مصادر تؤكد : الأرجنتيني باوزا هو المدرب القادم للأخضر السعودي والاعلان عنه الأسبوع المقبل - نادي الهلال السعودي - شبكة الزعيم

عروس الشمال · #1 01/04/2011, 11:12 AM

السلام عليكم ورحمة الله وبركاتة

رجحت مصادر داخل الاتحاد السعودي أنه سيعلن التعاقد مع المدرب باوزا بعد انتهاء عقده مع ناديه الحالي ليغا دي كويتو الاكوادوري والذي يصادف منتصف الشهر الحالي.
وأفادت مصادر أنه طالب بعدم الافصاح عن العقد حتى الانتهاء من مشاركته في بطولة الليبرتادوريسي التي تنتهي الاسبوع المقبل.
جدير بالذكر أن الاتحاد السعودي قد خاطب مطلع مارس الماضي المدرب البرازيلي دونجا لاستلام المهمة رغبة من الاتحاد في توحيد الأجهزة الفنية للمنتخبات السعودية بيد أن عدم رد المدرب حتى تاريخ إعلان قرعة التصفيات الآسيوية صرف النظر عنه والاستعجال في طرح المدرب الجديد.

المصدر

teva4ever · #2 01/04/2011, 12:05 PM

اقوى صفقه اذا جاء باوزا بصراحه

واغبى صفقه ممكن تصير اذا تم التعاقد مع دونقا

دونقا مع نجوم البرازيل مو عارف يسوي فريق متماسك ... شلون معنا

الله يكتب اللي فيه الخير

الف شكر يالغلا

Ĝeηtℓe Ḿαη · #3 01/04/2011, 01:47 PM

وش هالتخبط الواضح ؟؟

اتوقع هالكلام تخيلات لانها بدون مصدر لاكن اذا صحيح الخبر!!

واحسافه

دونغا وباوزا الله يرحم الحال
نبي مدرب اوروبي يابشر..

مدربين امريكا الاتينيه زمان الحين ماله مكان ..

عاشق فن البلوز · #4 01/04/2011, 01:58 PM

الله لايقوله أجل ذا المدرب العالمي الي مزعجينا فيه ليه محد يبغى يدرب المنتخب ؟؟؟؟ وينك ياناصر الجوهر

alfayhaa Sport · #5 01/04/2011, 02:32 PM

اتحادنا الكروى تعيش فى فوضى عارمة ، ولا أعلم من سيتعاقد مع المدرب القادم ؟

المسؤول الأول والأخير عن استعداد للمنتخب هى الرئاسة العامة لرعاية الشباب .

teva4ever · #6 01/04/2011, 02:46 PM

استغرب من اللي ردوا فوق ووصفوا الشغل بتخبط ومدري ايش

طيب ياجماعه بالعقل ... المنتخب نتائجه افضل مع المدربين اللي من امريكا اللاتبينيه والا الاوروبيين ؟

لاتخلون الاوروبيين موووووضه !!!

ترى خامة اللاعب السعودي هي نفسها في اللاعب البرازيلي واللاعب الارجنتيني و و و امريكا الجنوبيه كلها

اللاعب اللي يولد موهوب في كرة القدم ... يملك موهبه من الفطره ومهارات فنيه فرديه

دائما او بنسبة 90% يكون من امريكا الجنوبيه ... وهذي نفس الخامات اللي يملكها اللاعب السعودي

بينما الاوروبي يلغي فكره المهارات والقدرات الفنيه وويعتمد ع اللعب الجماعي اكثر

اللعب الجماعي او الاوروبي ماجب نتايج مع منتخبنا ... لازم نرجع ونجرب ونجيب العيد !؟

قارنوا المدربين اللي مسكوا المنتخب وشوفوا الاتينيين وش حققوا مع المنتتخب والاوروبيين وش حققوا وتعرفون الفرق

لاتناظرون انه الهلال ماشي مع الاوروبيين قلتوا خلاص يمشي وضعنا مع الاوروبي في كل شي

فمان الله

رسـ2006ـاوي · #7 01/04/2011, 02:57 PM

إقتباس


	اقوى صفقه اذا جاء باوزا بصراحه واغبى صفقه ممكن تصير اذا تم التعاقد مع دونقا دونقا مع نجوم البرازيل مو عارف يسوي فريق متماسك ... شلون معنا الله يكتب اللي فيه الخير الف شكر يالغلا

------------------------------

مخاوي الهلال20 · #8 01/04/2011, 03:16 PM

مدرب رائع وسيكون اضافة قوية للكرة السعودية والله يوفق الزعيم .

عروس الشمال · #9 01/04/2011, 03:47 PM

إقتباس

الرسالة الأصلية كتبت بواسطة Ĝeηtℓe Ḿαη


	وش هالتخبط الواضح ؟؟ اتوقع هالكلام تخيلات لانها بدون مصدر لاكن اذا صحيح الخبر!! واحسافه دونغا وباوزا الله يرحم الحال نبي مدرب اوروبي يابشر.. مدربين امريكا الاتينيه زمان الحين ماله مكان ..