نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة

خسران حبه · #1 20/10/2008, 07:04 PM

مساكم الله بالخير

اولا احب اعتذر عن التاخر بطرح الموضوع ولكن المنتدى من قبل البارح مافت معي

حدثت بعض الاحداث الغريبة من جمهور النصر ولاعبيه والي اكيد بعضكم انتبه لها والبعض الاخر يمكن لانه بالتلفزيون مادقق او ماعرضت حتى

1- دخول لاعبي الفريقين
كان المفروض كل لاعب ماسك بيده طفل من الاطفال ولكن دخل كل لاعب هلالي ماسك بيده طفلين!!!!! ولاعبين النصر كل واحد يالله يشيل نفسه ماكنهم اطفال

2- جمهور النصر والاسائة الكبير
كان جمهور النصر يردد عبارات كثيرة ومسيئة للزعيم وكنهم كانو مخنوقين وينتظرون المبارة على احر من الجمر عشان يطلعوا حرتهم بالسب والشتم الي ماله داعي والي كان نتيجته اكثر من مشجع نصراوي في قبضة رجال الامن ماكنها مباراة 90 دقيقة وثلاث نقاط كنها قاتل ومقتول

3- الحقوي واسائته للهلال
الحقوي كنه نسى انه الفضل الاكبر بعد الله في طلوعه وبروزه على الساحه الرياضية
هو نادي الهلال والدليل لما كان يردد (والهلال خايب من دون التايب!!!!)
واكيد الاغلبية سمعوا مقطع البلوتوث وهو يسب في الادارة الهلالية السابقة مدري وشكان يبي الزعيم هو الي طلعه وهو يعض اليد الي انمدت له

.

4- مكبرات الصوت الهلالية الجديدة
الحقيقة اني فرحت لما قريت قبل المباراة انه راح يكون فيه مكبرات صوت جديدة وتفاجأت لما صرت في الملعب مكبرات الصوت الخاصة بالنصر كن الحقوي جالس بينا ماكنه فآخر الملعب عكس مكبرات الصوت الخاصة بالهلال والي ماعندك احد ماغير نسمعهم اذا سكت حقوي ويالله يالله.

5- ويلهامسون ولمساته
حركات المحترف الرائع جداً ويلهامسون قتلها التلفزيون لان الي شفناه بالملعب يؤكد ان التايب موجود ماغاب لان حركاته كانت روعه حيث انه بالدفاع والهجوم وكل مكان كنا نشوف شي ماينشاف بكورة ولا بدون كورة تحركات فنان ولكن بالتلفزيون يوم اشوف الاعادة (ماعندك احد) لان التلفزيون مهمشه وماكان مركز عليه زي التايب الله يذكره بالخير.

6- هدف ياسر
احلى لحضات المباراة كانت هدف ياسر القحطاني والي جن جنون المدرج والنتيجه انه انكسرت نظارتي من كثر الفرحه والاحظان

.

7- لحظات الفرح والانتقام
بعد الهدف الثاني والفرحة الكبيرة وفي الشوط الثاني رددت الرابطة الهلالية جملة شفت بعض الغليل الي فخاطري من الحقوي وحركاته حيث رددت
(تجيبوا العمده ولا حقوي تبغى تفوز يانصر والله تبطي)

وهذا باختصار ماكان في المدرج واعذروني على الاطالة
وتقبلوا تحياتي خسران حبه