نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة

هلالي طموحه عالي · #15 18/10/2008, 11:04 PM

إقتباس

الرسالة الأصلية كتبت بواسطة هلاليٌ انا


	هي حلوه وانت احلا لكن خل عنك الشماته لانه انا واثق بيحي اليوم الي يصير العكس

ياااااخي وش فيك أذكر الله بس وخلك عندك ثقة عالية في فريقك وزعيمك الأول والأخير، وبعودة اللاعبين والنجوم الهلالية الواعدة إلى مستواهم المعهود وإكتمال نصاب المحترفين بإذن الله سوف نحافظ على تصدرنا للدوري ونعتلي الصدارة ولأن الصدارة مالها إلا هلالها

، وفعلاً خلو الرجال يعبر عن فرحة بالكباري والحفريات اللي صارت بملعب النصر اليوم وفعلاً ياسر والفريدي راح يصيرون مستشارين بوزارة المواصلات لفتح الكباري والأنفاق في الفرق كلها مو بس النصر، وألف مليووووون مبروووك والفوز على النصر مو هدفنا زي ما هو هدفهم وحلمهم من سنين، حنا هدفنا وهمنا الأكبر هو الحصول على الثلاث نقاط والحمدلله رب العالمين جت وخشت بخزينة الزعيم في بنك الدوري وإن شاء الله من حسن لأحسن والمستوى في تصاعد ونبي دفاع أقوى من كذا ونبي البوليفي وينه وش صار عليه ، ( الحمدلله إن المستوى الممتاز هذا للزعيم في ظل مشاركة محترف واحد اللي هو هامسون ) والله يصبرنا على فراقك المؤقت يا ( البرنس طارق ) ، وعالعموم الصبر يا جمهور الزعيم ( يالرقم الصعب ) الدوري يبي له نفس طويل وانا مو متحسف إلا على ( نقاط نجران ) اللي ضاعت مادري وشلون لأني ما شفت المباراة وماحد معطي ( نجران وجه ) بالدوري إلا الزعيم يا يتعادل معنا يا يهزمنا على أرضه مدري وشلون

، لكن بإذن الله الجاي أحلى وأحلى ومانبي غير فوز أو تعادل والخساير مو وقتها لأن التفريط بأي نقاط لا سمح الله يكلفنا الدوري ويبي لنا دفاع قوي لو وصل لخمسة مو مهم أهم شئ نطلع يا بالفوز أو التعادل خصوصاً وأن منافسنا الآخر ( الحقيقي والسنوي ) الإتحاد هو الآخر ماشئ صح للحين ومن ترتيب الفرق وما لها وعليها هو المتصدر من غير هزايم يعني أهم شئ بالدوري إنك ما تخسر لو تلعب 10 مباريات تعادل مو مهم بالنهاية تتقدم بخطوات واثقة حتى الأسابيع الأخير ( الحاسمة ) من الدوري اللي هي ( 20-21-22) واللي النقطة فيها تسوى عشر نقاط وما فيه وقت فيها للتعويض .... وسلامتكم ومبروكييين يا جمهووور الزعييم

الساااااحق العريييض في كل أنحاء العالم مبروووووكين الثلاث نقاط والمستوى الراااائع ويسلمون جميع اللاعبين في مقدمتهم الكاسر ياسر والمهندس الفريدي والله يوفقهم جميعاً ،،،