#1  
قديم 23/03/2011, 08:43 AM
الصورة الرمزية الخاصة بـ مجنون الزعيم(9)
زعيــم مميــز
تاريخ التسجيل: 03/08/2005
المكان: في المنصة
مشاركات: 15,836
[ مـآعآد بـدّي شوكلاطه بدي اشـرب الحـلـيـب :D ][

بسم الله الرحمن الرحيم

من كم شهر وآنآ آفكر في اسنآني اللي مآتسمى اسنآن اصلا
يعني الجزء السفي اللي عندي رآيحآ برجلهاآ لدرجه ان الملك عبدالله الله يديم عزه
امر بصرف مكافاه تلبيسه اسنآن خاصه لي بس خلوهآ بخطآب سري لأن شركه
سعودي اوجيه نآويه تمسك مشروع خشتي عشان ترمم اسنآني وتشوف لهآ صرفه
يعني انا عندي آني آطلع في طريق الملك فهد بسروآل سنه واشرب شاهي واتقهوى
ولا تقولون لي رح عيآده اسنآن ,, يعني عندي الجزء السفلي اخر شي على يسار
بعد الجسر المعلق حق اسناني هذا الله يرحمه هالسن مفتووح بشكل ربآعي كأنه
رآس رضا تكر .. والعصب طآلع حاط رجل على رجل يقآله انه بيعورني وانا اتحمل
ولا شلت همه .. والله ذيك الفتره يوجعني مره واخذ لي بنآدول وآريح لين العصب حآمت تسبده
مني وآنتحر .. وصرت مآ عآد آحس به ,, والله واكل وطبيعي مره لكن وقتها افكر اني اصلح هالصفه
كأنه ضغاطات مسجل <~ قديم
لين قبل اسبوع رحت لدكتور قلت بركب تقويم بارك الله فيك قال ميلادي ولا هجري <~ بلا سمآجه

المهم انا قلت الوضع كله تلبيسه وصلى الله وسلم ..لكن اشوف ابو الشباب قال افتح فمك
وافتح فمي واشوف هالدكتور مطيّر عيونه وصار لونه اخضر <~ عشانه شامي وياكل زعتر
وقال :: شو هيدآ هالحتسي ..معئول انت عايش كدآ ويشيل ملابسه ويقول خلاص برجع لبلدي شو هيدآ وازاي يحصل كده <~ انصرع خلاص

انا طلعت من المستشفى قلت مب معقوله وش السالفه واروح لمستشفى ثاني قلت ابي تقويم بصلح هالخرابيط اللي تحت ونفس الحكآيه وصرت الف لف مستشفيات الرياض كأني عفش مطلقه .. ولا وحدتآ تبي بيتآ يضفها ويستر عليهآ ..

