|
ياسر القحطاني .. وطاش ما طاش!! السلام عليكم ورحمة الله وبركاته صباحكم ورد ومساءكم فل يا زعماء في كل رمضان يأتينا المسلسل الشهير والجميل طاش ما طاش .. وبالرغم من أن الاغلبية يرون بأن مستوى المسلسل في انحدار عاما بعد عام .. ومع ذلك فإن نسبة المشاهدة تثبت ان لم تزداد في كل سنة .. وتتهافت الشركات التجارية للفوز بإعلان يسبق حلقات هذا المسلسل او يتخللها او يلحقها .. وقد يستغرب البعض .. لماذا؟؟!!! والإجابة بسيطة .. لأنه طاش ما طاش .. فمهما تدنى مستوى الحلقات فإننا نبقى متأكدون بأنه في يوم من الأيام ستأتي حلقة من العيار الثقيل .. والتي لا يرغب احد في ان يفوتها .. مما يجعل جميع حلقات طاش ما طاش متابعة في انتظار هذه الحلقات هذا هو الحال مع ياسر القحطاني .. فإنه لا يستمر اساسيا لمجاملة المدربين له كما يتجه كم كبير من الناس لتفسير بقائه اساسيا .. ولا لأنه يقدم المستويات المبهرة كما يتجه الشطر الآخر من الناس .. بل لأنه ياسر القحطاني .. فمهما تدنى مستواه .. فإنه من الممكن ان ينهي لك مباراة في لحظة ولــــكــــن تختلف الحالتين اختلاف كبير جدا .. ففي حالة طاش ما طاش فإن جميع الاطراف تحقق مبتغاها .. فالشركة المنتجة تربح من الاعلانات .. والشركات التجارية اعلنت عن منتجها ونشرته .. والمشاهدين يتسلون بمشاهدة حلقات المسلسل وإن لم تكن بالمستوى المطلوب .. اما في حالة ياسر القحطاني .. فإن جهود جبارة تهدر من ادارة ولاعبين وجماهير .. وقلوب تحترق .. ونقاط تضيع والله الذي لا اله الا هو اني كنت دائما ادافع عن ياسر واطالب بالتريث والصبر عليه .. الى ان ضقت ذرعا بهذا اللاعب .. هجمات سهلة ينهيها اقل اللاعبين خبرة يتفنن ياسر القحطاني بهدرها بكل رعونة .. وما يحرق القلب ويجعل المشجع الهلالي الحقيقي يشتط غضبا هي ابتسامته التي تأتي بعد كل اضاعة لهجمة سهلة التي لا اجد معنى لها سوى انها لا مبالاة سأستبق الامور لكل من يريد ان يحاجني بالارقام التي نشرت سابقا في هذه الشبكة واقول ان من يملك الفريدي والشلهوب وويلي والعابد خلفه فمن الطبيعي انه ستسنح له فرصا عديدة .. وتلك الاحصائية التي تراقص لها جمهور ياسر القحطاني ((وليس جمهور الهلال)) هي ليست دليلا ابدا .. وان ارادوا أن يتأكدوا فلينظروا الى عدد الفرص المتاحة لكل المهاجمين الذين وردت اسماؤهم في تلك الاحصائية وكم نسبة تسجيلهم للاهداف من هذه الفرص قلتها وقالها كثير غيري وسنضل نقولها .. علاج ياسر القحطاني هو رهنه حبيسا لمقاعد الاحتياط لما لا يقل عن 5 مباريات .. فلاعب بحجم وبقامة ياسر القحطاني لن يستحمل فكرة الجلوس على مقاعد الاحتياط لفترة طويلة دون اصابة او ايقاف او سواه .. فإنه حاليا متأكد من اللعب اساسيا وكأنه يمتلك صك موقعه في الملعب .. فهو لا يشعر بالخطر بتاتا .. ولكن اذا وضع في مقاعد الاحتياط .. فإنه سيدرك بأنه لا يقف على العشب الاخضر الا من يحرثه .. وعندها بإذن الله سنرى ياسر القحطاني الذي طالما انتظرناه .. اخيرا .. انا اعتب على ادارة نادينا الموقرة عندما وقعت عقد يمتد لخمس سنوات مع ياسر القحطاني او حتى لغيره لمن هم في عمره .. فهو الآن على مشارف ال 29 سنة .. وبعد خمس سنوات سيصبح عمره 34 سنة ولا اعتقد ان اي