الي صاحب الرأس المرفوع : الي كل هلالي : بتخسر اذا مابتدخل !!!!! - نادي الهلال السعودي - شبكة الزعيم

الشويعر · #1 21/02/2001, 03:07 PM

السلام عليكم ورحمة الله وبعد فهذه مشاركه تعبت فيها شوي وياريت تنال رضاكم فرضاكم هو كل طموحي :

= = = = = = = ارفع راسك انت هلالي = = = = =

قالوا : نشوفك ياولد رافع الـــــراس 0000 واللــي يشوفك قــال : صاحب معالـي

ماتعرفون السر يامعشــر النـــــاس ؟ 0000 أسبـــاب رفعـــة راسي انــي هـلالــي

قالوا : نشوفك يكتمل فيك الاحساس 0000 والــذوق ، والروعــة ، وفيك الكمالي

ويش السبب ؟ جاوبتهم قلت لابـاس: 0000 نفــس السبب والســر : كوني هلالي

قالوا : يحطـّم فيك وبدون مقيــــاس 0000 حكام ، ورعايـة شبـاب ، وأهالـي !!!!

قلت السبب في كثر ماشلت من كاس 0000 ثــم السبب يـانـــاس ، كوني هلالــــي

قالوا : تكاد بهالجرايد وتنحـــــــاس 0000 تسكت لهـــم خــايف ؟ أو انك مثالي !!

قلت : اترفع عن محاكاة الانجــــاس 0000 ليــش اترفــع ؟ لاجــل كونـي هلالـــي

قالوا : لنا مطلوب ياطيب الســـــاس 0000 انــــك تـنــازل عــن طمــوح المعالــي

إن كان ودك تكتم اصوات الاجـراس 0000 اللـــي تــرن بكل ركـــن ، وتلالـــــــي

جيرانك امسوا ينبلونك بالاقــــواس 0000 ويـــرددون اقبـــح شتيمـــة تقـــالـــي

استسمح الجيران يامعدن المــــاس 0000 تسلـــم مــن احقــاد القـريب الموالــــي

قلت : اسمعوني سجلوها بقرطـاس 0000 واللـــي خلقني ياولــد : مـا طرى لـــي

بصير وسط حلوقهم مثل الامــواس 0000 مــادام صــاروا شوكـــةٍ في نعالــي !!

لازم اسد نفوسهم ، واكتم انفــــاس 0000 مـــن عـــادتي ابقـــى بعرشي لحـــالي

خصم الهلالي تحت الاقـــدام ينــداس 0000 يذرف دمــوع الــذل خصـــم الهلالـي

الزئبق · #2 21/02/2001, 03:25 PM

صح لسانك

محمد الراجح · #3 21/02/2001, 03:40 PM

الله الله الله ماقصرت وبيض الله وجهك

شنتر بن عداد · #4 21/02/2001, 03:45 PM

صصصصصصصصصححححححححححح لسانك يا شويعر ........................ مشكور وتسلم على تعبك وجهدك.....انا بصراحة اعجبتني القصيدة.....

خالد الهلالي · #5 21/02/2001, 04:55 PM

صح لسانك يا شويعر وبيض اللة وجهك على ها القصيدة الطيبة

Mansour · #6 21/02/2001, 05:09 PM

روووووووووووووووووووووووووووووووووووووعة
روووووووووووووووووووووووووووووووووووووعة
روووووووووووووووووووووووووووووووووووووعة

*
*
*
تسلم والله على هالقصيدة ، صح لسانك
والله من جد اعجبتني ، لا مجاملات ولا شي
عنئذنك اباخذ هالبيتين ابحطها بالتوقيع

ALNMR · #7 21/02/2001, 05:49 PM

مشكور حبيبي الشويعر........

النمر دائما اسد

عمر العمري · #8 21/02/2001, 05:56 PM

بصير وسط حلوقهم مثل الامــواس 0000 مــادام صــاروا شوكـــةٍ في نعالــي !!

رد رائع على الأناجس.. أعزكم الله
وتسلم يالغالي (الشويعر).. ولا تحرمنا من الإبداع

عاشق^الشلهوب · #9 21/02/2001, 06:13 PM

بعد السلام ..........

صح لسانك اخوي شويعر وماقصرت .......

مبدع الى اخر درجه ومشكور على هذا الجهد الطيب ...

وشكراً .......

babo · #10 21/02/2001, 08:53 PM

لسانك قاعد ينقط عسل أخوي الشويعر فعلا قصيده رائعه..

الإمبراطور · #11 21/02/2001, 09:38 PM

قالوا:حنا الشمس...قلنا: لهم بس...لا تجرحوا الهمس...
قالوا:الشمس ماتغطى بغربال...قلنا :حنا الهلال...
حنا السحاب...والشمس ماتقدر تغطي السحاب...ولا القمر...
لا السماء... ولا البحر...
قالوا

إحنا)الشمس...قلنا: لهم كان بالأمس...
لونكم لون الشمس والسماء ...ماننكره...
وإسمنا اسم من أسماء القمر...وهو الهلال...
لوننا لون السماء ...ولون البحر...
لوننا لون السحاب ...ولون القمر...
نجمع ألوان الصفاء... ونجمع ألوان الخطر
أبنائنا من أبناء الجزيرة...لا هي من السودان ...ولا من بلاد غريبة...
أبنائنا منهم الإمبراطور..والذيب..والكونكرد..والنمر...
وغيرهم ...ومن كثرهم جف الحبر..!!!
وإن كنتوا تعتقدون إن بطولاتنا بفعل الحكم...
فهذا إعتقاد... ماله من الصحة ولا ظفر...

........................................................
وسلامتكم...

الشويعر · #12 23/02/2001, 09:47 PM

* أخي الكريم الزئبق صح بدنك وشكرا لك .

* أخي الكريم محمد الراجح شكرا لك من كل قلبي ووجهك أبيض .

* أخي الكريم شنتر بن عداد صححححححححح بدنك ومشكور وأبد تعبكم راحه ولك خالص التقدير .

* أخي الكريم خالد الهلالي صح بدنك ووجهك أبيض وتسلم لي .

* أخي الكريم Mansour أنت اروع وأروع صح بدنك وتسلم يالغالي وتحت أمرك انت تدلل .

* أخي الكريم ALNMR وأنت مشكور ومشكور يالحبيب

* أخي الكريم وحبيبي عمر العمري كل حبي وشكري وتقديري لك .

* أخي الكريم عاشق الشلهوب صح بدنك يالغالي وتسلم وتدوم .

* أخي الكريم babo أنت اللي أحلى من العسل وأنت الرائع شكرا لك .

* أخي الكريم الامبراطور شكرا لك على هالمشاركه وتسلم .

عاشق البحر · #13 23/02/2001, 11:31 PM

صح لسانك

الصـقـر · #14 24/02/2001, 12:33 AM

لازم اسد نفوسهم ، واكتم انفــــاس 0000 مـــن عـــادتي ابقـــى بعرشي لحـــالي

خصم الهلالي تحت الاقـــدام ينــداس 0000 يذرف دمــوع الــذل خصـــم الهلالـي

صح لسانك الشويعر الله يعطيك العافيه وطولة العمر ماقصرت
[عدلت بواسطة الصقر التاريخ:24-02-2001 الساعة: 12:43 AM]

عبقري الهلال · #15 24/02/2001, 12:42 AM

بصير وسط حلوقهم مثل الامــواس 0000 مــادام صــاروا شوكـــةٍ في نعالــي !!

يا سلااااااام سلم الله الله الله وش خليتلهم وش خليت .
صح لسانك لا هنت .