قلت لحول واشكي الحآل عند اللي حولي ودلوني على مستشفى رحت له الدكتور شافه
قلت اسمع نظآم تنحآش وتخربط خله عنك وش عندي ,, قال تبي تقويم لازم خلع 3 سنون وفي روايه ضروس .. قلت خلع خله لك بتصل على عبدالبآسط يعطيني عشبه ولا زيت بردقوش يحل لي هالمشكله واكلمه عبدالبآسط واعلمه عن مشكلتي,, واخر علمي به طاح عليهم ..
المهم بعد شد وجذب واهلي منآ والعالم منآ صليت استخاره قلت مالي الا اخلع عشان اضبط هالنآطحات اللي بخشتي .. واروح للدكتور واسلم وطالع هآدي وش حليلي قلت قررت اخلع
الزبده آني خذت موعد ورحت لهم آلبآرح .. قسم بالله من اصعب لحظآت حيآتي
قال الدكتور يابو الشباب ,, اولا يبيلنآ نشيل الجذور اول شي لأن سني والله اعلم اتوقع
الجذور واصله لين رجلي .. قلت مافيه غيرهآ طيب عطني بنج كآمل المهم كان بيهون الدكتور قلت توكلنا على الله واكتب وصيتي قلت لامي يوزري بشبكه الزعيم لايروح <~ هذا اللي يملكه
واقسم بالله يبدأ الشغل الله ياخذ عدوه قسم بالله مدري وش دخل انا مغمض اتذكر اسناني واوا ودودني للطبيب واقول والله صادزين ماعاد بدي شوكلاطه بدي اشرب الحليب
والله ان هالدكتور احسه يشتغل في اسناني من قلب لأن هذا الاختبار الحقيقي له في حياته
قسم بالله وهو يبي يسحب الجذر قلت الله يستر لاتطلع نخله ,,مررررره ينتفض يبي يسحب
الجذر وانا ماغير كأني وحده فيهآ ولآده .... ويالله شال اول جذر وقمت قال الدكتور انثبر باقي اثنين .. قسم بالله كل جذر لو اني ماني مستحي من النيرس الفلبينيه ولا كان صحت
بس خفت انها تضحك علي واشوف السوس يطلع مبسووط ويقولون مابغينآ نطلع الممهم .. يالله شال الجذرو وسحب الضرس ..
صار ضرسي هذا ناشب في خويه الثاني يعني [ سيآمي ] يبيلهم الربيعه
.. ناشب بخويه .. ويالله اشتغل على الثاني
اتوقع الدكتور قدم استقالته ورجع ديرته خلاص .. مافي الا جذور تطلع وعنآكب داخله
اثاري حالتي صعبه شال الضرسين قال بسوي خيآطه لك <ْ~ والله طلعت قمآش مب آدمي
ويخيط ومدري وش يسوي المهم ضبط الامور واشوفه موقع على ورقه شكلها وصيه له
والحمدلله عطآني موعد الخميس اخذ مقآس فكي عشان التقويم .
لا وش تقويم يقول جسم هيكلي كآمل .. اسنآني رايحهآ فيها ..
المهم آني للحين والله آعآني من الظهر للحين حآلتي صعبه واون وريآح الليآلٍ تونٍ
والحمدلله على كل حال .. حتى الدكتور اقوله ابي اعسّل طيب !؟ يقول لا عشان جرحك المخيس مايتلوث .. وجالس بالبيت اليوم كآني أرمله ..


هذا مافي جعبتي وآلسلآم




برب مطول بعض الشي ض2
SaNiOr

اضافة رد مع اقتباس
  #2  
قديم 23/03/2011, 09:14 AM
الصورة الرمزية الخاصة بـ الهنوووف
عضو استشاري للمجلس العام
وعضو تحرير مجلة الزعيم
تاريخ التسجيل: 18/01/2005
المكان: زاوية ارى الناس ولايروني
مشاركات: 11,542




يابابا اسناني واوا
ياكثر مارددتها
لي جولات وصولات في عيادات الاسنان ولله الحمد والمنه ياأنا اكرهها بعد
من كثر ماطفشت قررت اتنازل وقتها عن المشروبات الغازيه والببسي خصوصا
بس صارت كذبه ابريل ووعود كاذبه


والله مالومك ولاالوم اسنانك لان الاغلبيه مايروحون لدكتور الاسنان الا اذا خرب كل شي وماعاد يقدر يتحمل وبالغصب

والتقويم صحيح بيالمك بس اهم شي النتيجة بتكون مرضية ان شاء الله لك



انا من ادخل واجلس بذا الكرسي ودي انتحر احسه رعب


صدق من قال لاهم الا هم العرس ولاوجع الا وجع الضرس

\

/
الله يعينك ويسهل عليك مرحلتك العلاجيه القادمه
واهم شي صور اسنانك الحين وبعدين علشان تستانس
عجبني اسلوبك بصياغه الحدث يعطيك العافيه

الهنووف
كانت
هنا
ورحلت


اضافة رد مع اقتباس
  #3  
قديم 23/03/2011, 09:15 AM
زعيــم فعــال
تاريخ التسجيل: 06/05/2010
المكان: يارب اللهم لك الحمد كما ينبغي لجلال وجهك وعظيم سلطانك
مشاركات: 389
الحمدلله عالسلامة
اهم شي العنوان شكلك منسدح عند قناة اطفال الجنة

