نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة

كاريزمـا · #9 26/09/2008, 12:48 PM

888
فتاة هلالية .. هدي هدي الدنيا ماتسوى

ــــــــــــــــــــــــــــــــــــــــــــ

ولكم باك =} الهلي 11 >> طراه سيارة الهايلكس

ماشاء الله ماأسرع ماحطيت لنا موضوع ..

.. عاد اليوم كاتب ربي يكون ردي

ياكافي ولا أحد علمني أن الموضوع أخذ منحنى ثاني .. وفيه بوكسات وشوية شتشته

<< الله يعوضتس ياخالة

الجد لحستوا مخي بالردود .. مره أضحك ومره ابكي

وأكتشفت أني الفتاة الأمية بعالم الكوره المحلية والعالمية

أنا أفجرها مدوية وأعلنها صريحة ( وش عندها مجلة سيدتي

) أنااحدى الفتيات

اللي تتابع الكورة عشان الشكل لا اللعب >> حالفة ألا أخالف الردود كلها ا

شفت

العالم تقول لا قلت يابنت قولي ايه

وطبقي مقولة ( خالف تعرف بحذافيرها )

<< عاد لا أحد يصدق تجون الحين تنشبون بحلقي .. أنا يمين والمباريات يسار

نيجي للموهم ..

بجلس أهايط عليكم وأسوي نفسي فيلسوفة الكوره

صدقت الحكي أخي الهلي فيه البنات فئتين .. فئه شكلية ( وهذه تتابع المباريات للأشكال من شعر وأنف وعيون وووو ويكثر الحديث لا يتسع المجال لذكرها هنا

وفهد الهريفي ماسوى بالبنات خيرمن التسعينات الى وقت كتابة هذا الرد .

..

وفئة أخرلعبية ( وهذي اللي ماشاء الله تطق ماجد عبد الله وسعيد العويران بالتحليل

<< يارب يطلعون يحللون الحين المباريات ولا أتفشل

يعني هالفئة تتابع كوره وقول وحماس وصراخ وشوي الا يطق عرقها ..ومعيارتها بين أهلها الجذع

بعدين بخالفك أنا ماعليك من الأشكال الزينه أنا من يوم عرفت نفسي هلالية ... وأقتنع أذا يوسف الثنيان مسك الكوره خلاص الهلال بيفوز

ولا وازيدك من الشعر بيت

( الذوق عندي ماسوى بي خير )

كنت من معجبات محمد الدعيع وأحمد الدوخي ومحمد نور وصرت اضحوكة

الشعب

بس أهم شي الثقه واني زدت من اسهم سوقهم

وظل الدوخي شوي

حتى بعد ماراح الأتحاد

وفيه ريحة خبر ممكن نلف للشباب عشان عطيف

( يعني أبتبع الشكل لو يدور على كل الفرق مايهم مصممة

على تطبيق خالف تعرف ..والا تطلع من موضوعك بمناوشات تفضي إلى الشتشته

مير موضوعك ذكرني بالذي مضى والأيام الخوالي

خصوصاً في اول ثانوي مراهقات يتهاوشن بحصة الأدب عند الهلال والنصر خخخخ
وخذ يامطاقق وزعل وياسلام حنا نتفرج ونضحك

عاد قلت لمعلمة الأدب كملي الله يحيتس خلي الصف الأول خاص لحصة الأدب وحنا

معتس

وخلي الصفين الأخيرات ستديو تحليلي

بس ممكن نقط عليهم مناديل

تعرفين الصياح واجب عند الفتاة

... وكلها كوم واشكال البنات بعد المباريات شي ثاني تجي الوحده للمدرسه كنها محل كلف وشرايط

كلش ازرق وابيض والا اصفر وازرق

أنا ماأقدر أشارككم الحديث والعذر في التقصير << كل هذا وما تقدرين

وذلك بسبب ..

- اني بنت مالي بالرياضة والمبايات والشين والزين ..وجاني صديقات مثلي حدهم مسلسل عيون عليا وباب الحاره

واذا تحمسنا شفنا المنتخب واذا تابعناه يخسر ولا وبــ 8/صفر

بس عجبني من منتداكم هذاك المدرب مورينهو الظاهر مدري وش اسمه .. هذا اللي طلعت فيه من منتداكم الشتشته وهالمدرب

- أني وحده تأخرت وراي نوم

- شطحاتي واجده وأخرج عن صلب الموضوع .وهذي هي سياستي بالردود
الشطح

+ الأطالة

اذا كتب الله وصار الموضوع على قيد الحياة يمكن يكون لنا باك

شكراً هلي 11 على الطرح والتفاعل .. واصل مجلسنا ( عمار يالمجلساوي عمار

نسيت أضحك على الورده خخخخخخخخ خلكم بس بعالميتكم أجل الورده ماتعرفونها

>>

بأمان الله .. ورده