إقتباس أهلا وسهلا بهامور البورصة (يوزر مفقود)

هلابك طال عمرك

إقتباس أول شئ أنا فيني طبع مأقدر أشوف شئ متعدي الخطوط الحمراء من دون مأنحرج أحس الناس يناظرون لي يمكن لأني مراهق

يا مرااهق وانا قاعد اقول حل الواجب ومدري وش بعد لو ادري انكم بتقرونه ماكتبته <== اقول لا يكثر ماكتبته الا عشان تقرونه وتشرفوني بردوودكم

إقتباس يعني مواقف رومانسية ومن هالأمور وبين ناس أكبرمني أحسهم يقولون شف والله ياهو مستانس

اشلون يعني موقف رومنسي ممكن تشرح أكثر أخوي يعني واحد يقول لـ وحده احبك تنحرج من هالشي ؟

إقتباس لكن بين أخوياي وناس في سني يصير الوضع عادي لأني داري وش يحسون فيه إذا صارت مثل هالمواقف

يعني اشلون يعني ممع اخوياك تسوي كل شي ومع الشيبان لا يعني انت خايف من الشياب مهوب من الله يا حييف ع الشباب

إقتباس وفي حفل إعتزال الذيب سامي الكل يتذكر الدعاية للعقار حق الروماتزيم<<إيه هين

لا انا وقتها مع الجمهور مدري وش الطبخه وقاعد اسب الكميرا الي معي ماشتغلت خربت على حظي بالملعب

إقتباس كنت مسنتر بين يمكن 3-4 شيبان وشباب المهم وتطلع الدعاية وأخوي معه الريموت وأخوي منسجم مع السوالف وأنا منحرج والعرق يقطر وأنا

والله يانت مؤدب بعد عادي يا رجال ترى كل هالشياب دشير بس قدامك مسوين مطاوعه ماعليك منهم خلك عادي سو نفسك مافهمت ولا طنش

إقتباس آخر شئ قمت من المجلس ومارجعت لين تأكدت أن الوضع أصبح آمن

والله يانك ماتصلح تسوي جريه شكلك بتبلغ عن نفسك لو سويت جريه

إقتباس بالنسبة للتخويف أستشف أنك شخص تخاف من ظلالك وهذا شئ سلبي حتى ولو قالو من خاف سلم

اي ظلالي يا رجال اقولك ام بريقع وحمار القايله تقولي ظلالي

إقتباس أنا عني مأذكر من التخويف اللي جاني إلا شئ واحد أني إذا شاغبت يطلعوني للحوش لأني خواف من الظلام وكنا بالشتاء والشجر يتحرك خلاص كملت وإذا جيت أطلع أسوي مقاومة عنيفة وتطيح فيها سنون وتكسر فيه خشوم مع هذا كانوا يطلعوني وإذا طلعت أهجد وأصير عاقل وأعطي وعود لكن إذا دخلت تصير الوعود هباء منثورا

اهلك شكلهم مايحبونك انت اجل يطلعونك بالبرد بالليل برى حنا اهلنا يخوفونا عشان مانطلع انت العكس يطلعونك عشان تهجد

إقتباس وعلى هالسيناريو... لكن اللحين أعرف من الأساطير اللي نسويها لبنات أختي الكوكو والبسة وبعد الظلام بالنسبة إستخدامه كأسلوب تربية أعتقد أنه مطلوب لتهجيد المبزرة لكن كثرته تسبب ضعف بالشخصية وتصديق للخرافات

ايه خلك كذا اذا دبلو تسبدك خوفهم شوي بس عاد مهوب تخليهم مهبل من كثر التخويف

إقتباس مشكورأخي هامور على الموضوع الرائع والمنسق والجميل تحياتي......ورده H_S Y T_2008 أو محمد

العفو أخوي محمد والله يعطيك العافيه ع الرد