ياخوي العمر يخلص والاسنان ماتخلص
انا من خبرت نفسي وانا متسدح فعيادات الاسنان
حشوة قلع تقويم بس عقلت يوم دخلت الجامعه لو بعطيها وجه
كان مستأجرلي غرفه عند وحده من ذا العيادات

موفق عزيزي.. دمت بأسنان ناصعة البياض مع كرست
اضافة رد مع اقتباس
  #4  
قديم 23/03/2011, 09:16 AM
الصورة الرمزية الخاصة بـ مـوت ومـيـلآد !
زعيــم مميــز
تاريخ التسجيل: 22/12/2008
المكان: روما البدايات وآخر ساحل ومينا *
مشاركات: 5,084
Arrow

هههههههههههههههههههههههههههههههههههههههههه
أمآ اسسسلوبك شي والله ههههههههههههههههههههههههه !
يووووه الله يعينك عآد الأسنآإن حكايه ثانيه !
كل شي يهون عندي الآ أبرة البنج , آآآآآه يااهي تووجع بشكل !
مره رحت عشان ضرسي الاخير يوجعني هو بس اخذ الابره وبحطها بفمي وانا اللي امسك يده واقوله فارق ماابي !
يقول إيه ده دنتو قايبين لي طفله صغيررره ! انا وانا بعمرك يابنت عملت تلات عمليات ومااائولتش لا !
نصآب ويستلكع علي !
/
بس خل عنك واكتب وصيتك زين هالمره هذي قبل لا تروح يوم الخميس !
والله يعينك !
اضافة رد مع اقتباس
  #5  
قديم 23/03/2011, 10:40 AM
الصورة الرمزية الخاصة بـ A L 7 Z N
زعيــم مميــز
تاريخ التسجيل: 14/08/2001
المكان: { كنت في قلبه ملاك .. واليوم مع نفسي أصيح !!
مشاركات: 2,381


هههههههههههههههههههههههههههههه
حسيت بمعاناتك وقسم ..
انا واحد شاتني بالكورة على خشتي
وانكسر سني < سني والا شيعي < بلا سماجه < ما اقلد ابد
المهم انكسر سني وانعفط سن الثنيه
عاد ركبت سن وبسوي تقويم الاسبوع الجاي الله يستر خايف
يقولون الم التقويم غير طبيعي
احس اني قصيت لكم قصة حياتي
شكرا لأنك فتحت مجال للفضفضه خخخخخخخخ
يعطيك العافيه عالموضوع اللي وانا اقراه اضحك بصوت مرتفع < وش عنده مدرس العربي
اضافة رد مع اقتباس
  #6  
قديم 23/03/2011, 10:50 AM
الصورة الرمزية الخاصة بـ Ops
Ops Ops غير متواجد حالياً
زعيــم متواصــل
تاريخ التسجيل: 23/10/2010
مشاركات: 61
والله يا موضوعك جاء بووقته

حقين الأسنان ما دخلت عليهم الا مره وحده و كانت لقافه لأن ولد خالي بيحشى أسنانه و انا من اللقافه خشيت معه و ليتني ما خشيت

التقويم
رحت لأستشاريه تقويم و غلفصت بسنوني و قالت بيجلس فيك سنه و نص
ما أقتنعت و صرفتها قلت بجيك بعدين

اذا تخبر أحد منتاز , نورنا

بالتوفيق لأسنان ناصعه البياض
اضافة رد مع اقتباس
  #7  
قديم 23/03/2011, 11:08 AM
الصورة الرمزية الخاصة بـ مجنون الزعيم(9)
زعيــم مميــز
تاريخ التسجيل: 03/08/2005
المكان: في المنصة
مشاركات: 15,836
إقتباس
والتقويم صحيح بيالمك بس اهم شي النتيجة بتكون مرضية ان شاء