مهاجم ينوي ان يستمر اكثر من ذلك الا ما ندر .. فهذا العقد لا يعطي دافعا .. فاللاعب استلم امواله .. وغالبا سيكون هذا آخر عقد احترافي في حياته الكروية .. فلن يكون هناك دافع لتقديم المزيد ختاما .. بما أن الموضوع فيه اسم ياسر القحطاني .. فبالتأكيد سنرى كلمة مندس او غبي او ما شابه هذه الكلمات اللي لا تصدر الا من ضعيف الحجة .. فمن ينوي بالرد بمثل هذه الردود فإنه غير مرحب فيه .. اذا كان لديك رأيا تضيفه وان كان لا يتفق مع رأيي فتفضل بقوله على الرحب والسعة .. أما الكلمات التي لا ينتج عنها سوا زرع البغضاء بين الاعضاء الكرام فلا داعي لها أعتذر على الاطالة والسلام عليكم ورحمة الله وبركاته |
آلله يعطيك العافيه ع الطرح الرآئـع ! قلنآهاا من قبلك يآسر يبيله الدكه لكن جمهور يآسر كثير وانت عارف ذا الشي كل ابوهم ردو يآسر أكبر منك وانت نصرآوي ومدري ايش المشكله الكور اللي تجي عند يآسر وربي لو انا ألعب ورجلي الثآني مكسورة أقدر أجيبهاا والمشكله انـه مآيحس على طول يضحـك شوفو الفرق بينه وبين أحمد علي .. والله هذا هي فرصة عيسى وأتمنى اني اشوفه آسآسي من مبآرآة الوحــده .. :d تحيآتي لك :) |
إقتباس:
اشكرك مرة ثانية |
mr_3zozy الله يعطيك العافيه يا زعيم ياسر مكسب كبير ,., نازل مستواه ولا مو نازل ,., ما تدري متى ينهي المباراة صحيح مو زي ياسر زمان اللي كان يركض في الملعب طول وعرض ,., احسه ثقل وصار على الواقف ومحد ينكر هذا الشي لاكن من جد ,., ما تدري متى ينهي لك المباراة تحياتي |
إقتباس:
الله يعافيك ويسلمك .. انا ما اختلفت على ان ياسر مكسب كبير لأي نادي يتواجد فيه .. ولكن ليس بوقوفه فيه .. بل بتحركاته وقتاليته .. وهذا ما يفتقده ياسر في الفترة الحالية .. وادعو الله ان يرجع ياسر لمستواه اللي نعرفه عاجلا وليس آجلا |
بارك الله فيك والله العظيم ملينا من كثر النقد كل يوم اقل شيء عشر مواضيع كلها نقد لياسر انا مااعترض على النقد لاكن التوقت غلط عطونا تحفيز لجميع الاعبين الله يوفق الاداره والجهاز الفني وجميع الاعبين امين الوعد الجمعه |
إقتباس:
|
إقتباس:
يعطيك العافيه والله قلت اللي في قلبي ... ياااسر ياما اهدر وعذرنا وقلنا ضرووفه وو...الخ لكن هجمات سهله وامام المرمى تضيع .. هنا بأي عذر بنعذرك ... وياسر احياناً يتجه للأستعراض للتسجيل هدف مميز بالوقت اللي جمهور الهلال:ba: يحترق قلبه يبي هدف واحد لو من (ركلة جزاء) وامنياتنا انه يرجع ياسر 2007 لأن كله في مصلحة الزعيم موضوع جريء اتمنى من الكل قرائته بالعقل لا بالقلب والعواطف .. فجميعنا نحب لاعبين الهلال دوون استثناء ولكن لا مانع ان ننتقدهم .. فحب الزعيم:ba: اولى من تلك العواطف:smilie47: ... اقف احتراماً لكلماتك الجريئه..:rose: |
مهما حصل يضل يآسر آبن آلنآدي صحيح انه منخفض مستواه لكن من بديله |
إقتباس:
وبالنسبه لملامح الوجه ابشر بكلمه وبقووله يااسر اذا ضيعت هجمه او ناولت خطأ اجلس صيح بالملعب واطلب من المدرب تغييرك اللهم لك الحمد بس ويمدحوون سوني 3 ترا ^_^ |
إقتباس:
|
إقتباس:
|
مشكور صدق طاش ماطاش ينطبق على ياسر |
إقتباس:
|
إقتباس:
|
اعجبني في كلامك يالغالي الجزئية الاولى " قبل كلمة ولكن " وبعد ولكن ... للأسف لا إقتباس:
لكن لازال اللاعب يحسم وهو في اردى مستوياته يحسم !! يعني مباراة الاتفاق ... لولا الله ثم ياسر كان مافزنا وانت تعرف وش كثر فوزنا في هذيك المباراه مهم وريحنا كثيييييير ولولا الله ثم ياسر مافزنا ع الجزيره الاماراتي ... وبرضو انت عارف انها مباراه مهمه نحتاجها علشان نسابق ع المركز الاول مااختلف معك ان مستواه نازل لكن حتى في نزول مستواه هو الافضل ياخي لازم تؤمن بالقدرات والامكانات الفرديه للاعب يعني تحط ياسر في مستواه الحالي ... والا وليد الجيزاني في قمة مستواه ؟ وعلى فكره ياسر علية ضغوط كبيره من الاعلام المعادي للهلال ... مو وقته تجي وتزيد الطين بله يالغالي اوكي طالب بحبس ياسر في الدكه ... طالب انه يرجع مستواه .. اعمل سو افعل لكن مو الحين .. لانه كلامك بيهدم اكثر من انه يبني ...! الهلال داخل في 3 استحقاقات حاليا والرابعه بالطريق : الدوري اسياء كاس ولي العهد وقريبا كاس الملك ياخي مافيه فريق سعودي ينافس على نفس الاشياء هذي يعني بالعربي فريقنا مرهق جدا جدا ...وحتى لو بيقدم مستوى قيريتس اللي الكثيرر يتغنون فيه ... بيقدمه اول ربع ساعه بعدها خلاص لانه مافيه لياقه ... الفريق جدا تعبان وياسر جزء من الفريق ياخي والاهم التشتت الذهني وهذا شي يذبح اللاعب من جد لايغرك كلام سامي وكالديرون ... نسينا الدوري وراح نركز في مباراة النهائي ومدري ايش ... ياحبيبي انت بشر .. طبيعي مخك بيفكر بكل الاستحقاقات والبطولات بنفس الوقت فـ انا ارجع اقول انه ياسر مستواه نازل لكن يضل الافضل يعني الرجال مسجل 11 هدف بالدوري وهو مالعب كل المباريات ... !!! واعلى معدل تهديفي لياسر من جاء للهلال 10 اهداف بالدوري يعني عمل افضل من اللي سواه في 2007 ;) انتقد بعد مايخلص الموسم علشان يقدر اللاعب يراجع نفسه ويقوم اخطاءه لكن نقدك الحين والله بيدمر ويشتت تفكير اكثر من انه يخدم الفريق وياسر !! |
الله يعينك ع جمهور ياسر اقسم بالله العظيم ( لن يعود ياسر ) بوجود من يدافع عنه ياسر مستواه 0000000 لاتقول ( راجع من اصابه ) لا تقول ( انتظر ) لا تقول ولا تعيد ولا تزيد فرص قدام الباب ( تضيع ) .. ثقيل حركه .. تمركز خاطئ .. استعراض كبير و كبير جداً والدليل ( الهجمه الي انفرد فيها مع تفاريس ) عموماً : اتمنى من جمهور ياسر " يترك العواطف ويترك الصور والفوتوشوب والنيو لوك والاشياء الحلوه والماركات الجميله " وينتبه للي قاعد يصير اقسم بالله مادمّر ياسر ( الا من يطبله في هالوقت ) خصوصاً واللاعب في انخفاض بمستواه خطير و خطير جداً ياسر وصل 30 .. خلاص ( الموسم القادم ) اعتقد هو موسم ياسر : اذا لم يقدم أي شي : فأعتبروا ياسر " أنتهى " .. نصبر و نشوف |
إقتباس:
اولا .. اشكرك على ردك .. ثانيا .. اذا بننتظر وقت ما فيه استحقاقات للزعيم عشان نتكلم .. معناتها ما راح نتكلم الا في الصيف .. وانا ما اطالب بوليد الجيزاني يحل محل ياسر .. احمد علي حاليا هو الاحق بأن يكون اساسيا في حال لعب الهلال بمهاجم واحد .. ثالثا .. لا اظن ان احدا يختلف معي ((وحتى جماهير ياسر)) بأن ياسر لا يتحرك كثيرا في الملعب في الآونة الاخيرة كما عهدناه .. فالمسألة ليست مسألة هدف يحرزه في الاتفاق .. فنحن عندما ننتقد ياسر فذلك لا يعني انه لاعب منتهي الصلاحية .. بالطبع ياسر يسجل فهو من اكبر لاعبي المملكة .. ولكنه حاليا ليس حتى بنصف مستواه الذي عرفناه عنه اشكرك مرة ثانية على ردك الجميل ونقاشك الهادف |
