نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة

leo messi · #5 26/09/2008, 03:51 AM

ياهلا والله ابو طـــلال

قبل كل شيء كل عام وانت والجميع بألف خير ..!! ومن العايدين قبل الزحمه ..!!
( ماتلاحظون انّا عيّدنا بدري هالسنه من قبل يومين وانا كل مااقابل واحد يقول نفس هالكلام )

يارجال خلها على الله.. اتوقع والله العالم ان هذا بسبب التبذير ..!! والله يابو طلال كنا
معزومين انا والوالد قبل كم يوم ع الفطور عند واحد مطخطخ بمعنى الكلمه

من قوة الطخطخه قصره جنب قصر الملك اللي بالربوه

المهم كنا معزومين ع الفطور
جينا انا والوالد ولقينا يمكن عنده حوالي من 13 الى 15 رجال تقريبا .. المهم
كان الفطور بوفيه مفتتوح من احد المطاعم المشهوره .. يمكن بيكفي 100 او اكثر
والله انا تعشينا كل ابونا .. وبقي اكثر من 70 بالميه من الاكل محدن ذاقه ..!!
الرجال كريم وكثر الله خيره وبيض الله وجهه لكن مهوب معقول يخوي كل هالاكل
واخرتها ينّكب ..!!( عاد بغيت اصور الفطور وانزله هنا اكبتن به على بالي فطورنا

)

بصراحه كل ماشفت هالغلا اللي صاير وشفت هالاسراف تذكرت الايه ..!!
( إِنَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنْفُسِهِمْ )

اما حسن ال مهدي .. من قال انه بيطفر ؟ سبحان الله ايام الانتخابات البلديه
ذيك الايام ( حتى على علب المويا صوره ) من قوة البطره والكاااااش ..!!
واخرتها .. ماترشح .. عاد استغلوه الشعّار ونتفوه تنتيف

ايام الانتخابات

وقالو هالابيات على انه هو اللي قايلها ..

اترزز والعرب ما عبروني ...... راحت فلوسي ومجهودي خسارة

ليتهم يوم النتايج عينوني ........ لو أسوي الشــاي في وسط الوزارة

واثرهم يا للأسف ما رشحوني ......لا عضو مجلس ولا حارس عمارة

الله يعينّا والله يصلح الحال ان شاء الله وترجع الاسعار مثل السابق واقل ان شاءالله

الله يعطيك العافيه يابو طلال