اما يألم ؟
افا ليتني نآيم ولا نزلت هالموضوع ولا جايني مغص
ضيقتي صدري الله يعين بس


إقتباس
حشوة قلع تقويم بس عقلت يوم دخلت الجامعه لو بعطيها وجه

انا اخر مره دخلت عياده قبل هالمره كانت في عام الفيل
على ايام ابرهه يوم انه يتفلت بس امس يوم دخلت جاني غثيان شكيت اني حامل



إقتباس
كل شي يهون عندي الآ أبرة البنج , آآآآآه يااهي تووجع بشكل

اما ابره البنج ياشيخ يازين ابره الانفلونزآ حقه البنج ماعندها تفاهم
الدكتور قبل لايغزهآ فيني اقول اي اح بغى يسطرني



إقتباس
احس اني قصيت لكم قصة حياتي
شكرا لأنك فتحت مجال للفضفضه خخخخخخخخ

اكتب لي 4 سطور تقول فضفضه مدري قصه حيآتك !!
ياخي قسم بالله هالاسنان سبحان الله يعني تزكم كحه حراره اوكي تتعب
بس الاسنان ماعندها لعب من جد هي اللي اذا اشتكى عضو تداعى له باقي الاعضاء



إقتباس
رحت لأستشاريه تقويم و غلفصت بسنوني و قالت بيجلس فيك سنه و نص
ما أقتنعت و صرفتها قلت بجيك بعدين

والله مدري هاللي اراجع عنده حق نقشبندي مدري كآنه المعلق ولا اخوه
تصدق علاجي والله سنه ونص بعد .. يعني بتزوج وانا اعالج الضاهر <~ يسمع بالزواج


متشكرين
اضافة رد مع اقتباس
  #8  
قديم 23/03/2011, 11:31 AM
الصورة الرمزية الخاصة بـ **الـــــــــواوا**
زعيــم مميــز
تاريخ التسجيل: 31/10/2006
المكان: وهل لي غير المـديـــنـــة موطناً ؟
مشاركات: 3,314


الله يكووون بعوونك يابن الحلال ...
محسوبك حطمت الرقم القياسي في العياده هههههههههههه
من 1427هــ وأنا أرآجع عشآن التقوويم ,


بعد بيني وبينك الاسنان وآجهه مشرفه لوطن وجهك
يجب المحاافظه عليها .

بالنسبه لــي القلب والعين و الاسنان م يلعب فيها أبد .
اضافة رد مع اقتباس
  #9  
قديم 23/03/2011, 11:32 AM
الصورة الرمزية الخاصة بـ كبير الهلاليين
مشرف منتدى الجمهور الهلالي
ومحرر اخبار الهلال في الصحف العالمية
تاريخ التسجيل: 06/08/2004
المكان: الخبر
مشاركات: 10,664
خخخخخخخخ يا عيني على الأسلوب يا ميشو

حسيت كأني انت , يعني انت انا , اللي هو
الزبدة حسيت بشعورك , تراني يا ولد ماني بعيد عنك
انت البلاوي عندك بالسفلي و انا مخططات بالعلوي

لا تذكرني بموعدي الأسبوع الجاي الله يهديك

انت بيقلع منك 3 , و انا موعود يمكن بأربعة على حسب مساحة المخطط

الله يعين , الأهم اني انا وياك بنخلص سوى

ما في حد احسن من حد

عوافي على الموضوع الجميل مره ثانيه , و يا زين الأسلوب اذا جاك طالع من قلب
اضافة رد مع اقتباس
  #10  
قديم 23/03/2011, 12:05 PM
زعيــم مميــز
تاريخ التسجيل: 13/11/2007
المكان: خ ـرجآوي ذو أصول قصيمية :d .. !
مشاركات: 2,063
والله وكثرو اصدقائي ياولد

شف محسوبك مركب تقويم قبل اسبوعين وموعد الشد الاسبوع الجاي ..
الالم خفيف والله وتقدر تتحمله بس العذاب لاركب لك المطاط بين الضروس
وقال تعال بكره عشان نفكه والا الباقي تساهيل .. طبعا تحت فيه مشاريع يتم
انشائها حاليا خخخ عشان كذا مااجل التقويم السفلي , ااما العلوي تمام ..

