إقتباس على طاري الخجل ذات يوم كنت العب كورة مع اولاد العائلة الكريمة طبعاً انا 4 واحد فيهم .. يعني مو الكبير و اللي اصغر منه ولا اللي بعده اللي بعده << آندرستاااند و معروف "علي" اللي هو انا بتقليد البرنس طارق و يا كثر ما هبلت فيهم طبعا البنات << :$ يناظرون من فوق البلكونة يآ ويليه على قولت واحد طبعاً علي استنزل في اللعب و من زود الفن قلت باسوي مهارة شفتها في اليوتيوب اللي هي الوقوف ع الكورة و اسويها اللا يجيني واحد مقلع من وراي - قد صكيته كبري الله اعلم انه انشق السروال من جد - و يقش الكورة من تحت رجولي و اصفط ع النظارات الطبية .. طبعاً و اقوم الفعه بذاك الكفة اتوقع إلى الآن يدي في خشته .. و اناظر في خشته اللا هو ولد عمتي اكبر من بـ 4 سنوات طبعاً و جهي تقلب عشرين لون قلت الحين يّ بيصيح عند امه يّ بينعن سابع ثامني و الحمد لله ما صار ولا شي

ههههههههههههههه تحمممست يوم شفتهن يقزقزن فيك ض1 ض1

زين ما سويت الحركة اللولبية ض1 ض1

منورررين انتم ومواقفككككم الجميله ياجميلين ..
صراحتن مت ضحك

إقتباس الرسالة الأصلية كتبت بواسطة مجنونة الامير نواف ههههههههههههههههههههه توحفه اجل اسمعي مواقفي مرتين شافني زوج اختي شلوون مره كنت طالعه من الغرفه ولافه راسي يمين وامشي متى انتبهت انه قدامي ؟؟ لمن باقي شوي واضرب فـ صدره ههههههههههههه لا وهو بعد ماوخر ولا راح شكله قعد يطالع الشبه بيني وبين اختي ههههههههههههههههه\ وفي مره دخلت عليه الغرفه هههههههههههههههههههههههههههههه << منحرفه البنت ولا هو قاعد يتغدى وفاصخ الثوب >__< يوم شفته اانحشت وخليت الباب مفتوح

ههههههههههههههههههه قسسم احررااااج
منوره دووك

إقتباس الرسالة الأصلية كتبت بواسطة أمورة الزعيم بصرآحة موضوع توحفة اهنيك والله قريت كل الموآقف وبصرآحة اغرب شي موقف قهوجية بخصوص موقف حصل لي قبل فترة مهوب طويلة مرة من المرآت كنت في غرفة اختي في الدور الثآني من بيتنآ وكنآ نسولف وكذآ المهم انا غرفتي تحت وفي هذا اليوم كنت انتظر مبآرآة للهلآل عآد ما اذكر مع من بالضبط اتوقع يآ الرآئد او التعآون هالموقف تو قبل فترة مهوب طويلة حآصل لي المهم نزلت تحت بسرعة البرق ابي الحق تعرفون المباراة راح تبتدي وانزل الا في الصآلة جآلس ولد خآلي وانا ماكآن عندي علم انو موجود .. الله يسآمح المآمآ مآخبرتنآ عآد انا ادخل الصآلة عشآن اروح لغرفتي الا ولد خالي في وجهي واصير كذآ +____+ وولد خآلي يقول لي وش فيك يآ مهبولة جآيتن مسرعة عآد في هذه اللحظة كان ولد خالي بوحده في الصآلة وامي كانت في المطبخ .. قلت هآآآ وانا واقفة لا تحركت من مكآني ولا شي وبعدهآ اسرع لغرفتي ووجهي صآر احمر وبعدين يوم طلع ولد خآلي رحت لأمي وانـآ معصبة بقوووة وقلت لهآ الي حصل الا بكل برود تقول لي نسيت ماخبرتكم هالموقف ما انسآه والله تفشلت بس

هههههههههههههههه الهلال والله مهبببل فيناا ..
واهاليناا داايمن موهقينننا
منوره دووك

