| للحين ماتدري وش قد انا احبك
مو لازم اقول بس ناظر عيوني
إن غبت عني طوال اليل احلم بك
وإن جيت يمي زادت بقربك شجوني
عرفت إني ميت فيك ومغرم بك
انت لحالك الي تسكن عيوني
ان قلت لي احبك انسى نفسي واتلابك
وانا احبك وصابت بحبك ظنوني
ادري بأني ساكنه يالغلا قلبك
وتدري بأني بحبك صرت مجنوني
حضور جميل لإحساسك
ومع الوقت راح تتحسن اشياء كثيره اذا استمريتي في الكتابة ( وزن القصيدة ، تماسك المحتوى )
**************************
حسبت الشوق بس لحظه وانسى كل اشواقي
لقيت الشوق بغيابك يحطم كل مافيني
كتبت اسمك وسط قلبي كتبته وسط اعماقي
وخيالك يابعد روحي كل ليله يناجيني
اناعند عهدي لك على حبك للأبد باقي
أحبك لو يطول البعد وتطول فيني سنيني
أعجبتني هالكلمات وحسيت انها مكتوبة رغم جودتها الا انها ماخذت منك وقت لان وقعها غنائي
وجا في بالي كلمات ( القلوب الساهية ) اللي ادتها نوال الكويتيه :
حسبت اشواقي انا غابت ..واتاري الشوق تو بان
واتاري بقلبي الساهي .. حنين لك بعد باقي
انا ما كنت احسب ان القلوب الساهية تشتاق
ولا كنت احسبك في يوم تجي وتحرك اشواقي
**********
موفقه اختي هاوية الهلال
والابداع ما يندفن ونصيحه لك ولغيرك .. اي شي نكتبه سواء خاطرة او قصيدة أو قصة احتفظوا فيها .. راح يجي وقت تحس انك محتاجها
الشكر لبنت فهد على وقوفها مع هذه المواهب <== كلمة حفل نهاية العام ... خير !
اخوكم :
العنا وشو العنا  | 