09/08/2003, 04:22 AM
|
| زعيــم مميــز | | تاريخ التسجيل: 02/12/2001 المكان: نادى الهلال
مشاركات: 2,420
| |
حوار بين نصراوي وهلالي!!
نصراوي : هلال وراك تشجع الهلال اللحين ما لقيت احسن من هالفريق تشجعه؟
هلالي : والله تبي الصدق ياجوهر لو لقيت احسن من هالزعيم كان شجعته بس الزعيم مامثله مثيل.
نصراوي : على هونك ياهلال وش هالكلام هذا وين راح نادي النصر اجل ؟
هلالي : ههههههههه نادي إيش قلتلي .
نصراوي : أقول عن الطناز نادي النصر قاهركم ما تعرفه ؟
هلالي : إيه قصدك هذاك اللي بينه وبينه بالبطولات كثر بطولاته وأكثر بعد .
نصراوي : يارجال النادي موب البطولات بس اللي تميزه.
هلالي : هذا بلا ابوك ياجوهر المشكله مابكم ولا ميزه .
نصراوي : قلنا عن الطناز تراك جالس تتكلم عن فارس نجد.
هلالي : اها قلتلي فارس نجد ، وش اللي يميز فارس نجد ؟
نصراوي : ياخي يكفي ان عندنا اقدم رئيس نادي ، وجمهورنا بكل مكان .
هلالي : شف بالنسبة للرئيسكم الله يعينكم عليه هذه والله مصيبتكم وبلواكم اصبروا واحتسبوا، اما عن الجمهور مدرجات الملعب هي اللي تحكم تابع واحكم بنفسك .
نصراوي : نسيت البطولات اللي حققها النادي بزمان رئاسته للنادي؟
هلالي : ياجوهر قلتلك عندنا دبلها وأكثر من غير ما يكون عندنا اقدم رئيس حنا كلنا فدا الهلال والهلال ملك للجميع موب لشخص واحد .
نصراوي : على فكره انا شايفك مغرور ببطولاتكم أزعجتنا فيها ؟
هلالي : وانت ياجوهر وش اللي منرفزك لي حق انت افتخر بهالبطولات وبهالزعيم اللي يرفع الراس.
نصراوي : اقول هلال الظاهر انك متعصب مره لبطولات الهلال وش رايك نغير الموضوع ؟
هلالي : هههههههه هذا انتم يالنصراويه ما تعترفون بالحقيقه وهي زعامة الهلال، عطنا وش موضوعك ؟
نصراوي : وش رايك بمستوى بطولة الصداقة ؟ انا اشوفه انها فادة الفرق السعودية كثير علشان يستعدون للدوري زين؟
هلالي : الله يرجك ياجوهر ضحكتني مير ماكان ودي أضحك ، وش قلت فادة الفرق السعودية !! إلا وانا اخوك شوهت سمعت الكرة السعودية اللحين انتم كنتم ما تشاركون بهالبطولة وكنتم مريحين ومستريحين يعني لازم تجيبون الكلام لأنفسكم ؟ خمس من اول مباراة!!
نصراوي : طيب ياخي عادي نستفيد من الخسارة بإستعدادنا للدوري .
هلالي : ههههههه تعرف وش اللي يخلينا اضحك ؟ ان رئيسكم كان يقول ( ترا إذا فزنا بالبطولة موب تقولون لاعبين بالفريق الأساسي) هههههه اللحين انتم خففوا الأهداف بمرماكم وما حنا قايلين شي .
نصراوي :اقول الظاهر انت ما ينفع الكلام معك بااااااي.
هلالي : بحفظ الله ورعايته والله مصيبه ياأخوان بالله وش رايكم غلطان بكلامي ؟؟؟ |