إقتباس الرسالة الأصلية كتبت بواسطة عاشق التااايب انا الموقف الي ماانساه كان بعزى جدتي الله يرحمها شفت بنت خالي الصغيرة قلتله ابروح اسلم على خالاتي شوفي لي طريق مشينا يوم جينا الصالة قلت فيه احد ؟ قالت لي لا مابوه احد امش يوم دخلت الا القى بنت خالي الكبيرة وخويته وانا اسحححب وررى قعدت اخانقه وقلت له انتبهي مرة ثانية المهم يوم راحن عن الصالة قلت وين خالاتي قالت يقلن خليه يدخل لمجلس الحريم مافيه احد يوم رحت هناك الا القى كل حريم امة محمد موجودات هههههههههههههه ثبتت بمكاني ماادري وين اروح ورى ولا قدام ولايسار ولا يمين ولا قدام ولا تحت ههههههههههههههههههه لقيت باب الحوش قدامي وافتحه واحط رجلللي واهججج ههههههههههههه ولا سلمت على خالاتي بسبة الفشيلة ههههههههههههههههههه

ههههههههههههههههههههههههههههههههههههههههههههههه
ههههههههههههههههههههههههههههههههههههههههه
ههههههههههههههههههههههههههههههههه
مااره تننرحم ولا بنت خالتك الملكعه ..
منور دووك

إقتباس الرسالة الأصلية كتبت بواسطة ســـــ SMN2002 ـليمان [SIZE="4"] بس اقوووى مووقف مر عليهاااااا من هذا النوووع امي كاااانت تخبز بالحوووش وتخبرررووون وضع اللي تخبز المهم البااااب دق الا امي تقوووم وتفتح الباااااب على بااااالهااااا جاااارتناااا اثريه طلع صديق اخوووي هو انفشل وعلى طووول ركب سيااااارته ورجع للبيتهم اخوووي دري وكااان وقتهااااا مااافيه جوالات ركب السياره ورااااح لبيتهم وعلى فكره سيارتنااااا تشبه سيارتهم المهم وقف عند الباااب ودقه ورجع ركب السيااارة الا وتجي ام صديقه وتررركب معه وتقعد تسولف على بااااالهااااا انهااااا سياااااارتهم عااااااد رجع اخووووي ميت من الضحك ويقووول ابشري يايمة اخذت بثااارك شكرررا ياااااااصااااااحبة الموووضوووع على هالموووضوووع المفرفش [/SIZ]

ههههههههههههههههههههههههههههههههههههههههههههههههههه
صراااحه موقف اليييييييييييم جدا
واخووك والله محظووظ عرف يرد الموقف
منور دوك

إقتباس الرسالة الأصلية كتبت بواسطة الرادار اللاقط نحسن الظن في صديق ابوك ونقوول انه يعاني من الماء الابيض بعيوونه عشان كذا ماقدر يركز فيك شاف البياض قال رمادي بأسود الشكوى لله فان لم اتي لمناظرتك بعد سنه او بعد قرن فاعلموو انني في مقبرة النسيم صاحب المقولة التحفة سعود الصرامي

ههههههههههههههههههههههههههههه
الحيين ذي سبه ولا مدحه > بتصييييح
منور دوك

إقتباس الرسالة الأصلية كتبت بواسطة بندر البرقاوي 511 ابوك دمقراطي شكله لو انه واحد ثاني ذبحك

اييه ابووي ابطل واحدد فديته
دوك

إقتباس الرسالة الأصلية كتبت بواسطة الأطخـــــــم لابد من هالمواقف .. انا نصف حريم اخواني حافظ اشكالهن من كثر ماطب فيهن ويطبن في بالغلط ...

هههههههههههههههههههههههههههههه
اجل تلقى اخووانك شاايششين يبونك تتزوج عشان ياخذون بثأر زوجاتهم
دوك

إقتباس الرسالة الأصلية كتبت بواسطة $قناصة الزعيم$ ههههههههههههههههههههههههههه موضوع رآئع شكرآ لكـ

انتي الأروع خوذي

إقتباس الرسالة الأصلية كتبت بواسطة 9متيمة الزعيم9 ههههههههههههههههههه الله يسعدك حلا عالموضوع التوحفة قريت كل الردود فكي يعورني من الضحك موآقف لابد ونطيح فيهآ عآد أنا تصيرلي مع أزوآج أخوآتي اكثر شي أذكر مرة وحدة من إخوآتي ولدت وطبعآ لازم تكون بالأربعين أو الشهر الأول عالأقل عند الأم المهم جآت من المستشفى وأنآ اللي اجري ع البآب استقبلهآ وأشوف النونووبعد مآسلمت طلعت عند البآب بأشيل أغرآض النونو وإلا زوجهآ بوجهي اووووم الفشله عاد هي نسيت تقولي مآ تنلام هي في ايش والا ايش وغيرهآ مواقف كثيرة عوآإآإفي يآعسل عالموضوع

