نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة

الســفيرة · #7 17/10/2008, 02:30 AM

يووو والله جبتي الموضووع بوقته

ماعتقد احد صارله ويا الخدم مواقف كثرنا

جربنا الوحدة وجربنا الثنتين ،، جربناهم نفس الجنسية وجربنا جنسية غير

نفس السيناريو يتكرر ،، ان جات وحدة قالت ماقدر اسوي كل الشغل ماقدر الحق

،، ان جو ثنتين كل وحدة تقول انا اشتغل وهذيك ماتسوي شي ،، وربي وصلت وياهم يتطاققون ويترافسون

جربنا الفلفينوو وجربنا الاندونيسي وجربنا السيريلانكا كلو سيم سيم

بقولك بعض المواقف

وحدة من الخدم اول ماجت البيت قالت مافي عيال كبار امي شكت بالموضوع

فتحت شنطتها عشان تشوف وش جايبه معها ،، ماشاء الله الاخت جايبة ميك اب وجينزات وحركات

من ثاني يوم تهاوشت ويا الشغاله الاولى وطقققق من الصبح

صحينا على صراخهم يقولهم ابوي خيييير شالسالفه كلوحدة ترد هذيك الي بدت

وقسم مبزررة

وحدة جات يومي بثالث ثنوي ماقعدت الا شهرين بعدين انحاشت

عاد مسكينة امي رحمتها حلفت علي ماسوي شي لاني بثالث

الله ياجرها يارب للحين لما اتذكر معاناتها ادعيلها

خدامتنا الحالية قالت ابي جوال وعيت امي عليها قالت تسافرين واشتريه لك >> طبعا الوالدة انقرصت من الي قبلها وخافت تنحاش

الموهييم وبيوم من الايام طلعو اهلي كلهم الا انا جلست اذاكر كان عندي اختبار ،، هي شكلها مانتبهت اني بالبيت لان طول الوقت بغرفتي

جيت بنزل واسمعها تبربر بلغتهم وتضحك

واقرب اقرب اتعوذ من الشيطان اقول يمكني اوسوس

والصق اذني بالباب بشوف تكلم سعودي والا اندنوسي

والا الحرمة والله تبربر اندنوسي

طبعا ماخليتها بخاطري

واروح لاقرب غرفه لغرفتها واصفق الباب بقوة يعني انا هنا

يوم نزلت تميت شوي وتنزل تجلس معي بالصاله والله المرة شكلها خايفه وبخاطرها شي تقوله ومترددة

قالت انا احب اغني ولما اكون بالغرفة بروحي اغني وااااجد

عطيتها نظرة وضحكت

نجي للسواويق

ربي مبتلينا بسواق غبي غبيييي مدري يتعمد الغباء والا هو غبي بالفطرة

تخيلي لما اطلع من الدوام واركب السيارة مستحييييل يجي الين ادق عليه

لو اقعد ساعه كامله مايجي

الجامعه اوكي اقدر ادق بس ايام المدرسة انزل من السيارة واروح انادي حضرته عشان يجي وقسم ساعات ودي ارمي الشنطة على وجهه

يالله ودي اقول كلشي بس احس اني طولت واجد

يعطيك العافية قلبوو والله يعينا على مابلانا