النصر - الاتحاد (الموسم الماضي): 1 - 5
النصر - الاتحاد (الموسم الحالي): 2 - 2

معليش، بس إذا المدرب حاط في باله شغلات هو ما له قدرة يتحكم بها وقاعد يراهن عليها من الأمور اللي يركز عليها الجمهور (مثل حالة لاعبي النصر حين سماعهم اسم "الهلال"، أو الحضور الجماهيري)، دون الالتفات لمكامن الخلل الحقيقية ... ففيه بلاء!

نضحك على أنفسنا إن قلنا أن سبب خسارة الأرجنتين هي "خوفهم من اسم البرازيل!"، وما ضيّع كثير من الفرق إلا هالمنطق المعكوس، كافتراض أن سبب خسارة المنتخب في لقاءته الخارجية والتي يرتدي لها اللون الأخضر هي سبب هزائمه في كثير من الأحيان، دون النظر للعوامل الأخرى المرتبطة باللعب خارجياً كحالة الجو أو مشقة السفر أو نحوها ... فيقول الواحد: حنا ما خسرنا لأننا نلعب في أرض الخصم (واللي هو سبب لبسنا اللون الأخضر من الأساس) وبين جمهوره وفي جو ما تعودنا عليه، لا لا ... هذا أكيد له علاقة بلون القميص!

الأكيد هو أن الكرة ما تفضل أحد ولا يهمها التاريخ، واللي بيدخل الملعب وهو في أقصى حالاته الجسدية والمعنوية متسلحاً بخطة تؤهله للفوز هو اللي بيكتسح الخصم.

هذا هو الأرسنال لما كان يباري هول سيتي (واللي باليالله ترقى لدوري الدرجة الممتازة) داخل وهو حاط في جيبه الفوز ... وآخرتها تنقلب النتيجة عليه من نصر 1-0 لهزيمة 2-1!

الحين قل لي: وش نفعته حقيقة أنه ما قد انهزم على ملعب الإمارات منذ افتتاحه إلا مرة واحدة وهو يباري قزم من أقزام الكرة الإنجليزية؟

في مباراة الأهلي، أكثر من فرصة محققة أهدرت في الوقت اللي يفترض فيه أن يكون للزعيم اليد الطولى في ذاك اللقاء باللعب على أرضه ولافتقاد الخصم لأحد ركائزه ... معقولة بنقول السبب هو تخاذل الجماهير عن الحضور، ولو حضروا لمباراة النصر وحنا بذاك المستوى بنكتسح الخصم وبثلاثية؟!

ما أقول إلا الله يوفق بس ...