هلا والله يااحبييلك انتي الأروع ..
بالنسسبه لمواقفك بجد احرااج
منوره دوك

إقتباس الرسالة الأصلية كتبت بواسطة لا تعتزل يا سامي موضوع رووووووووووووعه يسلمووو .,! أذكر مرة حصلي موقف يالله بجد فششششششششششله .!, مرة دخلت بيت جدي و بالدور الأول توهم مسوين مسبح الموهيم اجيك انا ومعي خالتي وخالي داخلين الدور الأول قلت لخالتي ادخلي شوفي فيه احد .. وتطل كذا تشوف ما شافت أحد .. وأجيك مدرعم .. والا أشوف بنات خالي .. طالعين من المسبح وتوهم يلبسون بجدددددددد انحرجت انا .. أجيك أدور ع الباب مافيه ضيعته .. أروح يمين شمال أركض وباليالله لقيته وأطلع والجو صار حاررررررر .. عاد هم اطلعوا من الباب الثاني .. وتجبك خالتي فاطسه ضحك عليّ ., يرج ابليسها .. وموقف ثاني : جاء عندي صديقي يعني مرة ومتصل عليّ يقول أبي تطلع معي مشوار كذا تجهزت وركبت معه السيارة وبدينا نحكي ونسولف بالخط ويوم نقول سالفة تضحك والا اسمع ناس تضحك ورى والسيارة مضلله وحنا بالليل عاد أحسب ما فيه أحد يالله وفاطسين ضحك عاد أنا وجهي راح فيها ..! وصار أحمرررررررررر وصار فيه خطوط الطول ودوائر العرض من الإحراج .. بعدها خلاص ولا كلمة ما غير أناظر في الجوال .. واحس حررررر مرة صديقي النذل يقول وش فيك ترى المكيف يشتغل على أعلى درجة .. قلت لا تعبان شوي بس وياليت ترجعني البيت قال كلها دقايق ونرجع مشواره كان بيودي هله قصر أفراح والمكان بعيد ولا اقدر يجلس بروحه وقام يورطني معه الله يرجه يا إنها مواقف تجيب الصيف في عز الشتاء وأشكرك كثييييييير ع الموضوع الروووووووعه

اجل انتم يالعيال مثلنا لاستحيتوا تحسسون بحراره ههههههههههههههههههههههههههههههههههههههههه
صراحه موقفك الثااني بجد احرااج ياخزياه ><
العفو والله , منور دووك

إقتباس الرسالة الأصلية كتبت بواسطة غضب الرومان هههههموضوع حلو جدا..يووه يااقد صارت لي موااقف واااجدانا بنت عميمرة كانت عندنا وهي طبعا كبيرة ومتزوجة المهم.. رحت تحت ابي اخذ ملابسي واتروشاول مادخلت غرفتيالا طلعت هي وامي بالصالةوانا اول ماسمعت اصواتهم صديت ظهري وراواسمعها تقول هذا عمر؟؟!امي قالت : ايه>>انا حسبتها تبي تدخل تتغطى>لكن دخلت مع امي الغرفة وهي مو متغطيةوتسوولف معي وتقول وش لونك ومدري شلون>>انا تحطمت حسيت اني ورع>> ادرس اولى ثنوي وقتهاوالحين انا ثاني ثنويولم انسى هذا الموقف ترى الواحد اذا دخل الغرفة وشاف الحريم يتغطون منه يستانس ويكررها دايم ودي

بقوووه تحس انك بزر هههههههههههههههه
عاد الي بأولى ثانوي يبون الناس غصب يتغطون عليهم عشاان يسحون انهم رجال
منور والله دوك

إقتباس الرسالة الأصلية كتبت بواسطة دبــل كيــك مـوقـف مـضـحـك وطـريـف ويـاااا كثـرهـااا بـس خـلـووهـا مـسـتـوورة عـواافـي حـلا وسـعـتـي صـدوورنـااا .. انـاا تـزوجـت عـقـب طـبـة بـالـخـطـااا .. وياازيـنـهـاا مـن طـبـة

