يعُطي مجال لغيره من الشباب والناشئين وعمر الهلال ما وقف علي لاعب ، خالد عزيز أعطي اكثر من فرصه ولم يحسن استغلالها واتوقع لو اعطي ما اعطي من الفرص لن يحسنَ اسلوبه وطريقته ، واللي يقول فيها خدمة لأندية منافسه اقوله دام فيها فائدة مادية وعائد للهلال خل الانديه الثانيه تستفيد ممكن انها تنافس شوي .. |
لافض فوكـ يا صالح وأنا من مؤيدي طرد عزيز لانه مو كفو احترام وحشيمه والزعيم طول عمره ما وقف على أحد ,,, |
خالد عزيز عمره فوق الثلاثين بدلا من ان يسوى له حفل اعتزال كبقية النجوم سوف يطرد من النادي شر طرده واسالوا الدوخي والعويران ومحمد لطف عن ماذا صار بهم عزيز بعد الاعتزال لن نذكرك بالخير لأنك شخص دائما لاتحترم الشعار اللي انت لابسه ولاتحترم جمهور النادي ففي اهم المباريات يسحب على التمارين ويتركنا مكانك ( سدوس) |
من رأيي تهديده بالتحويل الى هاوي وتحويله للاولمبي واذا مانفع الرفع بذلك لاصحاب الشان الرياضي ليرو حل لذلك على بلاطه نحرمه اللعب لاي نادي وش ناقصه هنا بالهلال فلوس ومكافئات وجمهور ومحبين هزلت ورب الكعبه شطحه ّّّّّّعطوني السيف وقربو لي الخيل |
اتفق معك الكابتن صالح النعيمة اللاعب الي ما يحترم الكيان الهلالي يجب ابعاده فورا |
كل شخص وله الأحقيه برأيه ! لكن أننآ نسرحه عن النآدي ! معليش والله العظيم أنهم بيستفيدون منه !! تخيلوآ نسرحه ويروح رآدوي !! والله بنآآآكلهآ ! خآلد أخطأ ، في كل مبآرآة حآسمه يختفي ! والإدآرة كذآ مره تجآوزت اخطأه لكن ألحين ! والله مآلهم دآعي إذآ مآ عآقبوه ! يخصمون من رآتبه ويخلونه يلعب غصبن عنه !! ع ـوآفي ملآحظه / يمكن خآلد مآ يبينآ :d !!! |
وهو صادق النعيمه شخص لا يحترم النادي ولا مشاعر جماهيره لا يستحق ارتداء هذا الشعار وغيابه ليس مره او مرتين فهي عاده له |
في جريدة الشرق الاوسط صالح النعيمه يطالب بتنسيق عزيز واستبداله بتيسير الجاسم من وجهة نظري راي سليم تيسير مستواه ممتاز ومع الهلال راح يصير افضل وعزيز مشاكله كثيره |
لا ماهو وقته هالتصاريح الفريق بحاجه للاستقرار واتمنا انه ماينسق لانه لاعب مهم |
خالد عزيز مصخهـا انا مع ذهابه عن النادي اذا كان في صفقة مبادله مع لاعب مميز او يبقى في النادي افضل |
كلام الإمبراطور في محله ولايوجد لاعب في تاريخ الهلال وجد تسامح من قبل إدارات وجماهير الهلال على مر تاريخ الزعيم مثل ما وجده خالد عزيز !!!!!؟ |
انا اتفق معااك يا صالح النعيمه |
خالد عزيز كان الهلال في حاجته بس خلاص انتهى خالد وهو اللي انهى نفسه بنفسه باهماله ولا خالد عزيز ملك المحور وهو عارف هالشي بس ياخساره ياخالد هذي اخرتك اتمنى تسريحه غير ماسوف عليه |
خالد عزيز لاعب كبير بس الاحسن انهم يخصمون من راتبه |
