قلت لك يالطيب شقحاتك طواااااااااال.
الله اللي عطاك بعطينا

إقتباس عادي و انا اخوك , و يازين الزلفي و يازين اهلها انا اشهد ان امهاتهم جابت رجااااال

كفو وسبعين نعم ويستاهلون هذي واكثر .

إقتباس و الله الطيب حضرة جنابك

من طيب ذاتك الله يكتبها في موازين حسناتك .

الأخ هلالي فرم كندا يقول في ردود سابقة بخصوص قضية الدعم .
وسأختار الدعم بشكل عام ومن ثم دعم الاشبال والناشئين .


يعني تعتقد ان اعضاء الشرف يقولون خذوا الدراهم تراها زاهبه بس انتم عطونا موهوبين
يا حبيبي يا عبود ,
اذا عبد الله بن مساعد ( بكبره ) قاعد يطارد وراء اعضاء الشرف عشان يدفعون باقي التزاماتهم للنادي , و الى الحين و هو يطارد ;)و النتيجة راجعنا بكره
تجي انت الحين تقولي , ان اعضاء الشرف كانوا جاهزين للدفعو كل يوم يدقون على المصيبيح جوال يسألونه ((هاه متى نرسل الشيك ))
قوية من جد يا عبود
اذا الرئيس (( عجز )) يجيب الدراهم من اعضاء الشرف , تبي المصيبيح يجيبها ؟؟؟
طيب وش يبي يقول بعدين على ردودي خلوكم معي .
و انا بدوري ودي اسالك ,
وين اعضاء الشرف عن ضائقة الهلال الماليه في الوقت الحالي ؟؟؟
و التي سبق ان تذمر منها سمو رئيس النادي ؟؟؟
الواقع الحالي , و ما ذكرته انت من توفر الدعم و ان اعضاء الشرف ((يتمنون)) واحد يكلمهم على موهبة , ارى فيه تناقض و تباين كبيرين
طبعا يتحدث عنالوضع الحالي مدمجا اياه بأيام المصيبيح .
و بالنسبة لبندر بن محمد , ترى يدفع من جيبه الخاص , و لو انتظر او اعتمد على اعضاء الشرف كان ما لقيت الصويلح و العنبر و الغامدي يدهرون امس
اعتراف ان بندر يدفع من جيبه الخاص ولكن هذا الكلام سيتناقض مع حقائق موجوده بعض الردود لأحد الزملاء.وسآتي بها لتعرفوا أن القوم لايهم لديهم الهلال أهم شيء فهد المصيبيح والزعيم في جحيم هكذا فهمت .
على كذا , المفروض يجيبون رونالدو
تهكم بأعضاء شرف الهلال .
عزيزي كلنا يعلم ان الأميرين ابتعدا عن المدرسة في فترة من الفترات خلال تولي المصيبيح الإشراف على الدرجات السنيه . و بالتالي الدعم الذي تتكلم عنه ما هو الا من بنات افكارك
متى ؟.
المصيبيح يقول اعتذر سمو الأمير تركي عام 1416هـ عن تمويل قطاع الشباب فقط ولاذكر الأمير فيصل وفي رد اخر شكرهم لما قدماه من دعم .
ياحبك للفهلوة الفهلوة الكبيرة جاية .

اوووووف كل هالدراهم موجوده عند (( احد اعضاء مجلس الإداره ;) ) و بدون فوترة ! ! !
اولآ - اذا كان فيه احد يدفع هالمبلغ و بدون (( فوترة )) , فهذا تصرف غير مسئول , و لا اعتقد ان احد يسويها
ثالثآ - اتمنى ما تكون سالفة ال 840 الف ريال , زي سالفة ال 45 الف ريال شهريآ
سالفة الفلوس 8 ماية الاف ونيف من الالااف سالفتها عند الاستاذ ياقاهرهم تراني جايبها مزحه واثاريها صدز لكن شف وش يقول .

إقتباس اقول لك قصتها .. مواسم 1417 - 1418 1419 - 1420 .. كان فريق شباب النادي لا يتم تموينه من اي عضو شرف أو من ادارة النادي بعد اعتذار الامير تركي بن سلطان .. خلال تلك المواسم .. كان المصيبيح يقترض مبالغ لتسيير امور درجة الشباب .. وهي قروض وسلف يحصل عليها من بعض القريبين من النادي . واسماهم معروفة وهم عشاق للهلال وثقوا في المصيبيح فاقرضوه .. اجمالي المبلغ يفوق الـ 800 الف بقليل .. تم ترحيله من ادارة الى ادارة !! ولم يسدد بعد .. عندما دقق المحاسبون القانونيون وقت تسليم الادارة الى عبدالله بن مساعد .. وقعت ايديهم على خطاب يثبت ان المصيبيح له مبلغ هو عباراة عن مصروفات على درجة الشباب .. سدد لاصحابها الى الان ما يقارب 150 الف فقط .. من المبلغ الاجمالي ..

طيب كني شايف فيه تناقض مره المصيبيح يقول فيه دعم ومره انتم تقولون متدين علشان النادي اقول مشوها على جماهير النصر يمكن تزلق لكن علينا كبيره شوي .

جاي التناقض والاختلافات .
المصيبيح يا عزيزي , سعى بشكل جدي لتسجيل ( محمد الحربي ) و بمقابل مادي
ياخي ريحني فيه دعم ولا مافيه انا اقول فيه دعم وانت تقول لا وهاليحن تثبت ان فيه دعم .
لنفرض جدلا ان المصيبيح سجل الحربي من اللي دفع ؟. .
حبيبي عبود , خل معي على الخط الله لا يسفهك , خلك حولي لا تروح بعيد , ترى الي يروح بعيد يضيع و انا اخوك;)
مشكور على الاطراء , لكن اعرف والله الموقف اللي انت فيه وانت موب اول واحد , لكن لي رجاء انك تجاوب على اسالتي المحدده فيه دعم ولا مافيه ؟.
انا لم انتقد دور اعضاء الشرف بصفة عامه , و لكني اراك تحول مجرى الحديث الى منحى اخر بعيد كليآ عن لب الموضوع و جوهره .

لالالالالالالالا مش معقوووووول.
وهالكلام من قاله انا ولا انت .

إقتباس اذا الرئيس (( عجز )) يجيب الدراهم من اعضاء الشرف , تبي المصيبيح يجيبها ؟؟؟ لو انتظر او اعتمد على اعضاء الشرف كان ما لقيت الصويلح

لب الموضوع فيه دعم ولا مافيه ؟. خلصنا لاتلف وتدور .
واعتراضك على ردي للعوام كان على دعم اعضاء الشرف ولا انا الفف وادووووور ياحبي لك .
من خلال الإقتباسين السابقين نلاحظ ان :
اولآ - المعلومة التي ذكرتها انت في ردك تبين ان اعضاء الشرف دائمآ و ابدآ على اهبة الإستعداد للدفع و لا شئ غيره لدفع مسيرة النادي . معلومة قد تقبل الصواب و قد تقبل الخطأ .
بدأ هلالي فروم كندا يستوي والحمد لله يعني كان مقتنع في بداية الأمر ان اعضاء الشرف ماسوو شي وهالحين صار بين بين( وسط )معلومة دعم اعضاء الشرف للنادي اصبحت تقبل الصح والخطأ. يعني اصبح لايحكم بقطعية عدم دعم اعضاء الشرف لا عنده شك فيه وتحول كبير .

اعضاء الشرف (( نفسهم )) لم يلتزموا بوعودهم مع الرئيس , و الذي هو احق بالإستجابه و التلبيه من المصيبيح , نظرآ لمكانتة الإداريه و الإجتماعيه .
أفا
لكن لازلت اقول تكفى خلصني وقول لاتجي وتقول بندر يدفع من جيبه وتقول خالد بن محمد سجل لاعب من جيبه في وقت المصيبيح اللي انت تنفي عنه الدعم المادي في القادم من كلامك .ابيك تقول مافيه دعم مرة او تقفل كلامك ولاعاد ترد .

انا هنا لا اقلل من دور اعضاء الشرف في مسيرة النادي منذ تاسيسه , و لكن احاول ان انفي تهمة جديدة على المصيبيح من خلال ( الواقع ) و ( العقل ) . يعني ماش ما تنبلع
كيف ماتقلل والكلام اللي قبل شوي من قاله ؟؟؟؟؟؟
لا تفهم كلامي غلط و تطلع من الموضوع الأساسي و تحول النقاش من المصيبيح الى لأعضاء الشرف .
حبيبي وربي فاهم كلامك صح موب انت في بداية اعتراضك تقول يعني تعتقد ان اعضاء الشرف يقولون خذوا الدراهم تراها زاهبه
يعني تعترض على احد ردودي على العوام يوم قلت له فيه دعم وانا ركزت كثيرا في ردودي معك على الدعم عاد انت ماتفهم وش تقول ميب مشكلتي مشكلتك انت .
يقول في اخر رد.

إقتباس طيب ابحاول اوصل لك وجهة نظري برد اخر , و من خلال لقاء المصيبيح مع شبكة الزعيم يقول المصيبيح : إقتباس هل من المعقول من مسؤول يعمل في جهاز ويحرص على استقطاب لاعبين أن يقف ضدهم ! الحقيقة أن الموضوع موضوع مادي بحت فوضعنا المالي في ذلك الوقت محدد لمصاريف الفريق من مرتبات ومكافأت مباريات وتمارين للاعبين وهناك أعضاء شرف ساهموا بتسجيل كثير من اللاعبين أما موضوع بندر تميم فقد كان لأحد أعضاء شرف محاولة لتسجيله لم توفق. اتمنى انك تقرأ الإقتباس السابق بتركيز , و لا مانع من بيالة شاهي على الماشي

ابشر اخذت لي ونخوك صحن برحي يحبه قلبك احلى من طعم السكر وماينقصه الا بنية على سنة الله ورسوله تحلي لك الجلسة ثمن قدعت واللي مني بالعافيه وشربت مهيلة خولانية مجنية من جبل خولان برية وعليها زعفران ريحته تنعشك ورايبه تميل للصفار شوي .
طيب انت تقول في رد اقتبسته من قصاصة ياقاهرهم يقول ان الامير خالد بن محمد يقول انا سجلت لاعبين بمقابل مادي في وجود المصيبيح
يعني سجله بفلوس بمقابل مادي اذن ان سبب تدهور الاشبال في ظل ادارة فهد بسبب الماده انتم اثبتم عكس ماتنادون به واصبحت مستهلكه والدليل مايقوله اعضاء الشرف والمصيبيح في بعض الاحيان حتى في مقابلته الاخيره وسبق اني وضحتها عندما اقر بدعم صاحبي السمو الملكي الأمير تركي وفيصل .
اللي ابيك تفهمه عضو الشرف عنده استعداد يدفع لنادية وانت جبت لي الدليل لكن فهد مايكلم احد لا اعضاء الشرف ولاغيرهم بخصوص المواهب اللي تجي للنادي او غيره وحنا ونخوك بعصر المادة .
فهد شيخ يشوف انه هو الصح والباقين غلط ولهذا فهد مااحسن التدبير .

إقتباس المصيبيح يبرر تراجع انتاج المواهب للأمور الماديه , مع انه لم ينكر وجود دعم من قبل بعض الأعضاء . لكن يا عزيزي كما تعرف هناك فرق كبير بين دعم يقتصر على توفير رواتب المدربين و مستلزمات الفريق من ملابس و اجهزة و تذاكر سفر و تنقل و سكن و غيره من الحاجات و التي تعتبر من الضروريات لأي فريق كروي , و بين دعم (( اضافي )) لمحاولة تدعيم الفريق بمواهب و استقطابها للفريق . هذا الدعم الإضافي هو ما حاولت ان افهمك انه انقطع و تلاشى في عهد المصيبيح و بالتالي لا يلام المصيبيح بقصور القاعده لأنها امور فوق طاقته و خارجه عن سيطرته

.
ياسلام . تحول مذهل من الاستهتار بمعلومة ان اعضاء الشرف يدعمون الى أن المصيبيح يبرر .
ومن انكار تراجع انتاج المواهب الى الاقرار بها .
والاقرار من قبل المصيبيح بوجود دعم مع ان الغالي هلالي فروم كندا في ردود سابقه كان يتهكم بأنني قلت يوجد دعم .
الذي اعرفه ان الادارة المحترمه مثل ادارة عبدالله بن مساعد تضع حساب لكل الامور وهذا مانقوله ونطالب به ادارة الاستاذ فهد عشوائية .
ادارة فهد لم تاخذ حسبان بالكثير من الأمور ومنها تسجيل المواهب .
اما انك حاولت افهامي بان الدعم الاضافي هو انه انقطع او تلاشى فهذا غير صحيح .
فردودك سردتها كامله وهي موجوده اعلاه اقرأها جيدا وستصل بحول الى نتيجه مرضية .
ولو اخذنا بان الدعم الاضافي انقطع كما تقول كيف اذن سجل خالد بن محمد موهبة بدعم مادي ؟.
اخي مانقوله ان الدعم كان متوفرا وسيظل بحول الله متوفرا باعضاء الشرف ومن جماهير الهلال وانا متيقن انك هلالي وتعرف مدى حب الهلال في قلوب جماهيره .
ولكن مانقوله ان ادارة فهد .
1- عشوائيه لانها لم تتخذ اسلوب الادارة الحديثه لها منهجا .
2- تراجع في المواهب لشح الماده لان الادارة اصلا لم تخطط لتسجيل المواهب .
3- انكفاء الادارة على نفسها وبقائها في برجها العاجي مبتعدة عن البيت الهلالي (أعضاء شرف+جماهير)
وهذا ماجعلنا نؤكد ان ادارة فهد المصيبيح للاشبال والناشئين فاشلة .
عبارة وردت في ردك وهي بالتاكيد تأكيد على ماننادي به

إقتباس لا يلام المصيبيح بقصور القاعده لأنها امور فوق طاقته و خارجه عن سيطرته

هذه العبارة تكفيني .
لماذا ؟.
لوجود مايلي :
1- اعتراف الاخ هلالي فروم كندا بوجود قصور في القاعده .
2- عدم قدرة المصيبيح على ادارة الاشبال والناشئين لانها فوق طاقته وخارجه عن سيطرته .
وانا اقول ذلك وأؤكده .
1- وجود خلل في بناء الجيل الهلالي خلال فترة ادارة المصيبيح .
2- أن المصيبيح غير مؤهل اداريا لافي ادارة الاشبال ولاغيره ويفتقد للكثير من الأمور .
3- عشوائية فهد والدليل انه لم يأخذ في الحسبان تسجيل المواهب ولم يخطط له .
وانا الومه فقط على اعطائه الوقت الكافي للتعلم ولكنه لم يغير من نهجه ولهذا ثبت بالدليل القاطع وباعتراف هلالي فروم كندا فشل المصيبيح اداريا .

وش جاب دعم اعضاء الشرف للفريق الأول ؟؟؟
عسى ماتكلفت
اقول ياحبك للدوران لكن ودي اذكرك لو اني كررت الرد موب ذا ردك .

يا حبيبي يا عبود ,
اذا عبد الله بن مساعد ( بكبره ) قاعد يطارد وراء اعضاء الشرف عشان يدفعون باقي التزاماتهم للنادي , و الى الحين و هو يطارد ;)و النتيجة راجعنا بكره
تجي انت الحين تقولي , ان اعضاء الشرف كانوا جاهزين للدفعو كل يوم يدقون على المصيبيح جوال يسألونه ((هاه متى نرسل الشيك ))
قوية من جد يا عبود
اذا الرئيس (( عجز )) يجيب الدراهم من اعضاء الشرف , تبي المصيبيح يجيبها ؟؟؟
على ردي على العوام
وكان الاستاذ فهد تغدق عليه الاموال من كل حدب وصوب وكان اعضاء الشرف يتمنون انه يكلمهم بخصوص تسجيل موهبه ولكن الاستاذ فهد له راي اخر ولايخرج من مكتبه وهذا نتيجة عمله

اتمنى انك تراجع ردودي وردودي علشان تتذكر جيدا .

و بالنسبة لقولك ان الفلوس موجوده عند فهد , اسمح لي اني اقولك (( معصي ))
اقول ارجع لردودك تراك انت اللي قلت خالد بن محمد سجل لاعب وبدعم مادي كيف هالحين تقول معصي ترى العناد موب زين ;) وحتى من شوين تقول ان فيه دعم بس مافيه دعم اضافي .
تبي الصراحه ودي تقول مافيه دعم اطلاقا لانك لازلت الى الان وانت رمادي :p بس من صالحك حدد في ه دعم ولا مافيه ؟. اخر كلام

إقتباس لو انك قارنت بين القحطاني و المصيبيح كان ممكن نمشيها

شفت كيف المحيفره
أنت اللي قلتها ان الرجال موب قد العلوم اللي حاط نفيسته فيها . وصدقني ان موقعه عندي مثل موقع القحطاني والمسعري ولا بندر بن محمد حلفت لك يالطيب اني عارف ان هناك فرق بينه وبين فهد لعدة اسباب منهاواهمها ان بندر يدفع من جيبه ويسجل مواهب وفهد يمص الهلال ويطير مواهب .

إقتباس اذا كان اللاعبين المذكورين انفسهم ذكروا المصيبيح بالخير و اشادوا به و انهم تعلموا كيفية ان يكونوا لا عبين محترفين على ايديه و تحت اشرافه , اذا انت انكرت الشئ هذا , فلا اللاعبين و لا نحن ننكر و (( نجحد )) ما فعله المصيبيح لهم و لنا .

وحنا ذكرناه بالخير ونشيد فيه كلاعب لكن اداري لازلت اقول واكرر انه فاشل .
والله ماانكرت وجحدت اللي سواه المصيبيح هذاني اردده كل ساعه وكل وقت .

إقتباس ذكرت لك سابقآ ان دعم اعضاء الشرف شئ واضح و بين و مؤثر في مسيرة النادي منذ تاسيسه و لا ننكر هذا الشئ ابدآ , لكن ان نتناسى جهد من اشرف عليهم منذ صغرهم الى ان اصبح احدهم افضل لاعب اسيوي فهذا و الله هو الجحود و النكران .

لا سلامتك ولانيب مجاملك
ذكرت سابقا انهم مضيعين النادي ولايدفعون .
لكن مع استمرار الحوار بدات تقتنع بدور اعضاء الشرف
ومايهمني انك اقررت الان بأن دعمهم شيء واضح وبين ومؤثر والحمد لله انك استنكرت استنكارك السابق .
أما من أشرف عليهم جهوده ماهي ؟.
افضل لاعب اسيوي نواف التمياط ؟.
اتمنى ان تبعدنا عن هذه النقطه فليس الفضل كله لفهد المصيبيح احتراما لجهود من وفقوا في تسجيل نواف ومن دعم ادارة النادي في التعاقد معه مؤخرا وكل من ساهم في مسيرة نواف من عائلته الهلالية البحته الى اعضاء الشرف الداعمين وتكفى لاتجير جهود مجموعه لفرد .

إقتباس المصيبيح كان مكلف بهذة المهمه من قبل الإدارة و لأنه عضو في لجنة التعاقدات مع اللاعبين قام بهذة المهمه و بشكل رسمي , و ليس مثل (( ما قالوا لك )) كلم اللاعب من وراه

ردينا على طير ياللي .
اللي حدث وترى لي علاقة بأهل السالفه من طقطق للسلام عليكم .
فهد كلم الحربي والحربي يبي الهلال ز
دريو اداريي النجمه وصرحوا وزعلوا من تصرف فهد .
وزعل رئيس نادي الهلال وذكرهم بما فعله الهلال للنجمه ومن ضمنها التنازل عن ابا نمي .
وكادت الشغله تخرب بسبب تصرف فهد المستغرب منه ولازلت انا مستغربه وفرحان في نفس الوقت لان فهد فعلا وعمليا بدأ ينهج نهج اخر لما هو مقتنع به حيث قد ذكر انه ضد تسجيل الدعيع والشريده وغيره ممن انتقلوا للنادي لانه مقتنع قناعة تامه بان من سيخدم الهلال يجب ان يمر بمدرسة فهد
وعندما علم الامير بندر بن محمد بطريقته الدبلوماسية المعهودة في تسجيل اللاعبين للزعيم سجل الحربي في الهلال .
ماتذكر بشار والهويدي والدعيع واعادة حسن ؟ .
بنفس الطريقه سجل الحربي .
حك رويسك شوي وشف بندر وشلون يخدم الهلال .

إقتباس نحن تكلمنا عن فترة فهد المصيبيح و اشرافه على الناشئين , بغض النظر ان كان هناك خلل في القاعده او لا هذا موضوع ثاني , نحن فندنا اتهاماتكم ضد فهد بأنه السبب في تدهور القاعده و حاولنا ان نوضح لك و لهم انه لا علاقة له بذلك .

تكفى ولو كلفت عليك اطلع فوق في حدود تسعين سطر واقر وش قلت ؟.

إقتباس هذا بلاك ابوك يا عقاب , طبعآ لو اشرح لك وش مجلسه بدون دعم طول هالفتره , صدقني من خلال حواري معك , ما راح تفهم

تكفى اشرح لي وش مجلسه . لأنه ودي أفهم ومنك نستفيد ;)

إقتباس لأن نوعية فهد قل ان توجد في هذا الزمان

أنشهد لكن يقولون فيه مثل يقول ومن الحب ماقتل

إقتباس يا حليلك يا عبود

ياحبي لك من بدهم كلهم وبالذات اللي ردو علي .

للتذكير ..
ورد في رد سمو الأمير عبدالله بن مساعد رئيس نادي الهلال لجريدة عكاظ بخصوص دعم ادارة النادي للأمير بندر بن محمد المشرف على قطاع الاشبال والناشئين مايلي :ـ
وكان السؤال كما يلي :
* الأمير بندر بن محمد مثلاً يقال انه أحرج الادارة في بعض التعاقدات مع اللاعبين لفئة الناشئين وكذلك الشباب كون الادارة لا تملك المال الكافي.. ايضاً هناك تعاقدات وقعت دون علم الادارة بها?!
وكان هذا جواب سموه .
** الأمير بندر بن محمد مستلم قطاعي الشباب والناشئين بشكل كامل ولا يخفى على أحد أهمية هذين القطاعين لمستقبل أي ناد والأمير بندر يتكلف مصاريف طائلة على هذه القاعدة وما حدث ان سموه تعاقد في فترة من الفترات مع لاعبين وطلب من النادي ان يسدد في فترة معينة ولم يكن لدى الهلال القدرة وبعد ان اصبح للنادي المقدرة على ذلك أبلغنا الأمير بندر بذلك ورد علينا سموه بأنه تكفل بها وتكرمّ بتمويل الصفقات بشكل كامل وهو ممن لهم فضل كبير على نادي الهلال بعد الله تعالى.

هذه اجابة رئيس النادي .
فترة معينه لم تكن المادة متوفره .
بعد ذلك توفرت المادة .
بندر بن محمد يكتفي ذاتيا بتوفير الماده .
اذن لاعذر لنا بكثرة ترديد قلة الدعم .
تحياتي للجميع .