السلام عليكم

تراني اخوكم منكم وفيكم .. اتكلم من رحم المعاناه الرياضيه .. >> ماظن احد سبقني بهالجمله ..

السالفه ومافيها اني انا واحد من مشجعين وعاشقين ومتيمين ومحبين واحب ومحب للهلال << خلصنا ..

لكن السالفه مو هنا .. السالفه انه الاتحاد عقدني .. ايه عقدني والله ..

لاحد يعصب علي .. لحظه شوي شوي اسمعوني ..



=========================================



انا ساكن بجده .. وتعرفون عاد الاتحاد وجمهوره بجده ..

والاتحاد السعودي حاط لنا جدول مادري وش يبي .. كل المباريات بوقت واحد ..

وبيتنا مافيه الا تلفزيونين .. واحد فيه المجد والثاني فيه دش عادي وفيه الاي ار تي وباقي القنوات ..

والوالد اتحادي .. وكل ماجات مباراه للاتحاد يحط عليها والهلال يسحب عليه .. وانا ماقدر اقوله شي .. لانه ابوي ..

واضطر اتابع الاتحاد .. . وقلبي محروق على الهلال .. وابوي يتصدق علي كل 5 دقايق بثانيتين يقلب على الهلال يشوف النتيجه ويرجع ..

<< ياحليله ابوي طيب ..




وصرت متعقد من هالاتحاد .. حتى لو طلعت مقاهي اغلبها على مباراة الاتحاد ...

مثل اليوم فيه مباراه الهلال والاهلي ... ومباراه الاتحاد والشباب .. وبضطر اشوف مباراه الاتحاد ...

حاولت اشوفها على الانترنت لكن كل شوي يقطع ومايعطيني مثل متعه التلفزيون

والملعب مايمديني احضر الا 3 مباريات .. الاهلي والاتحاد والوحده ..


================================




يرحم ابوكم وامكم شوفوا لي حل ... ولا ترا بروح اشجع الاتحاد عشان اقدر اشوف فريقي .. ومشجعينكم ينقصون واحد ..

>>> وقفت عليك عاد ..


صراحه مادري ليش كتبت الموضوع .. بس عشان انفس عن نفسي شوي .. حتى مباراة الهلال القويه مع الاهلي ماقدر اشوفها مباشر ..

مايمديني اشوفها الا مسجله ...

اللي عنده حلول لايبخل علينا ... ترانا مانستغني عن خشة اي زعيم هنا ..

ايه صح شي ثاني بعد .. انا طالع الحين للبيك بنتغدى .. احد يبي شي ..

>>> ترا مايقاهر اهل الرياض ..






ال