ماشاءالله تباارك الله ..
منور دوك

إقتباس الرسالة الأصلية كتبت بواسطة الرادار اللاقط وجهها للقبلة وسمى عليها وقال بسم الله والله اكبر

كششش بس مافي ورده لك

إقتباس الرسالة الأصلية كتبت بواسطة بلـآنكو على طاري الخجل ذات يوم كنت العب كورة مع اولاد العائلة الكريمة طبعاً انا 4 واحد فيهم .. يعني مو الكبير و اللي اصغر منه ولا اللي بعده اللي بعده << آندرستاااند و معروف "علي" اللي هو انا بتقليد البرنس طارق و يا كثر ما هبلت فيهم طبعا البنات << :$ يناظرون من فوق البلكونة يآ ويليه على قولت واحد طبعاً علي استنزل في اللعب و من زود الفن قلت باسوي مهارة شفتها في اليوتيوب اللي هي الوقوف ع الكورة و اسويها اللا يجيني واحد مقلع من وراي - قد صكيته كبري الله اعلم انه انشق السروال من جد - و يقش الكورة من تحت رجولي و اصفط ع النظارات الطبية .. طبعاً و اقوم الفعه بذاك الكفة اتوقع إلى الآن يدي في خشته .. و اناظر في خشته اللا هو ولد عمتي اكبر من بـ 4 سنوات طبعاً و جهي تقلب عشرين لون قلت الحين يّ بيصيح عند امه يّ بينعن سابع ثامني و الحمد لله ما صار ولا شي الفائدة من الموضوع * الشباب : اللي يسويلي فيها طارق على غفلة << ما اقصد نفسي .. يحاول يخفف من المهارات شوي * البنات : اذا لعب الاولاد في الحوش لاحد يناظر و يقزقز واجد .. ترا فيه ناس يتفلتون فوق الخط الاحمر شاكر لتس موضوعتس العسل << ما ضبطها لاني من الجنوب :$

هههههههههههههههههههههههههههههههههههههههههههههههههههه
ااااح وش ذا الكف ..
اجل عقبال مانشوفك تلعب في الهلال ياالتاايب ..
والعفوو ولا ماشاءالله ضاابط اللهجة .. منور دوك

إقتباس الرسالة الأصلية كتبت بواسطة THE SCARCE من شفت العنوان توقعت ماراح أطلع الا وخدودي متوسعه من الضحك.. مثل هالمواقف طبيعي تحصل .. بس اللي مو طبيعي تدخل غرفتك وتحصل نفره (اصبع عكس الاوكيه) منصدم بجرأة بعض قريباتي للأسف (إصبع ثاني), صرت أنا البنت بعدين من حقك حلا, اذا نظرة وحدة بالعمر ضروري تكون بأحسن صورة للذكرى.. استغفر الله موب ضحكت وبس, الا سويت تجمهر الله يسعدكم والشكر لصاحبة الموضوع ويديم الستر على الجميع ي رب ..

ايييييييييه يعجبني الوااحد الفااهم ويحس بششعورنا لك ميه ورده على هالكلااام .. الخ
وبالنسبه لقريبتك ترا عادي ..
انا عن نفسي امنيتي ادخل غرفة عيال وافتش واشوف وش فيها

إقتباس الرسالة الأصلية كتبت بواسطة الـمـشـاغـب أها ... زعلانة لأنك بس ما كنتي متكشخة؟ طيب عادي .. ثاني مرة إذا جاكم غريب تكحلي وتزيّني ثم ادخلي عليهم بالغلط وسوي نفسك متفاجأة وحطي يدك على خشتك مع صرخة حياء لزوم الإيقاع البطيء !! صدق أخوك الظاهر توك صغيرة .. بالنسبة للمواقف .. استحضرت موقف محرج شوي .. كنت مسافر أنا وواحد على سيارته ووقفنا عند مسجد نصلي المغرب والعشاء .. هو صلى قبل لأني تأخرت في الوضوء .. المهم طلعت من المسجد ولقيت سيارته قدام المسجد جيت مديت يدي أبفتح الباب إلا وأشوف مثل الحركة على مقعد الراكب فتحت الباب وكان مقفل واستغربت !! ركزت في داخل السيارة إلا وبداخلها حرمة رجعت وراء وسويت نفسي عادي ورحت لسيارة خويي وأنا منكمش بداخل سروالي من شدة الإحراج وأقول له امش قبل ما يخلص زوجها الصلاة ويذبحنا ما يستفاد من الموقف : * قبل ما تركب السيارة لازم تكون متكشخ ومتعطر ويا حبذا تكون فاتح بلوتوثك !!