إقتباس:
|
احترمـ وجهة نظركـ واتفق مع كثيــر منهااا ولكن اختلف معكـ كثيرآآآآ من ناااااحية التوووووقيت ,,, اتمنى من الاعضااااااااء الكرااااااام المحبين لهذا الكيااااااااااااان تأجيل الانتقااااااااااادات للاعبين وللجهاااااااز الفني والاداااااااري لحين الانتهاااااااااء من خووووووووض المناااااااااافسات الشرسهـ بالوقت الراااااااااهن والذي نحتااااااااااج فيه لكثير من التركيز وعلينااااااا حشد وتعبئة الجمااااااااهير للحظوووووووووور ومساااااااااااااندة الزعيمـ وبعدين جاااااينا الصيف وعندنا مايقارب الشهرين فااااااااااااااااضين انتقدوووووا على كيفكمـ حبيبي الف شكرررررررر ويااااااااليت يتسع صدركـ لما ذكرت ....... |
إقتباس:
اشكرك اخوي على ردك .. وبالتأكيد صدري يتسع لما ذكرت طالما هو بهذا الادب والموضوعية .. ولكن اخي الكريم .. ليس من المعقول ان لا ننتقد النادي لفائدته سوا شهرين في السنة .. وان كنا سننتظر وقت لا يوجد فيه مستحقات مهمة للزعيم فلن نستطيع ان نحصل على عليه |
إقتباس:
ثانياً / على حسب كلامك ان اي لاعب يستلم فلوس واجد مايضيع فرص ,, يعني مسي مايضيع فرص ,, ورنالدو مايضيع فرص ؟ .. وهم يستلمون اضعاف اضعاف اضعااف مايأخذ يااسر .. معليش اخوي كلمني بالعقل وبالمنطق وبالارقاام ياسر هداف الفريق حاليا وحسم مباريات كثيره للهلال هذا الموسم ورجع رجوعه حلوه وقويه ولله الحمد ونأمل منه المزيد ايضاً وارجع اقول ان البلاستيشن مأثر ع الكثير من النااس وثالثاواخيراً // خلاص ان شاء الله بقوله لاتضحك وحلق شعرك بعد لانه طويل وتأكد من قص اظافيرك ^_^ |
إقتباس:
|
إقتباس:
|
إقتباس:
وبعدين مباراه الحزم كنا نتعادل فيها بس ربك رحمنا وبروز قناصنا جاب لنا الـ 3 اهداف في اخر 10 دقايق كأسرع هاتريك بالدوري السعودي وعلى الفيصلي بالدور الثاني حسم لك المباراه بالهدف الثالث بعد التعادل 2-2 اللي كانت بالمجمعه ياناااس كلمونا بالعقل تكفووون |
إقتباس:
|
إقتباس:
بس ارجع واقول لك البلاستيشن عامل عماايل معااك ^_^ |
إقتباس:
|
إقتباس:
وبالنسبه لمبااره الفيصلي اللهم لك الحمد الكل ابدع ولكن ياسر حسم المباراه وعلى فكره بذيك المباراه نيفيز ماسوا شي غير هدف التعاادل انا اتذكرها زين وحاضرها |
إقتباس:
|
إقتباس:
لاتلوم البعض لو أتهموك بـ ( المندس ) ، لأن المشجع الهلالي الغيور لايتعمّد السخريه من قـآئد الفريق واللي إن شاء الله راح يرفع الكأس يوم الجمعــه :) لانختلف أن مستوى يـآسر منخفض وتركيزه مُشتت وللأمـانه كنت بأكتب موضوع عن هالشيء ، لكن لاتنسى أن إصابة الصفاق تُفقد اللاعب مايُقارب 50 % من لياقته ، وأعتقد اللياقه + الإصرار هما ماينقص ياسر في الوقت الراهن .. . عوافي . |
إقتباس:
افضل من ياسر قتاليه لكن امكانيات ... مستحيل جدا مستحيل :) وياسر اذا كان في يومه والله لااحمد علي ولاعيسى ولا الجيزاني معليش ولاهوب تقلليل من قدرهم انا اتكلم في الللي يصب في مصلحة الهلال ماعلي من اسماء اللاعبين :) |