لا يا حبيبي ما نحبه ولا شي خله يروووح بس لاعب ما احترم الازرق ليه نحترمه .؟ كم نهائي خسرناا نسيتوا يوم يروح البحرين وننهزم من الشبااب 3 - 0 نسيتوا قداام الاتحاد في اخر جولة قبل موسمين يتعمد الطرد هذي النهائياات فقط وزاادها في هذا الموسم ترى الهلال مو في حااجته كم مباراة لعبها مع الهلال ومن اصاابة لاصاابه بصرااحة اللي ما يحترم الهلال مااحترمه واللاعب يجب ان يرحل واشكرر صالح النعيمه لانه قالهاا خل اللاعب يرووح ونفتك منه ملااحظة: شبيه الربيح الله يطول بعمره .. قال اللي ما يحترم الفنيلة الزرقاء سيكمل باقي عقده في المدرجاات نتمنا ان يكمل باقي العقد في المدرجاات عششان المر الثانية يعرف من يتعاامل معه اتمنااا التصرف من الاداارة يكوون حاازم .. لين متى وهو كذاا قلييل ادب اداارة الهلال احتاارفية وان شااء الله توقفه عند حده كل مرة نقول خلاص رجعوه ومهوب غاايب ان شااء الله كل مرة الجمااهير تقول كذاا ويرجع حتى الجمااهير ما احترمهم استغغرب عبادتكم لهذاا اللاعب |
كلنا نتفق مع صالح عزيز لاعب كما نعرف غياباته كثيرهـ والهلال اكبر منه وماراح توقف عليه لآن مليون واحد يتمنى مكانهـ ,.,. |
انا رائيي من راي النعيمه ولكن نعم نحن لانعرف ضروفه ولكن غيابه دايم قبل المباريات المهمه والاداره اعرف منا اذا كان ضروف قاهره فانا مع معاقبته وبقائه وان كان اعذار واهيه فالاداره اعرف ويجب ان تبيع عقده او مقايضته باي وقت لاعب ناشي افضل من نجم لايقدر نجوميته وحاجة فريقه |
عزيز طلب مني أنا كواحد من الجماهير أتمنى أنك ما تردني لأننا عهداك أنك ما ترد طلبات الجماهير الهلالية الطلب هو ........... فكنا الله يرحم والديك .... طلعت لنا زي نور جالس تخرب في الفريق اطلع ورح للشباب وصدقني راح أشجعك وأحبك بس يرحم والديك لاعاد أشوفك لابس فانيلة الزعيم الي ما يحترم الكيان لامكان له قلوب جماهير الزعيم |
يآ هوه صراحه مابي عزيز يترك ألنادي بس نبيه يعقل ويحترم فريقه وقبل كل غياب يقدم اعتذاره ترى من جد فقدانه يبي ياثر على النادي |
المحاور في الهلال كثيره ولعبنا الموسم اللي راح بدون عزيز يعني لاعب غير مهم اتمنى الهلال استفاده من مردود مالي اي لايقل عن 18 مليون او لاعب مقابل عزيز |
انا اقول يخصمون منه خصم قاسي جدا ويخلونه في الاحتياط ولايدققون عليه في التدريبات وبعدها يدور له نادي يوقع معه |
الله يشفي زوجتك يارب ويفرج لك كربك يا خالد ويسر آمرك مع الهلال ويرضون عليك اللهم آآآآمين خالد عزيز ثروه أتمنى ما نخسره قبله يوسف الثيان كل يوم غايب هو أسطورة الهلال أرجوك لا تقسو على خالد عزيز الله يعلم ويمر فيه كونوا عون له وأدعموه فهو ابن النادي ويحب الهلال بصراحه ما قد لعب خالد عزيز مباراه وكان سيء فيها حقق مع الهلال 17 بطوله |
شكرا لك اخي العزيز بخصوص صالح النعيمه اتفق معه لسببين اولا : صالح كبتن كبير و ضحى هو و المجموعه اللي معه في وقتها اتذكر حادثه له في احدى المباريات كمل و هو مصاب و واضح هذا عليه لكن ضحى من اجل الفريق الثاني : خالد صارت هذه عاده في كل موسم و قبل فترة غاب و طلع ان معه عزر و انا اشك في ذلك و هو يواصل عدم تقديره للفريق و للجماهير و نفسه !!! |
اخي الفاضل خالد عزيز لاعب لايعتمد عليه اطلاقا كم مره نكبنا في مباريات حاسمه ونهائيه بالغياب او بالطرد . اللــه يستر من هو اللي يلعب براسه ويخليه غير منضبط بالعربي عزيز لاعب خائن ومانبيه |
خالد عزيز .. المايسترو .. في وسط الهلال اتمنى من اداره شبيه الريح ماتفرط في هاللاعب .. والله ظلم اذ تم التفريط بـ نجم كـ خالد عزيز |
إقتباس:
