هلا وسهلا ومرحبا بالقحماني

بالنسبه للسرقات والله ياخوك السرقة مانتهت عند سرقة الجوال وإلا لاب توب

بل تعدت محيطها .. سرقة الجوال بالنسبه للحراميه يعتبر (مزمزة )

السرقة الكبيرة اللي نشوفه الآن من سيارات وذهب وتهديد بالسلاح ويجبرك

تروح معه للصراف بالغصب هذا اللي دايم نقرااه ونسمع عنه ..!!

تصدق عااد يالقحماني والله ماحلفتني يمين إن صارت سالفة لناس من خوياااي

سطو مسلح وتحت تهديد الأسلحة .. طاال عمرك قبل 3 سنوات إذا تخبر

نهائي دوري خادم الحرمين الشريفين بين الهلال والشباب ( 3 - صفر للشباب )

هذا سلمك الله كنا متواعدين حنا والشباب نجتمع بالمقهى ونشوف المباراة

المهم أنا حصل لي ظرف وماقدرت ارووح وقلت نتقابل بعد المباراة حسب الظروف

أثناء الشوط الثاني داهمت المقهى مجموعة مسلحة من التكارنة من حي الغالة

لأن المقاهي قريبة من هالحي ومالنا إلا هي

المهم كان التكارنة مابين 25 شخص مسلح سلاح أبيض فكانوا يدخلوون عالجلسات

ويهددون ياتعطينا جوالك وفلوسك وإلا بنهبد رأس المعسل بجبهتك

فخويااااي داهموهم التكارنة ومعهم سواطير طبعاً انخرشوا هالأمور مافيها لعب

كلهم سلموا جوالاتهم إلا وااحد من خوياي ماكان معه جوال والتكروني مو راضي

يصدق فصك راس المعسل بجبهة الخوي فطبعاً المقهى كان مليان منهم من استسلم

ومنهم من قاوم ومنهم من صاااح من الخرشة

وتدري وش احسن مافي هالسرقة إن خوياااي بعد المباراة ولاوااحد منهم دق علي

واستخف دمه لأن الهلال انهزم .. كل اللي دقوا علي يتكلمون عن هالحادثة

ومحد جاب طاري للمباراة والحمدلله عدت الأمور سليمة وعلى خير

وبصراااحه بعض الأحداث والسرقات تخليك تتوقع إنك بشيكاغو

منت بالرياض ..!!


مشكوور أخوي القحماني دايم مبدع الله يسعدك

لاخلا ولاعدم ,,