بسم الله الرحمن الرحيم


اختي هلاليه ممكن الشباب جاملوا في ردودهم واعذريني على هالكلمه والله جاملوا هذا ليس شعرآ هذا نثر الشعر وزن وقافيه ومعنى انا اشوف ان قصايدك وللاسف هي لسيت قصائد خاليه من الوزن والقافيه بالعربي مكسره كلها من اول بيت إلى آخر بيت حاولي تقرين كتب شعر واول شي اعرفي وشو الوزن لايضحكون عليك ويقولون قصيده حلوه وابداع لغرض معروف لدى الجميع

بكتب لك قصيده وشوفي كيف الوزن والقافيه والوزن نعرفه بتلحين القصيده على البحر اللي كتبت عليه والبحر الواحد له عدة الحان


مشكله لاصارت الميزه وضوح وميزتك يظهر عليك اللي حصل
كيف تزعل وانت للبسمه طموح مايناسب راعي العليا زعل
كبريائك بلسم يشفي الجروح تصدم اللي ينصدم بك ياجبل
موقف مر و عبر خله يروح عادتك تعبر مساحات الجهل
إنت الاكرم لو تسامح ياسموح عمر قلبك بالسماحه مابخل
اعرفك خيال للظرف الجموح فارس يلجم خيول الجدل
النوايف ماتطاولها السطوح ماعلى وجه البسيطه من كمل
كيف تزعل وانت للبسمه طموح مايناسب راعي العليا زعل



ترى القصيده لشاعر معروف بس والله ماعرفه وقصدي من الرد لاتصدقين كلام اللي قالوا ابداع وإلى الامام واللي مدحك ياإنه مايعرف الشعر يا إنه يجاملك والبيب بالاشاره يفهم


( الله لايوفق شاعر المليون بدوا العالم يطامرون على الشعر وصاروا الشعار اكثر من الجمهور والله حاله)