الجمهور يريد إصلاح الفريق ، إصلاح المستوى ، إصلاح الدفاع .. و نريد نريد نريد ! - نادي الهلال السعودي - شبكة الزعيم

كابتشينو · #1 06/04/2011, 02:57 PM

السلام عليكم ..

{ الحمدلله كما ينبغي لجلال وجهك وعظيم سلطانك }

لن أقول مبروك الـ 3 نقاط ! لأن لعب بدون مستوى ماله طعم فوز !
أنا مدري إلى متى اللاعبين مايحسون ؟
يلعبون مباراة وحدة مستوى كويس بعدين عشرة مباريات مستوى سيء !
والله لو خسرتوا أمس " لاقدر الله " لكن لو لعبتوا بروح وتعاون مايهمني ! أهم شي لعب يشرف ويمتع !

بعطيكم تقيمي للاعبين أمس ..

العتيبي : بطل يعطيك العافية ، أتمنى أنك تركز على الزوايا وعدم الخروج عن المرمى

هوساوي : الله لايخلينا بس

والله دفاعنا من دونك مع احترامي تفحيط !
المرشدي : وش أقول ؟ السنه الماضية كان مستواك رائع ، لكن فجأة ! للأسف مع إحترامي إنتي صاير " نكبة " للفريق .. ( ماقلت هالكلام إلا لمصلحتك )
لي يونغ : أفضل ظهير

حرام الإدارة تفرّط فيه صراحة .. ليت يجددون معه وبعد اعتزل دولي ناوي يتفرّغ للهلال .. التخلي عنه أكبر خطأ

الزوري : مستواك للأسف كل ماله وينزل ؟ كان مستواك قبل الإصابة روعه ! لكن الآن ؟؟؟ تمريراتك خطأ × خطأ ..
رادوي : علامة إستفهام كبييييييييييييرة ! مستواك مش لابد ! لكن ماقصرت يالروماني

الفريدي : موب بيومك للأسف + مزاجك كان متعكر !
الشلهوب : أنت لاعب ( أسطورة ) بس كالديرون أنا مدري وش سالفته إلا ويخليك محور ! ياخي مافي أحد يكلم كالدي ويفهمه أن هذا مو مكان الشلهوب ؟ للأسف الشلهوب مستواه صاير لاتعليق بعد ماحطه كالدي بهالمكان !
ويلي : يالأشقراني مستواك كل ماله ويرتفع أنت لاعب خرااافة ، حرام يتفرط فيك والله .. رقصت دفاعاتهم أمس

ياسر : القنّاص ( من كان له ماضي فلا تخشى عليه

) .. نبي ردك يكون بالمعلب لاتهتم للي يتكلمون والله من حر مافي قلوبهم منقهرين

.. لايضر السماء نبح الكلاب ..
أحمد علي : ياربااااااااااااااه ! روعه مستواك جميل وكل يوم يتحسن .. ماشاء الله عليك لاعب حماسي ويقاتل عشان الشعار والجمهور لبى قلبك ..
العابد + الدوسري : للأسف أبداً أبداً موب بيومكم ! أنا مدري شلون أعلق على مستواكم ! مادري هل من جدكم تلعبون ولا لا ؟
والله منقهر من الكورة الي ضيعها العابد !

الشمري : هههههههه وأخيراً شفناك ، يالله نبيك تتجهز المرات الجاية أكثر .. لكن ليتك تنتبه على طلعاتك الي مالها داعي ، بالتوفيق

الدفاع !
يعني والله هوساوي ينرحم ، مفروض تعطونه دبل الراتب ..
مسكين والله ماسك الدفاع كله وتشوفه يتحرك يمين ويسار .. لكن للأسف المرشدي يساعد الجزيرة ، نكبة !
طيب جربوا على الأقل المباراة الجاية تدخلون الخالدي بدل المرشدي وش يضرك ياكالدي !

الجمهور !
أثبت جمهور الرياض أنه الأفشل مع مرتبة شرف ..
على الأقل كان مليتوا الواجهه ؟؟؟
مالكم عذر أبداً !!
مباراة آسيا + إجازة وماتحضرون ؟
13 ألف أجل !
وين نودي وجيهنا ؟
صراحة فشلتوا سمعة الهلاليين في المناطق الثانية ..
صدق لاقالوا جمهور الرياض جمهور مقاهي وإستراحات ..
حتى للأسف تعاون مع المجلس مافيه أببببببببداً ..

شكراً للي حضر يعطيكم العافية ونبي تعاون مرة ثانية ..

الرابطة ..
واللي يرحم والديكم غيروا الأهازيج ملينا والله كل مباراة نفس الأهازيج حفظناها صم ..
تطوروا شوي !

بالتوفيق للهلال في مشواره الأسيوي والمحلي ..
ونطمح بتحقيق كؤوس هذه السنة ..