موب مسئله تكششخ وكذا .. :/
بس دامه شايفني شايفني وخربانه خربانه الأفضل اني اصير متكششخه ولا يشوفني شهبه لهبه .. !
وبالنسبه للصغر .. الحمدالله الكبر لله
بالنسبه لموقفك ااخ ليت شافك زوجها وجالدك كان يصير الموقف اكشششن ..
منور دوك

إقتباس الرسالة الأصلية كتبت بواسطة متابعة بجنون خخخخخخخخخخخخخ مواقف جمييله زين زين انه فيه أحد رجه مثلي حسبت بس أنا لحالي , . . عموماً كثير مواقف صارت " مواقف ماتنقال , أصلاً ايهم أقول " شوفت الهندي وإلا شوفت واحد من الناس اللي من كثر ماشافني حفظ شكلي : "( > عكس ماهو يقول بعد كل شوفه قولوا لها ترى ماشفتها "( , ــــ شكراً للجمييع ~> رد سريع سريع , على فكرة حلا أبوكِ رهيب مثل أبوي يحسسون فينا عشان هيك مايهزون "

هههههههههههههههههههههه
اييه فديته ابوي .. والله يخليلك ابوك ..
منوره ياقدع دوك

إقتباس الرسالة الأصلية كتبت بواسطة just hilaly هههههههههههههههههه ذكرت مره اخوي كان جايب في البيت عامل يصلح شي في الكهرب وكان فيه وحده من قرايبنا وأخوي وهو داخل بأعلى صوت ياولد وهي كانت في الصاله من الخوف ماعرفت وين تنحاش دخلت تحت الكنب يوم دخل اخوي الصاله قال لحد يجي بيدخل العامل>> توهقت قالت لحظه في انا قال اخوي من انتي قالت انا فلانه اخوي<< قال خلاص بطلع وانتي اطلعي ربي ستر بس ام الاحراااج ومن هنا نصيحه للبناات اذا دخل عليكم احد لاتتوزون تحت الكنبات والفرش أطلقي ساقيك للريح بلا رجعه

هههههههههههههههههههههههههههههه
رهيبه مرت اخوووك ..
شكرا لك منوره

إقتباس الرسالة الأصلية كتبت بواسطة مَاهِينُورْ : : وعليكم السلام ورحمة الله وبركاته أهلين وسهلين حلآ موضوع حلو رُغم تحفضي على بعض الأمور المواقف في بعض الردود مُضحكة جداً الله يسعدك ويسعدهم مثل هالمواقف كثير ماتحصل حتى لو كنتِ حريييصه , لأن الي قدامك مو حريص , " يا أخي تنحّنح " وش بيضرّك ؟! أو أحياناً أهلك ماينبهونك مثل موقفك مع صديق ابوك , أو الي يتنحنح ويدخل مباشرة قبل ما يأذن له , يعني إنّي سوّيت الي عليّ بالنسبة لي أنا , ماقد صارت لي مواقف في بيتنا الحمد لله لأن مستحيل أحد يدخل وأبوي واخواني ما نبّهوا والي بيدخل بيكون بالمكان المخصص للرجال , فـ وش بيودّيني هناك ؟!! تصير لي هالمواقف مع المراهقين الي تونا متغطّين عنهم لأن ماعندهم خبره ومتعوّدين يدخلون وأيضاً صارت لي هالمواقف مع الكبار وأكثرها قدام شخص واحد وفي بيتهم , الله يهديه نادراً مايتنحنح أو ينادي أو يستأذن مع العلم إنه يعرف إن البيت فيه بنات !! كذا مرّه يدخل ويصير بوجهي أنا وقريباتي وبعد مايدخل يتنحنح أو يصدّ , وش عقبه ؟!! بعض الشباب أو حتى الشيّاب من أقاربك يقهرون كأنه على البنت تتغطى في كُل مكان أما هوّ عادي يدخل بأي لحظة وبأي مكان بدون إستئذان أو تنبيه وأحيانا بدون سبب للدخول !! يعني إلا لازم يكون معك طرحه أو جلآل أو شرشف طول الوقت بسبب هالدخول المُفاجئ !! والمفروض هذا هو الواجب خاصّه مع تواجد هالأشكال الله يصلحهم وعلي العكس تماما في شباب ما شاء الله تبارك الله همّ الي يتغطّون عنّك مو أنتِ أتذكّر واحد الله يذكره بالخير لمّا يمرّ من قدامك حتى لو أنتِ متغطية يلتفت للجهة الثانية ويغطّي وجهه بشماغه أيضاً بعض البنات الله يصلحهن كأنهن يقولن تعالوا شوفوني ! خاصّة بالأماكن المفتوحة " الإستراحات , المزارع , المخيّمات " أعتقد هذي لازم يكون معك شيّ تتغطّين فيه احتايطاً إلا في حال تأكدك من عدم تواجد أي غريب معليش تكلمت كثير بسّ هالمواقف على انها تضحّك بسبب ردّات الفعل الي تصير إلا أنها تقهر وتنرفز الله يسترنا بستره ويحفظنا شُكراً حلآ