|
نتمنى من خالد عزيز يكون منتبه ولا يتغيب عن التمارين .. خالد عزيز لاعب كبير .. لكنه صاير مهمل للاسف بالتوفيق له |
كلام صالح هذا من قلب والله زودها عزيز كم بطولة خسرها الهلال بسبب غياب عزيز وشف عزيز ميغيب الا في وقت يكون الهلال في امس الحاجة لعزيز يسوي مثل عبدالله الجمعان فيه واحد يحرضهم على الغياب |
اخالف الرأي صالح النعيمة هل نقدم افضل محور سعودي على طبق من ذهب لنادي الأتحاد المنافس ليكون ثنائي خارق مع كريري او في الشباب ليزيد القوة مع احمد عطيف او في النصر مع ابراهيم غالب عزيز عملة نادرة في خانة المحور ويجب الحفاظ علية بقوة اما الكلام العاطفي والمطالبة بابعادة فسنندم مستقبلا مثل ماندمنا على عمر الغامدي في بطولة اسيا الأخيرة ولم نجدة مما تسبب في خروجنا من البطولة بعدين الهلال دافع في عزيز ملايين والحل هو في الأستفادة من خدماتة مو ابعادة إذا ابعدتة عن الفريق فكأنك تعاقب الفريق ولااحد ينسى ان عزيز الوحيد القادر على سد غياب رادوي وارجعوا للمباريات الي توقف فيها رادوي وشوفوا كيف كان عزيز مثل رادوي ماشاء اللة عقاب عزيز يكون فقط ماديا اما ابعادة عن الفريق واهدائة لنادي منافس فستكون غلطة جدا كبيرة وممكن تتكرر مع اي لاعب ومن هنا احذر من التفريط في نجوم الهلال لأنة إذا ابتدأ التفريط فسيتكرر مع اي نجم اخر |
خالد طولتها مررررة اعلم بان الهلال لا يقف على لاعب مودتي لك وراجع نفسك انت الخاسر الاكبر |
أتفق مع صالح النعيمه ياإدارة الهلال ياسامي الجابر فكــــونا من خالد عزيز نسقوووه بيعووه أعملوووا أي شي ريحوونا منه قبل كل مباراة مهمة تلقاه غائب عن التمرين بالييوم واليووومين يعني لاعب تشوويش على الفريق والله رااحو لعيبه من اندية كبار وماتأثر الفريقق بالعكس أرتقى مستوى الفريق للأعلى خـــــــــــالد عـــــــــــــزيز أرحـــــــــــــــل |
اتوقع خالد عنده ظروف نفسيه واسريه اجبرته على تغيبه ,,,, لا تصيرون كلكم ضده ~ |
الكابتن صالح النعيمه مثلنا يخاف على الهلال ، وبصراحه لازم نشوف حل مع عزيز اذا كان فعلا لديه ظرف يمنعه عن الحضور للتمرين فـ يجب اتخاذ اللازم بحسب ماتشوفه الاداره وحسب قوانينها .. ارجع واقول الكابتن صالح يهمه امر الهلال مثلنا تماماً :) وتبقى وجهة نظره ويجب ان نحترمها |
إقتباس:
بس بعض الاعضاااء الله يهديهم مستعجلين..:mad: |
إقتباس:
خالد عزيز من بعد مباراة الهلال والاتحاد اللي اخذ فيها الاتحاد الدوري قبل العام ووضعه موطبيعي اصلا من تدخله على الهزازي بذيك الحركه وتحس بنفسه شي سبحان الله ومن يومها ماانضبط خله يروح فريق ثاني استرله والله وجوده وعدمه واحد الفريق ماشي من غيره مااول الا ياوحشتك يالغامدي منضبط ولااخذ حقه |
انا اقول دامه محترف يحولونه رديف لين يخيس .. لانه لايستحق ارتداء شعار الهلال ... ولايعطونه مكافات ولا اي شىء ... اذا قرب يدخل سته شهور يقايضونه بوصيف هداف الدرجة الاولى لاعب ابها علي العلياني ..لاعب ممتاز جدا .. انواع التحطيم من جد ...خله يلعب في الدرجة الاولى .. على ان تكون المقايضة في اخر يوم من الانتقالات الصيفية ... |
والله احترنا صراحه خالد عزيز لاعب كبير ومحترم ولا نقدر نفرط فيه والهلال اهم من اهماله والتغيب عن تمارينه الله يكتب الي فيه الخيـر لو الموضوع يبتعد عن الاعـلام وينحل بشكل ودي افضل |
يعطيك العافيه اخوي على التغطيه الكبيره .. |
الرجاء الوقوف مع عزيز ن كان غيابه بسبب مقنع و ان كان لا بد من عقوبة فيُكتفى بالخصم من مرتبه |
شكرا لك ، بصراحة أتمنى تقدير وضع خالد عزيز النفسي .. فقد يكون لديه ظروف نفسية و أسرية . |
رحيلة عن النادي يعتبر هدية ثمينة لنادي الذي سيذهب لة بعدين الحروب على رادوي مستمرة وممكن في اي لحظة لاسمح الله يخترعوا قضية ويلغوا عقدة فيها هاذيك الساعة نكون خسرنا افضل محورين عزيز ورادوي باختصار يجب الحفاظ على لاعبينا وعدم التفريط بنجومنا نهائيا لكي لانندم في النهاية ولكي لاتصير عادة في الفريق الهلالي التفريط في النجوم عزيز عقابة يكون ماديا فقط |
يجب ان يرحل خالد عزيز فهو عبئ كبير على الهلال عندما يحتاجه الهلال لانجده وعندما يحتاج الهلال يجده |
كل موسم يطلع لنا هذا الخالد بحركة غبيه كل مباراة مهمة وموسميه يطلع لنا هذا الخالد بتصرف ارعن القرار : ينهي عقده في المدرجااااااااااااااااااااااااااات مثل ماقال رئيس النادي وبعدها الباب يفوت جمل لأي نادي يرغب فيه |
إقتباس:
طيب وإذا اختلقوا قضية اخرى لرادوي وتم ابعادة عن الهلال من يبقى في المحور نكون تلقينا اكبر ضربتين لاسمح الله خسارة رادوي وعزيز في وقت واحد |
#### يبونه كبري للأتحاد او آلنصر لآلآكن يحلموون عزيز لاعب كبير و امكانياته كبيرهـ .. ارجو عدم رحيله فمهما فعل عزيز لن نكابر فعزيز نحن بحاجتهـ ... |
الطرد اريح لنا وله أحنا أبد ماعندنا الا سالفة عزيز |
المفروض من الأدار عدم التسرع في شأن خالد عزيز للأستفاده منه في مبادلة احد الأنديه بلاعب اخر يفيد الهلال |
والله خالد لاعب كبييييييير بس مدري وش فيييه الله يكوون في عونه ودي |
انا مع صالح النعيمة في كلامه خالد عزيز يسير على خطى عبدالله الجمعـآن وانا بيعه لأي نادي وحبذا لو يكون الشباب مقابل عبده عطيف أو عبدالله شهيل أو حسن معاذ . |
[QUOTE=يارباااااه يالزعيم;17944138]يعطيك العافيه اخوي على التغطيه الكبيره .. رأيي من رأي الكابتن صالح النعيمه .. إذا اللاعب لم يحترم الكيان الذي هو فيه والشعار الذي يرتديه فلن يكون له مكان بالنادي .. نعم خالد عزيز لاعب كبير ومن نجوم الزعيم ولكن بما فعله مؤخراً يستحق واحد من الأثنين : 1- التنسيق .. 2- الإنتقال .. أتمنا من الإداره أتخاذ الإجراءات اللازمة .. أحسنت أخوي واسمح لي اقتبس وأزيد لما يكون هذا الرأي من رجل بحجم ابو فهد لابد أن يؤخذ في الاعتبار.. أما حديثك أنه ليس هذ وقته والنادي بحاجته......فالهلال حقق الدوري والكأس بدون عزيز..وماشي قطارة في الاسيوي .. فابتعاد عزيز في هذا الوقت لماذا لا يكون دافع للقرني بإعطائه الثقه فاللاعب موهوب جدا وثقه . |
اتمنى من الهلال تجميد هذا الاعب ليست المره الاولي التى تحدث منه عدة مرات تهرب من المبارات في السنوات الماضية |
| الوقت المعتمد في المنتدى بتوقيت جرينتش +3.
الوقت الان » 04:01 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd