 | إقتباس |  | | |  |
الرسالة الأصلية كتبت بواسطة بريماكس |  | | | |
هلا وغلا بريماكس
تسلم يابعدي يالعزوه
وكلامك على الراس من فوق
وتر هذا رأي الوالد قاله لي قبل فتره
شف ياغالي وبكون صريح معك لأبعد الحدود
بالنسبه للسفر للخارج وهالخرابيط اعاذنا الله وياكم وكل مسلم
مااقدر اقول الا انا معي عقل وانت معك عقل وكلن بعقله راضي
انا يتجاذبني تياران
الاول هو الرغبه في الزواج بكل  ملذاته
والاخر الرهبه والدليل الواقع المعاش بالاضافه الى القلة القليله من الزوجات الأكفاء للاسف ونسبة الطلاق الكبيره
والكبيره جدا
شف تر والله احيانا اقول ماابي اتزوج ولاحتى ابي افكر بالزواج لانه سابق لأوانه
واحيان اقول ليه ماتتزوج وتنبسط وتعيش حياتك
بس اللي افكر فيه صراحه وانا اخوك انا ودي اكمل دراسي وطموحي مو الزواج لا ياغالي
طموحي ودي اكمل دراسي ودي افتح مشاريع ودي اكون عضو فاعل بالمجتمع يعني ودي اسوي واسوي واسوي
لانو وانا اخوك وحتى بعد الناس هاليومين
وخصوصا لما تجي تخطب من ناس اول مايشوفو مستواك المعيشي
وانا ولله الحمد والمنه احس انه حرام اضيع وقتي بزوجه وبزارين
طيب خلني اقول تزوجت بعد العيد معي ياغالي
وبعد سنه سنتين جو البزارين وبعد كم سنه اشتر لبزارينك جوالات وبعدها سيارات وبعدها ثياب وبعدها بلاوي
يارجال خلني اضبط وضعي واكمل دراستي وازبط لي كم مشروع
وبعدها اعيش حياتي صح وانا اخوك
وحتى اريحك واريح راسي
انا ابن السابعه والعشرين ربيعا وبصير بعد العيد معلم بإذن الله وعلى فكره انا البكر
وفاهم الحياة وحتى وبيتوتي يعني استراحه ( x )
يعني بالعربي تفكير واحد كبير
اذكر مره قال لي ولد خالتي " الله يذكره بالخير " انت يابو خليفه عقلك اكبر منك والعيال يقولون انك شايب
صج اني ودي بزوجه تحافظ علي وعلي بيتي وتربي عيالي
بس صدقني ماهذا تفكيري خصوصا في الوقت الحالي
الله يعطيك العافيه لأهتمامك
ولايهون البقيه
بس اللي وده يتزوج وبرأيي
1/ انه يكون قادر ماديا
2/ انه يكون عاقل فاهم ومقدر الحياة الزوجيه
ولايرده الا اللي يملك 
لنا لقاء
اخر تعديل كان بواسطة » ابو خليفه في يوم » 23/09/2008 عند الساعة » 07:01 AM | 