هلا والله .. ماشاءالله تبارك الله
كلااام سليييم صراحه ..
وامين الله يسترنا بستره ..
منوره تفضلي

إقتباس الرسالة الأصلية كتبت بواسطة حـــــــزش حلا انا ولد خالتك الي بالسياره سبحان الله هذا انتي ماتغيرتي لا انا عندي موقف عساه مايمر على احد و ماراح انساه بحياتي :: رايح لولد خالتي باخذه بنطلع نسووع كالعاده فتح الباب قالي تعال ادخل فيه جرايد اليوم جايبهم ابوي اقراهم شفهم بالمجلس باخذ حمام وجي يعني يبي يتسبح ويغير ريحته العفنه (وجه ساد خشمووه) وكل دايم انتظره بالملحق الا هاليوم التعيس رحت للمجلس لان فيه الجرايد بقعد اتصفحها اه ياهووو موقف ياشينه من موقف . طبعن رجل خالتي انسان وقور له مكانته بالعايله رجل ملتزم والكل يحبه ويتونس بالجلسه معه لكثرة احترام الناس له وفوووق هذا له هيبه عجيبه وهو من شيبان القصمان الي اذا دخل البيت يتنحنح علشان الي بالبيت يدرون انه جاء الي منسدح يتعدل والي واقف يقعد والي غريب يتغطى (وجه يقول وش هالهرج) المهم ونا جالس اتصفح جريدة الشرق الاوسط بالمجلس والله ما انساها مادريت الا وباب المجلس ينصك رفعت راسي الا ورجل خالتي مستعجل ويفصخ ثيابه يبي يبدلهم ورا الباب عاد يوم يدخل كان عليه سروال طويل الوسيع حق الشياب وفنيله بس وتعرفون الشياب مايلبسون الا سروال واحد المهم انا مادري وش اسوي ودي الارض تنشق وتبلعني عاد مجلسهم كبيررررر ونا بعيد عن الباب انا اخذت وضع الميت وكتمت انفاسي لاني ماحبيت احرجه وهو مانتبه يا الله على الاحرااااااااااج وهو يغير ملابسه اسمع ولد خالتي يناديني بصووت عالي. ابوه استعجل وفتح الباب يهاوش على ولده يقول قصر صوتك اشفيك تصارخ عاد هيبة ابوووه عندهم موبسيطه . قال ولد خالتي انادي على فلان. قاله اطلع برا بالحوش وصارخ بيديك ورجليك عنده يحسبني بالملحق قال ولد خالتي لا هو ماهوب بالملحق هو بالمجلس وراااك ياالله الرجال احمر وجهه وازرق واخضر وتحتحت شعرراسه (مع ان ماله شعر بس لزوم الموقف) يعني ضاعت اعلومه مايدري وش يقوول التفت يناظرني وعيناه مفدوغتان الا ونا اتبسم ابتسامة الدلاخه يعني كني ماشفت شي بعدها كرهت بيت خالتي ومعها خالتي و فوقهم ولد خالتي واسكتو لا اكرهكم معهم الحين لها اكثر من ثلاث اسنين وهو اذا شافني يقول الله يهديك استر ماواجهت وهو يبتسم ونا صراحه ساتر عليه ماعلمت احد الا ولد خالتي وخالتي والشباب بالاستراحه ونتم الحين تكفون طلبتكم استرو ما وجهتو تراني مالي خلق التنسيق الي عاجبه يقراه والي مو عاجبه يطق براسه الجدار وش اسوي لكم بعد اكتب لكم وافضح رجل خالتي ونسق بعد بعدين تراني ضيف عندكم من منتدى الجمهور الهلالي لكم ودي واحترامي