الزبده ,, لاتخاف والتقويم والله مامن الم الا وقت الشغل بس
اضافة رد مع اقتباس
  #11  
قديم 23/03/2011, 12:36 PM
مشرف سابق في منتدى الجمهور الهلالي
تاريخ التسجيل: 03/10/2008
المكان: الله كريم يمد الخير / و يساعد ..!!
مشاركات: 4,179
:s milie47:


بيني و بينك تستاهل

من قال لك تأكل شوكلاته و ماتفرش سنونك


بس قسم بالله و بدون أيّة مجاملة أكثر موضوع عجبني و ضحكت عليه ألين ماتقطعت تسبدي !


الله يسعدكـ دوم يارب

اخر تعديل كان بواسطة » تركي السلماني في يوم » 23/03/2011 عند الساعة » 06:05 PM
اضافة رد مع اقتباس
  #12  
قديم 23/03/2011, 01:14 PM
الصورة الرمزية الخاصة بـ حاتم
زعيــم مميــز
تاريخ التسجيل: 29/09/2001
مشاركات: 8,221
تستاهلون علشااان تعرفون وش فاائدة معجون الأسناان
اتوقع فرشااة الأسنان والمعجون يناظرون عليك من بعيد وفااطسين ضحك يقولون
وش هالمخططات الا بفمك ولا مخطط ابن بااز
الله يعينك والله يطلعك من هالشر بأقل الأضرار الله لا يورينا هالعياادات ووجع الضرس
ترى اصعب شي اذا جيت تركب تقووويم يذبح يقطع الأعصااب الا باخر ظهرك << وااحد يخوفك
اضافة رد مع اقتباس
  #13  
قديم 23/03/2011, 01:49 PM
الصورة الرمزية الخاصة بـ ولد حوطة سدير
زعيــم فعــال
تاريخ التسجيل: 25/06/2007
المكان: سدير العز حوطة سدير
مشاركات: 453
تدري عاد أن عندي ضرسين يبي لهن نتف أعصاب

بس عقب موضوعك هونت .. خلهن يقعدن بس < ماخاف ابد هع

الله يعينا وإيــاك ..
اضافة رد مع اقتباس
  #14  
قديم 23/03/2011, 01:52 PM
زعيــم مميــز
تاريخ التسجيل: 10/05/2010
المكان: بريدهـ
مشاركات: 3,978
هلا أخوي
,,,,
الحمدالله أهم شي إنك خلعتهن
وارتحت منهن ومن وجعهن
....
الله يوفقك ان شاء الله في المرحله القادمه يارب
اضافة رد مع اقتباس
  #15  
قديم 23/03/2011, 02:41 PM
الصورة الرمزية الخاصة بـ الهلالي دائماً
مشرف منتدى الجمهور الهلالي
تاريخ التسجيل: 20/01/2002
المكان: وسط المعمعه
مشاركات: 12,893


هلا وغلا بك اخوي مشعل
والحمد لله على سلامتك

عاد قسم بالله حسيت بمعاناتك واعتقد لو رحت عند دكتور اسنان بيسوي بي مثلك
لذلك انا بطلت شوكلاطه وما في الا ردح من ها الحليب

بعدين مدري في عندنا عالم ما تدري وش جوهم اذكر سافرت مع واحد من العيال وافرش اسناني الصبح
ما قدر يستوعب الموضوع يقول بالله تفرش اسنانك ياللبناني

الله يعينك يا صديقي وان شاء الله تعدل ضروسك وتطلع مثل ضروس حقين هوليود
وقديما قالوا .. لا هم الا هم العرس ولا وجع الا وجع الضرس

شكرا مشعل على الموضوع الطريف الذي يروع الضروس ويوسع الصدر

بنجور
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 10:02 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2021, Jelsoft Enterprises Ltd

Google Plus   Facebook  twitter  youtube