شكرا لك على هالموضوع

وأنا أوافقك على بعض ماطرحته من آراء أو انتقادات وأخالفك في البعض الآخر

فأنا معك في ضرورة الحزم مع اللاعبين اللي نسميهم محترفين مجازا أو مجاملة !

فشيء غريب فعلا لاعب محترف يرزق بمولودة يستأذن من التمارين وبالتالي يضطر المدرب لإبعاده

ولاعب آخر ذهب ليقضي يوم العيد مع أهله في حائل ويرجع لكن ماكفاه يوم واحد لازم يخليه يومين

والفريق اللي يصرف عليهم ويعطيهم رواتب ومكافآت سواء كانوا محترفين أو هواة مو مهم !

للأسف ينادي البعض بتطبيق الاحتراف الحقيقي في السعودية ونادي الهلال يجامل اللاعبين

اللاعبين المحترفين اسما يطالبون بمقدمات عقود ورواتبهم أول بأول وهم مايلتزمون بالاحتراف

والله ماتحصل في أي نادي بالعالم ان لاعب يعتذر عن حضور تمرين مدته ساعتين

والسبب الخطير ان زوجته جابت له مولود جديد فلازم يغيب رضت الإدارة أو رفضت !

وإدارة الكرة عندنا ماودها تجيب لنفسها المشاكل مع النجوم فتقبل هالعذر الغريب !

أما من ناحية اللاعبين الأجانب فأخالفك تماما لأن هؤلاء كل الأندية تتمنى وجودهم

ومو ذنب الإدارة الهلالية ان طارق التايب ماتوقف الا هالموسم وان ويلي جته إصابة مفاجئة

وثقتي في الأمير عبدالرحمن بن مساعد كبيرة وهو أكيد وفر للاعبين والمدرب والإداريين كل شيء

لكنه وعد الجمهور الهلالي بمحاسبة الجميع سواء اللاعبين أو الأجهزة الفنية والإدارية

وأكيد اللي سواه خالد عزيز وماجد المرشدي بكل استهتار مايرضي رئيس الهلال

وراح يسأل مدير الكرة البطي والمشرف على الفريق سامي عن هالشيء وليش تساهلوا معهم ؟!