والله يا أخوي اللي متعوده تنزل السوق بها الشكل مو فارقه معها
شهر رمضان ولا غيره ..
ومن جد شي يقهر وقلة حياء بعد , بصراحه أنا انقهر لا شفت وحده كذا
كيف لو كنت متزوجه وزوجي معي
أنا اتوقع أنهن مكتومات لا يطلعن ولا يدخلن ومصكوك عليهن صك بعد فيفرغن اللي بهن بها الطريقة
وقولة الغيره وما الغيره على المحارم الله يرحم الحال بس ,
هاللحين لا جيت تناقش أحد بشي قالك عادي, بأي عصر أنت عايش؟؟
هالوقت وقت فري بنظرهم واللي يخالفهم مو مودرن و ستايل قديم..
من جد ياروقهن فاضيات ما وراهن هم إلا التبرج بها الأسواق , بنطلون وعبايه مخصره وعطر يشمه اللي بآخر السوق ..
ما أقول إلا الله يجزاه الجنه اللي مطلع العبايه المسكره
حتى الوحده تروح ببجامته تضمن ما يطلع منها شي بدال ما كنا نلبس تنورة سوداء <<<< ياحلالي بس تصدق قليل ما أشوف هالشي عندنا بالرس عكس المناطق الثانيه يمكن لأن الأطباع تختلف وبرضو الهيئه تختلف من منطقة لأخرى ..
يعني بكل صراحه في ناس تلقاهم شديدين وبقووه , بحيث أن الوحده لو تبي هالشي ما تقدر , وفيه هيئه ما احسها فارضه نفسها , لأن هالشيء له دور كبير برأيي ..
أقول الله لا يخلينا من رشيد ومن هكا الجيب اللي يمتر السوق والله يستر علينا وعلى بنات المسلمين ..
كل الشكر لك أخي ..
