|
اللـــه أكــبـــر .. ( قصيده من نظمي ) ...
 مقدمة
هذه القصيده كتبتها بسرعه أعذروني على تواضعها
مناسبتها أنني صدمت من إحدى المعلمات عندنا في القصيم
تفصل طالبات أحد الصفوف و تجعل فصل للبدو و فصل للحضر
لسبب أن الحضر ( من جلدتها ) لا يريدون البدويات !!!!
الله اكبر كيف نطغى بالميول
ذا قبيلي و ذاك من طرش البحر
الله اكبر لا حكينا باالأصول
بين عبد و شيخ و الثالث خضر !!
الله اكبر الله اكبر لو تقول
البدو عدوان و احبابي حضر
من صنع هالفرق يااحفاد الرسول
من سعى للتفرقه بين البشر
وش جرى للناس يا وين العقول
النسب ما هوب للجنه مهر
ذا كلام الله بالحكمه يحول
دون فتنة جاهليات و خطر
قال ساس الفرق ( تقوى ) و الخبول
حطوا انساب البشر ساس الفخر
هوو سؤال ٍ في وسط عقلي يجول
و كل جواب ٍ عند رداد الخبر
وش تركنا لليهود اللي تقول
حنا أصفى عرق ما بين البشر !!!
أختكم
الوفا ديـــن
اخر تعديل كان بواسطة » الهلالي دائماً في يوم » 24/10/2008 عند الساعة » 12:00 AM
السبب: تعديل العنون ...
| 