نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - (( سوبر سايز .. ويذ تشيز .. لكن ليش تحسب لحم البقر ؟؟ )) .. (( رسالـة )) .. !!

متآبعه بصمت · #21 29/09/2008, 11:01 AM

الله يحييك ويبقيك يالطيب ..

التعقيب كالتالي:

أنت على الأقل جابوا لك طلبك وزيادة

وش تقول عن اللي خذوا منها 200ريال وقالوا لها طسي ما عندنا لك شي

هذي يا طويل العمر سالفتي بمكة
قبل أسبوع وكم يوم
كنت أنا وأختي داخلين شركة البيت مول
وطالعين لدور المطاعم
المهم هي تبي وجبة من هارديز
وقفنا عند الكشك
وقابلنا هالعمالة يشتغلون
وطلبت منهم أختي اللي نفسها فيه
وطلعت لهم الميتين على أساس يردون الباقي
وعطونا رقم الطلب الظاهر كان 132
وأنا يا رب لك الحمد أدقق في كل شيء
هم كانوا معلقين بطايق بأسمائهم
كل واحد وعليه كرته بالإنجليزي
أنا حفظت إسم الباكستاني اللي خذا فلوسنا
إسمه (عمران)
المهم
إستنينا يجي ربع ساعة
الناس جاوا عقبنا وشروا وتسحروا وإحنا منلطعين عند الكشك
المشكلة كان بيأذن الفجر على وشك
وهم كل ما قلنا وين الطلب
قالوا استنوا شوي
عاد أنا طقت كبدي
وناديت المصري كان إسمه (محمد) والله ما قصر
وعلمته إن (عمران) أخذ فلوسنا وهج
ما عاد شفناه
قال وين رقم الطلب
عطيته وراح يدور داخل ورجع
قال مافيه طلب بهالرقم
أنا خلاص قفلت أخلاقي ولا عاد همني أحد
قلتلهم طلعولي عمران من تحت الأرض

ألحين تجيك السالفة اللي تقهر من جد
جلسنا 5 دقايق
بعدها طلعلنا صاحب الحسن والجمال
ماسك البرجر وياكل

أنا حزتها فارت أعصابي
وجلست أهاوشه
أحر ما عندنا أبرد ما عنده!!!

تدري وش البلا؟؟؟؟
إنهم يوم إسألوه قالوا .. هذي طلبت منك وجبة؟وعطتك 200 ريال؟
قال: لا
أنا خلااااص شوي وأطب في المحل
قسم بالله ما يردني عنه أحد
بس قلت صبر جميل والله المستعان
أنا متيقنه في قرارة نفسي إني ماخذه حقنا ماخذته .. بس متى؟!
الله أعلم

طبعا إجتمعوا كلهم وقعدوا يتناقشون
وأنا أصارخ طلعولي فلوسي

مديرهم إسمه (محمود)
شوي ويكفخني
أولا يحسبني نصابة‎ ‎

ثانيا حرجت عليه خلق الله

ويجي عمران ويدخل تحت طاولتهم ما يبيني أشوفه عشان يكمل أكله
لكن وينه عني

قلت لمحمد خله يطلع أحسن له
والله ما يتسحر لين تتسحر أختي

وجلست أهاوشه لين طلع وعاف اليوم اللي
فكر إنه يعيش فيه
مع إني متأكدة إن ماعنده إحساس

المهم السالفة وصلت للمحاسب (ماحصلي الشرف أحفظ إسمه لأنه مو لابس بطاقه)

طلع الفلوس كلها من الآله وجلس يحسبها بيده

آله على أي أساس أجل

عاد أنا أشغلته ما يمديه يحسب ريالين
ألا وأنا ناشبه في حلقه
تحسبني نصابه؟
ما تخافون ربكم ؟
رمضان وخير وهذا اللي ماينتسمى يسرق فلوس خلق الله!
مشغلينه على أي أساس؟
*_^ بيني وبينكم الظاهر وظيفته (سراق‎ ‎هارديز_فرع البيت مول) بس بالخش

والمحاسب يقول
خليني أحسب كويس
ما تتكلميش
وأنا النيه ذبح الله لا يعوقني بشر
في النهاية
إكتشفوا إن عمران نصاب وهزأوه
بس ما بردوا حرتي فيه ذيك الحزة

وجابوا طلبنا
وبعدها طلبت علبتين مويه بارد

ورحت منهم
وأنا أقولهم (إرفدوووووه)

وهم يقولون إمسحيها في وجيهنا (بس بالمصري)

والله ألحين مسامحتهم
بس حبيت أذكر لكم بعضا من نصبهم

على غرار قصص الكاتب الفذ "نيوتن"

من جد يعطيك العافية خيوو
وتفداااك ألف خمسه *_^

سلام