هلا وسهلا بضيفنا ..
هههههههههههههههههههههههههههههه ولد خالتي سديراوي يالقصيمي
بالنسسبه لموقفك .. قسسسم احراااااااااج بقووه ..
كان المفرووض قلت انا هنا مااهوب تسكت ولا عاجبك الوضع
بس صراحه حرام عليك كان سترت على الرجال وهذا وانت ماعلمت ماشاءالله هههههههههههههههههههههههههههههههههههه
بس جدا موقف اليييم ..
دوك وردتين

موضوع ممتع اشكرك عليه هههههههههههههههه

ههههههههههههههههههههه مححرجه جــدا مواقفكـ






والله يابــنت العــم انــا بصراحــه صار لــي مواقف كثييييير من هالنــوع

يسلمو علي موضوعك وعطينا اخر اخبارك يوميا كده

منوريييين :$


اتحفونا بمواقفكم وراكم هجدتوا ..

Up
up

يؤ
وراه ماعاد فيه تفاعل مثل اول ..

وش قمزك ورحتي للملحق ...
عاد المواقف يام تصير .... بس اذكر في احد العطل كنت توني متغشيه عن ولد خالتي
ورايحه للبراده ابغى مويه والله لا يوريك وان اطيح وينكب المويه عليه ...
هالموقف ما نسيته طووووول العطله
عوووووافــــي خيتــــووووو ...//

هلا والله بك اختي
المواقف حدث ولاحرج
واشين المواقف الي تكونين بموقف ماتقدرين لاتتقدمين ولاترجعين
وايضا بدايه الغطاء تحسين انه شي غريب خصوصا لـ الاولاد الي بعمرك ومتعوده عليهم ودايم هذي النقطه تؤرقني اول ماتبدين تتغطين عن نفر جديد

الحمد لله ماقد صارت لي مواقف كبيره مره يعني ممكن لمحه بسيطه

اذكر موقف اول مابديت اتغطى عن ولد خالتي اتذكر دخل وتغطيت وراح لغرفته
لما رجع ينزل مدري وين طارت عبايتي وهونت وجلست بدون ماتغطى

ماشاء الله بعض الشباب هو الي يصد عنك حتى لو انك متغطيه
وبعضهم مايصدق على الله يركز ومن هاللمحه البسيطه يقدر يعطي تقرير مفصل عن البنت الي شافها

وسالفه ان الواحد لاشافك تكونين متكشخه اتوقع فهمتوا البنت غلط واشوف البعض شن هجوم عنيف عليها
بس اتوقع من باب ان الرجال ماينسى فـ يشوفك بشكل مرتب وتظل بباله احسن من شكل شين والسالفه اصلا كلها من باب المزح ودايم الحريم يقولونها

\

/
عوافي لك

والله مواقفك عسل احس فيك براءة على الأخر يا حلا
المهم انا من النوع الي كيف ادخل البيت ماهمني احد ولا شيء ادرعم على طول غرفتي
حنا درج بيتنا بوسط البيت بالصاله حقت الحريم
وانا دايم ادخل البيت وادرعم على الدرج واناضر ورى لا القى امي عازمة ولا اختي عازمة صديقاتهم
دايم تتكرر حتى الحين لا جو حريم ومادخلت قالو غريبة مشاري اليوم مادخل علينا (مشاري انا <<<لايشيخ قل قسم )
تعودو خلاص
طبعاً ماني متعمد لحد يخش يقول انت شكلك فال امها

موضوع رهييب واتمنى الجميع يتفاعل فيه صراحه

انا ماقد صار لي موقف او مايحضرني موقف الحين