شفت المقطع امس بنشرة الاخبار وللأسف المذيعه فرحانه وكانها تقوول مسكنا على الوافديين شي !


المدرس وراه بيت وعايله ومو بسهوله دخل الكويت علشان يصير مدرس والكل عارف الفرق بين معاشاتنه ومعاشاتهم !


يعني ماوصل لهالمرحله من الغضب الى وفعلا الطلبه قايلين له شي او مسوين له شي خلاه يفقد اعصابه ..

عاد عيالنا مايتوصون وكأن الاهل يقولون لهم بالبيت اذا المدرس كويتي احترمه واذا عربي هو اللي المفروض يحترمك


مدري شي مو مقنع معقوله المدرس عصب بدون سبب !! اكيد احد مس رجولته او عرضه او شرفه بالكلام او اي شي كبير يخليه فعلا يعصب .



بغض النظر عن ان الرجل سب وقال كلام قليل ادب وضرب لكن التحقيق مطلووب ولازم يشوفون السبب ورا هذا كله .. لاني اجزم لو المدرس كويتي فقط بينقلوونه الى مدرسه ثانيه تبعد عن بيته ربع ساعه بدل 5 دقايق كـ عقاب له




والله اعلم

إقتباس الرسالة الأصلية كتبت بواسطة سلطان الصولي مع كامل احترامي للإخوه الكويتين المدرس يستحق الذي أتاه . اختي شوق لو كنتي مكان الطالب الذي ضرب اسالكِ بالله ماذا ستفعلين ؟ . هل ستقولين أعامله باحترام او بعصبيه ؟ وزارة التربيه بالكويت ، خطوه تستحق الشكر بوركتم .

هلا فيك اخوي سلطان


اول شي لاتقول الاخوه الكويتيين لان كل الكويتيين مستانسين عالخبر عكسي


اوكي انا بحط نفسي مكان الطالب .. وترى انا معاك ان المدرس غلطان مليون بالميه ويستحق ان يفنشونه لكن الوزاره خايفه على سمعتها اول شي وثاني شي ممكن الوزيره خايفه من مجلس الامه والاستجواب ولاتنسى انها مدرسه خاصه يعني اهم شي عندها السمعه فأسهل قرار فصل المدرس



لكن ليش مايشوفون ليش المدرس عصب ووصل لهالمرحله ؟ شنو قالوله الطلاب وشنو سووله !!


وانت بعد اخوي سلطان تخيل نفسك مكان المدرس بديرة غربه وتشتغل علشان لقمة العيش وعلشان عيالك وممكن واحد كبر ولدك يغلط عليك والباقي يضحكون عليك !! شنو ممكن يكون تصرفك !


اوكي المدرس غلط واظن الطلاب بعد اغلطوا اذا ماني غلطانه يعني الكل لازم يعاقب ولكن لان الطالب يدفع محد بيكلمه ويخسر نفسه شي .