24/10/2008, 08:55 PM
|
 | برشلوني مخضرم | | تاريخ التسجيل: 05/08/2004 المكان: somewhere I belong
مشاركات: 6,701
| |
يعطيك العافيه عزيزي .. اتفق معك انه فيه لبس لما تتسمى الجائزه بـ اسم افضل لاعب في العالم بينما هي تكون متداخله مابين بداية ونهاية موسمين .. معايير هالجائزه اظن تعتمد على اداء اللاعب مع ناديه ومنتخبه طوال الموسم الرياضي .. سلوكه الرياضي خارج وداخل الملعب .. مشاركاته مع الفريق اي مع اعطاء جانب من الاهتمام نحو تأثير الاصابات وما الى ذلك .. التأثير الاعلامي .. روح الرياضيه .. كلها تتداخل في بعضها .. من هذا المنطلق ماراح تكون غريبه عليي ابدا اني اشوف الجائزه عند كاسياس او ميسي على حساب كريس نظرا لرؤية الناس عامه حول هاللاعبين بعكس كريس . كريس ممكن نحصل له جمهور يعتبره مغرور او غير اخلاقي .. بينما كاسياس الحاقد والغير حاقد  يعتبره لاعب مثالي في كل شئ .. كانافارو لما حصل جائزة افضل لاعب .. فيه اللي قال مايستحقها ومن ضمنهم انا .. بسبب اني كنت اشوف اعطاءها اياه فقط على مردوده في كاس العالم .. لكن لو نلاحظ هو حقق بطولة الدوري مع اليوفي ووصل لدور لابأس به في التشامبيونز وحقق كاس العالم .. بينما رونالدينيو حقق كل شئ مع ناديه .. لكنه فشل في كاس العالم واصبح الثالث على العالم فقط لمردوده خلال شهر ممكن .. وكان هاالشئ ظالم من وجهة نظري .. وشفنا زيدان الا كان نائم مع الريال يعتبر .. بسبب اداء غير عادي خلال كاس العالم اصبح من ضمن الافضل .. رونالدو رجع من الاصابه .. جاب هداف كاس العالم في مونديال 2002 .. واذا به يصبح افضل لاعب في العالم .. برأي صعب تنصف اللاعبين مهما كان تفاوت المستوى والبطولات .. اللي يوصل لأشياء متقدمه مع النادي والمنتخب اتوقع يستحق الجائزه اكثر .. ولهذا كاسياس يستحقها .. وكريس يستحقها برضو لكن زي ماقلت وفقا للمعايير المتبعه ممكن نحصل جزء من المقيمين يصوتو لناس آخرين .. ايضا .. الجانب الاعلامي مهم في هالناحيه .. ومؤخر شفنا الكل يشتغل في تفخيم ميسي .. وماراح استغرب اذا شفته ماخذ الجائزه بغض النظر عن الاستحقاق .. لأن الدنيا ماشيه كذا الاعلام يسوي كل شئ .. وسلامتكو ..  |
