*** عندما تجعل عواطفك تسبق تفكيرك فربما يكون لديك مشكله ولابد أن تعالجها قلتها سابقا وسأعيدها مرارا وتكرارا حتى يعرفها البعض .للعاطفه مكان تستخدمها فيه وأما العقل ففي كل مكان تحتاجه .
عندما تشيد في لاعب فذلك لاخلاف فيه لكن إذا انتقدت نفس الاعب عندما يخطأ حتى يصحح من وضعه ويقدم أفضل مالديه يتهمونك بتهم غريبه وعجيبه .
أنا أجزم أن هؤلاء المعترضين على الانتقاد هم في قرارة أنفسهم يعرفون أن لاعبهم المفضل هذا مخطيء لكن بحكم أنهم يحبونه لايستطيعون أن يقولون نعم أخطأ وهذا طبيعي وفي نفس الوقت مشكله توجد لدينا كلنا بدون استثناء سواء كنا نتكلم عن أشخاص رياضيين أو أناس عاديين من الأصدقاء والأهل وغيرهم .
أنا عارف الحين بيقول واحد ترى نعرف من تقصد ويسوي على باله ذكي لكن ماأرد إلا أن أقول أنت (موسوس)والله يشفيك .
وترى كلامي عن لاعبي الهلال عموما خصوصا أصحاب الشعبية الجارفة والحمدلله فريقنا من أكثر الفرق التي تضم داخلها لاعبين محبوبين جماهريا .


*** إلا على فكره.......فيه لاعب في الهلال على مااعتقد اسمه عمر الغامدي أو حاجه زي كذا ماادري قد مر على أحد منكم؟؟؟؟ايييييييييييييه زمان ماشفت واحد نطق اسمه .سؤال أنتم يامشجعين الاعب(الواحد) تدرون أن الغامدي في المباريات الماضيه وبالتحديد من يوم رجوعه من المنتخب تدرون أو هل لاحظتم انه مبدع بمعنى كلمة مبدع ؟؟؟ ولا بس كل واحد منا متابع له نجم معين ومركز عليه لين احولت عيونه .
المشكلة ا ان الواحد لاخذا فكره معينه عن شخص مايغيرها أبدا ولا يحاول انه في المستقبل يشوف يمكن الشخص هذا تغير.الغامدي كم وكم جرحوا فيه وانتقدوا وسبوا وسخطوا وعندما أبدع ماحد قال عنه شيء (إلا القليل) ولاكنه عندنا.أنا ضربت مثال بس عن الغامدي ولا فيه غيره في الهلال منسيين .


*** الجمهور ثم الجمهور سبب نجاح أي فريق عندك فريق مثل الاتحاد تقف وراءه جماهير تدعمه بلا حدود هي سبب بطولاته .وتلقى الجمهور من أول المباراة لآخرها شغالييييييين لكن يوم تجي تطالع للهلال تجد الجمهور يتفاعل فقط في لحظات معينه وعند الهجمات الهلالية أو الأهداف ويظل طوال المباراة صامت مع أنه لايوجد فريق في المملكة يقارن بعدد الجماهير مع الزعيم .هل إلى الآن ومعقوله لايوجد لدينا رابطة مشجعين ومادور الجماهير الوفية في ذلك ألم يتبرع أحد منهم بذلك وما دور الاداره (أنا صراحة صوتي حلو بس خايف من العين)
وهذا لايجعلنا ننكر أن الاتحاد فعلا فريق يمتعك ويذكرني بالهلال أيام مجده وعزه .تابعوا البطولة العربية وشاهوا المستوى المبهر للاتحاد وأيضا الأهلي يقدم مستويات جيده ويجب علينا مساندتهم لأنهم يمثلون الوطن .


*** لعب الهلال في مباراته مع القادسيه بخطة (4-2) .
الصراحة مانشوف إلا الدفاع ولا المهاجمين في الأمام بس أما الوسط ففي أغلب فترات المباراة كانوا مختفين وعند وجود هجمة مرتدة للقادسية بسرعة يصلون إلى المرمى الهلالي .
وهذي من أساسيات كرة القدم إذا أردت الفوز فسيطر على منطقة الوسط قاعدة معروفه حتى في(البلاي ستيشن).
وكله كوم وأبو الشباب سيدوا بدرا كوم الكنترول عنده على الكره ماشاء الله مدري كيف طول المباراة ماغير (يهابد بس) ومدري ويش نهايتنا مع المحترفين الطباخين في الهلال كلهم فاشليين!!! (عجيب والله) .وهذا غير ضربة الجزاء الهلالية واللي بصراحة والله ماكان ودي تتسجل ترى والله محنا ناقصين كلام ولولا صافرة الرحمه صافرة الحكم التي أعلنت خطأ للهلال ولا الهلال ماحوله فوز ولو لعب أشواط اضافيه .


*** النصر ولما بس شموا ريحة خبر إن الهلال بيسوي قناه فضائيه على طول نقز واحد منهم على art ووقع عقد معاهم .طيب وين اللي كان يشكي عن عدم وجود الماده وان عندهم مشاكل ورواتب متأخرة للاعبين والا الدعوة (قحاره بس) تدرون لو الاعبين صاحيين مايتحركون شبر من عند النادي الا وفلوسهم معهم ويش السالفة تفتح قنوات ولايعطونهم رواتب .على الله ماتطلع زي مشروع الـ(700) بس