51 بطولة ,, و زعيمنا من يطوله ( بطولة عاشرة , تبريكات و افراح , و برامج تلفزيونية, أخبار, صور ملعب الحفرة ) - نادي الهلال السعودي - شبكة الزعيم

هلالي ثنياني · #1 15/04/2011, 01:42 PM

دقّت الساعة عَشِر,, ودق قلبي
ودقت طبول الفرح
ونادى القمر,, يافرحتي

أخيرا جا يوم النهائي,, والموضوع أبعتذر منكم إني بأطرحه بدري على غير العادة
لأني الآن ماشي على مكة المكرمة شرفها الله

, وماهو مأخرني عن رفقاء الطريق إلا أيقونة (إضافة موضوع)

لازم إن شاءالله أوصل للملعب من بدري, لأن مباراة اليوم ماهي أي مباراة ,, اليوم نهائي أهم بطولة, وطبعا في مقياسنا نحن بنو هلال, فأقرب بطولة من أيدينا هي البطولة الأهم
مباراة اليوم إن فاز الهلال (بمشيئة الله وتوفيقه) فستكون البطولة العاشرة لكأس سمو ولي العهد, وستكون البطولة رقم 51

, وستكون البطولة الرسمية الأولى للقائد الهلالي الجديد ياسر القحطاني, وستكون .... (هذي مفارقة تاريخية, بأكشفها لكم بعد المباراة إذا فزنا إن شاءالله)

الموضوع مثلما تعرفون,, تجمع للأعضاء وسوالفهم عن المباراة
ومثلما تعودتم منا قبل كل مباراة موضوع شامل حول كل الأحداث حول النهائي
أي موضوع قصير, سالفة حول المباراة, توقعات, تشكيلة مقترحة, صور
وطبعا البرامج الحوارية والتقارير المصاحبة للمباراة من القنوات الفضائية التي أعلنت عن تغطية كبيرة لهذا اللقاء الكبير ستتم مناقشتها والحديث حولها في هذا الموضوع

يعني لاقوانين تحكم هذا الموضوع إلا قوانين الاحترام والتقدير المتبادل, وقانون بسيط جدا
هو الابتعاد عن السوالف الجانبية التي لاتتعلق بالمباراة

وكما ننوه في كل موضوع, سيقوم الإخوان مشرفي الموقع (اللي بيجلسون في بيوتهم ومابيروحون للملعب مثلي

) بدمج اي موضوع حول المباراة مع هذا الموضوع

قبل لاأرسل الموضوع, لازم أستغل الفرصة وأذكر الإخوان اللي بيسافرون لمكة عشان المباراة ماينسون يقولون الأذكار ودعاء السفر ويبذلون الأسباب ولايسرعون على الطريق,
وطبعا للجميع سواء اللي يسوقون أو جالسين في بيوتهم, اللي بيحضرون أو مابيحضرون (وإن كان التنبيه أهم للي يسوقون) إنهم مايبالغون لافي الفرح إن فزنا بمشيئة الله ولا في الحزن لو لاسمح الله وخسرنا
ولاتنسون تستغلون يوم الجمعة (اللي ماقرا سورة الكهف يقوم يقراها)

اللي فيه ساعة استجابة بالدعاء لأنفسكم ولإخوانكم المسلمين في كل مكان, وللهلال بالتوفيق والحصول على هذه البطولة وأن لايحرمنا فرحة الإحتفال بالبطولة 51 هذا المساء ,, وإن شاءالله تدق ساعة البطولة العاشرة هذا المساء

اللهم يارب, ياذا الجلال, وفق الهلال, وأفرح جمهوره ومحبيه بالفوز هذا اليوم وكل يوم
اللهم وفق الهلال للفوز بالبطولة, وأقر أعيننا بمشاهدة كأس البطولة بين أيدي أبناء الهلال, ولاتحرمنا الفرحة بالفوز ولامشاهدة الفرح في أعين جمهور ولاعبي وإداريي نادي الهلال

نشوفكم بعد المباراة إن شاءالله عشان نهنئ بعضنا, ونغني سوا لبطولة الدوري

وقت اللقا قرب وحان,,
ياشوق عطّر هالمكان
وقل للزمن,, لحظة.. توقّف يازمان
دقات قلبي تنتظر,, حلم العمر
اللي انتظرته من زمان
اللي انتظرته من زمان

نستودعكم الله الذي لاتضيع ودائعه, وفي أمان الله

™ṂṒḤĂṂṂĂĐ · #2 15/04/2011, 01:58 PM

السلام عليكم

جمعة مبااااركة للجميع .. ولا تنسون الصلاة على النبي عليه الصلاة والسلام

---------------------------------------------------------------------------------------------------------------

عااااااااااااجل : ................... يدعم الفريق قبل النهائي ... والكل يتفق ان هذا الشي مهم جدًا قبل كل مباراة وخصوصًا اليوم !!!!

..

اتوقع ان الموضوع شدكم شوي

ومتحمسين تبون تعرفون من هذا الشخص ..

وشي طبيعي انكم تكونون ملاقيف

وطبعًا هذا الشخص هو ....::

.

.

.

.

.

.

.

.

..

..

..

..

..

..

[IMG]

..[/IMG]

هو انتم يا جماهير الزعيم ..

فالزعيم يحتاجكم .. وهذي فرصة لأهل مكة وجدة ..

وان شاء الله يبيضون الوجه ويغطون الواجه ..

ولا تنسون ان مافيه تقسيم

يعني من سبق لبق

وياليت الحين تروحون تشترون التذاكر لان باقي 7 الاف تذكرة .. واللي راح منها 22 الف تذكرة ..

يالله .. وش تبي تقرأ الموضوع .؟؟؟

رح اشتر التذاكر قبل ماتخلص

موضوع اخوي هلالي متعصب عن التذاكر

http://vb.alhilal.com/t1006592.html

..

اسف على الاطالة .. وبالتوفيق للهلال اليوم .. ولا تنسون الحضور .. وبإذن الله الفوز والكأس هلالي

الفارس الازرق

للمشرفين : اتمنى من المشرفين سرعة الرفع لان الموضوع محفز للحضور

هلال234 · #3 15/04/2011, 01:59 PM

السلام عليكم ورحمة الله وبركاتة
اما بعد :
اليوم يوم الزعيم بأذن الله .....

اهم شيء الفريق يدخل برووووح عاليه ....

سؤال: هل تتكرر هذه الصوره ....؟؟

يارب ياكريم انك توفق الهلال بالحصول على البطولة... اميييييييين

Fahad Al Sudais · #4 15/04/2011, 04:22 PM

قواك الله يا هلالي ثنياني

وبإذن الله نحتفل جميعاً بالبطولة الغالية

انطلقوا يازعماء الارض

أمورة الزعيم · #5 15/04/2011, 04:23 PM

بسم الله الرحمن الرحيم

اهلآ بالزعمآء

يعطيك العآفية مشرفنآ

وبالتوفيق لنجوم الزعيم الليلة

انا متفآئلة ولله الحمد لكن خآيفة من شي وآحد وهو !
الثقة المفرطة ! نعم الثقة المفرطة الي تضيع الفريق !

اذا حضرت روح الفريق واحترمنآ الوحدة بإذن الله الكآس هلآلي

ـهلالي ـمدريدي · #6 15/04/2011, 04:28 PM

..............................................................

aljoker alhilali · #7 15/04/2011, 04:29 PM

يعطيك العافية ابو نواف

توصل بالسلامة ان شاء الله

بالتوفيق للزعيم الليلة امام الوحدة في نهائي كاس ولي العهد وباذن الله يعودون للرياض ومعهم الكاس

مباريات الكؤوس دائماً ماتكون صعبة ولكن باذن الله بوقفة الرقم الصعب مؤهلين لاضافة البطولة 51 للخزينة الزرقاء

بالتوفيق وباذن الله ترجعون محتفلين باللقب

بن جبله المطيري · #8 15/04/2011, 04:30 PM

اهلين وسهلين بمشرفناااااااااا الكبيـــر هلالي ثنياني

والله الله بالحظووووووووور ياجماااااااااااااهير نصف الارض

وموووووووووووووفق يااااااااازعيمـ

جار الزعيم مميز · #9 15/04/2011, 04:30 PM

إقتباس

الرسالة الأصلية كتبت بواسطة أمورة الزعيم


	بسم الله الرحمن الرحيم اهلآ بالزعمآء يعطيك العآفية مشرفنآ وبالتوفيق لنجوم الزعيم الليلة انا متفآئلة ولله الحمد لكن خآيفة من شي وآحد وهو ! الثقة المفرطة ! نعم الثقة المفرطة الي تضيع الفريق ! اذا حضرت روح الفريق واحترمنآ الوحدة بإذن الله الكآس هلآلي

وآنآ كذلكـ يآ ’آمورهـ
بس الفوز من صآلح الزعيييييم

كابتشينو · #10 15/04/2011, 04:30 PM

أهلا وسهلا ..
والله الأعصاب تلفانه وإن شاء الله البطولة هلالية يااااااااااااااااااارب ..
جو الملعب أوروبي وللأسف جمهور هلالي جدا قليل وجمهور وحداوي كثير !!!!
ما أدري وش السببب !؟!؟!! جمهور الغربية من قرن وهم يبون نهائي عندهم وهذا هو جاهم ومافي أي حماس للأسف!!!

جار الزعيم مميز · #11 15/04/2011, 04:31 PM

إقتباس


	يعطيك العافية بالتوفيق للزعيم الليلة امام الوحدة وحصد البطولة 51 باذن الله

آن شاء الله يالجوكر نحسمها اليوم

جار الزعيم مميز · #12 15/04/2011, 04:32 PM

يآشبآب كم بآقي تذكرهـ سسسسسسسسسسسسسسسسسسرعه

جار الزعيم مميز · #13 15/04/2011, 04:34 PM

إقتباس

الرسالة الأصلية كتبت بواسطة كابتشينو


	أهلا وسهلا .. والله الأعصاب تلفانه وإن شاء الله البطولة هلالية يااااااااااااااااااارب .. جو الملعب أوروبي وللأسف جمهور هلالي جدا قليل وجمهور وحداوي كثير !!!! ما أدري وش السببب !؟!؟!! جمهور الغربية من قرن وهم يبون نهائي عندهم وهذا هو جاهم ومافي أي حماس للأسف!!!

والله ياكابتشينو آ’ني مثلكـ بس الشكوى لله يآخلفهم آحس آن الوحدهـ يبي يسوون شيء

أمورة الزعيم · #14 15/04/2011, 04:35 PM

برنآمج الي قبل المباراة بدآ على لآين سبورت
مع سلمآن المطيويع والضيوف هم : عبدالله الحرآزي وسعد مبارك ^^

كبير الهلاليين · #15 15/04/2011, 04:35 PM

السلام عليكم و رحمة الله و بركاته

مساء النور لكل الزعماء

و لآهنت يا بو نواف على الموضوع

مباراة الليلة لا تقبل القسمه على اثنين < جايب شيء جديد

مباراة بطولة رقم 51 بأذن الله

الهلال يدخل لقاء اليوم و هو شبه مكتمل و بالتالي زيادة الخيارات لدى المدرب في اللاعبين و البدلاء
احترام الخصم واجب , و هي اولى خطوات تحقيق الزعيم للقب بأذن الله
هدف هلالي في الربع الساعة الأولى , اتوقع بيسهل علينا المباراة كثير
و هذا ما راح يجي إلا بظغط قوي و مركز هجومي من الدقائق الأولى

و استغلال لضعف المناطق الدفاعيه الهلاليه , خصوصاً في العمق الذي اذا ما تم استغلاله فأنه راح يجيب لنا نتيجه بأذن الله

كل التوفيق للأزرق , و بأذن الله ثنائية زرقاء نظيفة تتوج الأزرق باللقب