نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - مـوبـايـلـي الـهلال .. والـفـجـوهـ .. هـل تـــسـتـمـر .. !!؟

Fo0oRzA JuVe · #2 02/10/2008, 08:03 AM

سليمان ..

أنا والله كنت مشترك أيام جوال الهلال ، وكنت أعاني معاناه غير طبيعية كل ما فتحت جوالي لقيت 15 رساله وافرررررح .. واخر شي يطلع جوال الهلال الصويلح بيحترف لا موب محترف نفى واكد .. كل شوي رسايل كل شوي رسايل واغلبها مكررة ..

قلت يبن الحلال ريح راسك واتركهم .. طلب افصل الخدمة مالقيتهم الا يراسلوني مه ثانيه .. قلت يؤ وش ذا ؟!

ادق على الاتصالات ارسل حرف الـ خ مع مسافه مافي فايده ..

اخر شي نزل موضوع في منتدى الجمهور الهلالي واطب فيهم واقول طرارة هي طرارة ؟

..

ومدري وشلون ماعاد يرسلون لي رساله ..

والظاهر انحرمت من المشاركة في منتدى الجمهور الهلالي فتره ..

بعدها حرمت اشترك في اي شيء لا جوال الهلال ولا موبايلي الحق الجمهور لا يروحون عليك

..

وانت الآن تتكلم عن مسوائ موبايلي وبصراحة اذا كانوا يرسلون النتايج غلط وبدون تصحيح واكثر من مره فهذا استخفاف في عقول الهلاليين ..

ولكن مهما كان عندي التعاقد مع موبايلي افضل من الاتصالات .. خصوصا ً بعد فضيحة الاتصالاات يوم تحط رقم جوالات الاتحاد على بلونات زرقاء وتوزعها على الجمهور

..

هذي طامه بحد ذاتها ..

واحسن شي في موبايلي الـ 200 مليون

والاتصالات كانو يعطونا 60 مليون وعلى جوال الهلال 6 مليون !!

الشباب والله اللي مريحين خالد بن سلطان 200 مليون والجوال بعد

..

على العموم الله يكتب اللي فيه خير للهلال ..

يعطيك العافية سليمان ..

بس مدري وش جاب الوضوع للعالمية

؟!