انا نعاك بالي قلته كرم المنتدى من هالمسلسل الخايب |
إقتباس:
لا اعتقد ان كلمة طاش ما طاش فيها اي نوع من الانتقاص .. انا شبهته في طاش لكون انه في اي لحظة ممكن يعمل لك حاجة خرافية .. يعني ما ذميته بهالكلمة |
إقتباس:
|
إقتباس:
بس نقد بدون ادله وبدون اشيااء تشفع للانتقاد مايسمى نقد ويااسر تعرض لكل شي اللي يخلي اللاعب يعتزل وزين انه صاابر وقاادر يقدم مستوى |
إقتباس:
|
إقتباس:
اللي بيضيع واللي نازل مستواه ... حتى قدام الحزم بيضيع وزين انه مازال يسجل ... غيره مايدل الباب صوره مع التحيه لفرناندو توريس s13s |
إقتباس:
|
إقتباس:
|
إقتباس:
ياجماعه انتقدوا بأشيااء واقعيه تكفووون شي ملمووس لاعب يضيع فرصه تقول ليش يضيع ,, سلامات !! |
إقتباس:
والحملات المُقامه عليه من الأصفرين وش تسميها ؟؟ على بالك ياسر آلـه ماتتأثر !! إذا ماوقفنا مع ياسر والأصفرين ضدّه متى بنوقف معه ؟؟ أجل تبينا نترك ياسر يواجه الحملات المُضاده لحاله عشان مايصير في خطر ؟؟ أنتم فاهمين الوقوف مع اللاعب غلط ، أنا أوقف معه اسانده ارفع من معنوياته ، واذا اخطأ وجهناه ونصحنـآه ( بدون لا نسخر منه ) وإذا أبدع صفقنا له وأشدنا فيه . وأنا ضد ركن ياسر بالإحتياط ، لأنه لاعب حاسم وبأقل مستوياته يقدر يسجّل ، ولكن مع أن يلعب أحمد وياسر معاً و شكرً / |
إقتباس:
|
إقتباس:
اذا اللاعب مستواه منحدر .. وقلت له انت بطل .. اكون انا بكذا وقفت معه؟؟!!! بالعكس كذا اكون خدعته وخليته ما يحاول يجتهد |
إقتباس:
ياخي مضرب المثل في القتاليه والروح في الهلال اللي هو رادوي ... اخر مباراتين له وجوده زي عدمه للأمانه !! وماقلنا شي بالعكس طبيعي هالشي والدروب اللي قاعد يصير ... والحمدلله انه الاداره واعيه جدا وتحاول تطلع الهلال من هالضغط بالحصول على الدوري بأسرع طريقه علشان نرتاح من بطوله ونتفرغ للباقيات اللي يقدر يصمل في الاستحقاقات المتداخله ذي ... هو راعي اللياقه العاليه جدا .. وبالتحديد ويليهامسون ماشالله عليه لو تلاحظ هو الوحيد اللي شغال في الفريق ع الاقل في اخر سبع مباريات ... لان لياقته عاليه جدا جدا ماشالله صدقني .. ان اخذنا الدوري ... وانتهينا من وجع الراس في كاس ولي العهد بتشوف هلال ثاني واعذرني ماراح ارد ثانيه هنا ... مو انتقاص في حقك بس لان الاداره بيشوفون ردودنا انا وانت والاخ الثالث وبيقولون شات ويقفلون المضوع :d |
إقتباس:
شرايك ننسقه !! لانه منحدر وبقووه يااخي يااخي يضيع فرص مايصير لاعب يأخذ فلوس واجد يضيع فرص مايصير ^_^_^_^ حدث العاقل بمالايليق فأن صدق فلاعقل له |
إقتباس:
|
بالنسبه لنعتك للجماهير (بجمهور ياسر) ما اعتقد فيه مشجع لا يقف مع اي لاعب يرتدي زي الزعيم في انخفاض مستواه !! كان من كان ع العموم الله يصلح الحال |
يآلله ع ـآد رقع ـهآ يآجـمآعة خـلو عنكم آلنقد بهآلوقت ليش آلإدآرة تتعب وتتعآقد مع كآلديرون ليه مآجبنآك تدرب آلهلآل يامورينهو آجل تبي ترصه بالدكه كثر لي منها |
إقتباس:
لا انا ما عندي القدرة اني ادرب الهلال .. بس عندي القدرة على قراءة الاوضاع ونقدها .. ولو الدنيا تمشي زي ما تقول انت .. كان ما فيه ناقدين ولا اعلاميين .. خلاص المدرب دائما صح .. والمفروض ما احد يشور عليهم ولا احد ينتقد عملهم .. يا ناس ارتقوا شوي .. مو كل شوي ناط لي واحد يقول لي وراه ما تصير مدرب احسن :to: |
تصدق جبتها على الجرح وكنك ما دريت :d المشكلة ان جمهور ياسر يقولون ينام في المباراة بس ما تدري متى يحسمها اخر مباراة حسمها ياسر على قولتهم هي مباراة الغرافه الي صحى في الدقيقه 117 وما حسمها بس ساهم في حسمها ياسر يعتقد نفسه اكبر من النقد !! وجمهور ياسر ما يبون اي احد ينتقده لياسر ولجمهوره نقول الهلال اكبر من اي اسم :alzaeem: |
يووووووووو ما قريت الردود الي في باقي الصفحات اجل 11 هدف ياخي مهاجم لعبه ووظيفته في الحياه يجيب اهداف من جد جماهير ياسر حالتكم حاله |
إقتباس:
ترى ياسر حسم لك اخر مباراتين قبل الشباب :) مع الاتفاق ومع الجزيره |
إقتباس:
|
هو فقط يحتاج الى الثقة بنفسه .. وانه يحاول انه يقلل من الفرص الضائعة فقط .. يعطيك العافية |
إقتباس:
انا اعرف الهلال قبل اعرف ياسر ولاتقول لي جمهور ياسر بعد اذنك !! ياحبيبي ياسر في مباراة الجزيره صنع لاحمد علي وسجل الثاني ماسوى شي ؟؟ تمريره ياسر لاحمد علي هذي اهم من هدف ياسر الثاني وبعدين ياخي لازم تحترم وجهة نظر غيرك ... انت مو عاجبك ياسر شي راجع لك لكن انا ابي ابين لك انه مو وقت نقد لانه كلامك في هالوقت يضر مايفيد نفس الشي على اللي انتقدوا المرشدي مسكين ... خلوه يلعب على اعصابه مو وقته النقد الجامد والمطالبه بوجوده في الدكه بعد مانتأهل لدور الـ 16 في اسيا ... امش معي للرياض وانا اول من يعاتب ياسر لكن الحين وش بيفيد فيه كلامك ومطالبتك ؟؟ كلامك ماراح يوصل للاداره .. وان وصل ماراح يطبقونه لانك تبي تغير تقريبا فورمة فريق كامل ولو دخل ياسر وشاف كلامك ... عرف انه جمهور الهلال يحاربونه قبل اعلام الاصفرين ... بيزيد سوء زي ماصار مع المرشدي بالعقل فيه اوقات للنقد بكل قوه ... زي مافيه اوقات للانتقالات و و و دور وقت يفيد الفريق اذا نقدته فيه مو هالوقت ... اقرب مباراه للهلال نهائي الله يهديك !! |
إقتباس:
|
مباراة الجزيره فرحانين فيها تراهم جايين بالاولمبي بعدين مباراة الاتفاق الي حسمها القدع ابوعلي لبى قلبه ولبى قلب الدراويش الي جا من عندهم |
الله يعين ياســـــــــــــــر على النقد اللي ماله داعـي كل الناس تتغير واللاعبيـــن ينخفض مستواها ..والله لو سعد الحارثي عندنا الظاهر هبلناه من النقد .. |
^^ تطالب بوجوده بالدكه في هالوقت يالغلا ؟ فريقك الحين يلعب كل 4 ايام مباراه وانت تبي تغير فورمة فريق علشان يرجع ياسر لقتاليته ياخي دامه يأدي اقل شي مطلوب منه وهو التهديف .. خلاص خل الوضع ماشي الين يجي فترة الانتقالات ورح اغسل ياسر من فوق لتحت وانا يمكن اجي معك بعد إقتباس:
حنا ماانكرنا انه احمد علي كان له دور كبير .... وبرضو ياسر له دور كبير على عكس الكثير اللي طبوا وانتقدوا في احمد علي وانه مهاجم اي كلام بالعكس انا كنت واقف معه وارجع لردودي وتعرف قصدس ....ولو كنت مو مقتنع فيه لكن اكتمها مؤقتا لمصلحة الفريق هذا قصدي التوقييييت فقط انت تناقشني في شي ثاني انا اقول لك سو اللي تبي لكن خلافي معك في الوقت مو في الكيفيه |
| الوقت المعتمد في المنتدى بتوقيت جرينتش +3.
الوقت الان » 09:12 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd