مراحب بالشباب الطيبين ;)
واضح ان الأخ عبود محترف مطامر
مادام حنا مجتمعين هالجمعه الطيبه , ورا ما نسوي منتخب و نشارك في وحده من دورات العاب القوى , ترى المسأله كلها مطامر
و اقترح نخلي عبود كابتن الفريق ;) , لأنه بصراحه عليه ( طمبحات ) مهيب صاحيه , لدرجة انهم يقولون ان عبود يطمر بالوثب الثلاثي ( محيفره )

محبنا عبود :

إقتباس ياحبي لك ياهلالي فروم الزلفي (قصدي كندا)

عادي و انا اخوك , و يازين الزلفي و يازين اهلها
انا اشهد ان امهاتهم جابت رجااااال ;)

إقتباس حقيقه أن الأخ هلالي فروم كندا ممتع وطيب في نفس الوقت

و الله الطيب حضرة جنابك --------> واحد يحب المطامر

إقتباس وياليته يعرف يلعب دبل كيكات لكن الله العالم ان شغله كلها تجلية

الا ليت الشباب يعود يومآ

محبنا عبود يقول :

إقتباس وكان الاستاذ فهد تغدق عليه الاموال من كل حدب وصوب وكان اعضاء الشرف يتمنون انه يكلمهم بخصوص تسجيل موهبه ولكن الاستاذ فهد له راي اخر ولايخرج من مكتبه وهذا نتيجة عمله

و رديت عليه بالتالي :

إقتباس اذا عبد الله بن مساعد ( بكبره ) قاعد يطارد وراء اعضاء الشرف عشان يدفعون باقي التزاماتهم للنادي , و الى الحين و هو يطارد و النتيجة راجعنا بكره , اذا الرئيس (( عجز )) يجيب الدراهم من اعضاء الشرف , تبي المصيبيح يجيبها ؟؟؟

طبعآ الأخ عبود ما جاز له ردي ;)
او انه ما فهمه ;)
او انه ما يبي يفهمه
طيب ابحاول اوصل لك وجهة نظري برد اخر , و من خلال لقاء المصيبيح مع شبكة الزعيم
يقول المصيبيح :

إقتباس هل من المعقول من مسؤول يعمل في جهاز ويحرص على استقطاب لاعبين أن يقف ضدهم ! الحقيقة أن الموضوع موضوع مادي بحت فوضعنا المالي في ذلك الوقت محدد لمصاريف الفريق من مرتبات ومكافأت مباريات وتمارين للاعبين وهناك أعضاء شرف ساهموا بتسجيل كثير من اللاعبين أما موضوع بندر تميم فقد كان لأحد أعضاء شرف محاولة لتسجيله لم توفق.

اتمنى انك تقرأ الإقتباس السابق بتركيز , و لا مانع من بيالة شاهي على الماشي ;) يمكن تنشط بعض خلايا مخك و تساعد على الإستيعاب ;)
المصيبيح يبرر تراجع انتاج المواهب للأمور الماديه , مع انه لم ينكر وجود دعم من قبل بعض الأعضاء . لكن يا عزيزي كما تعرف هناك فرق كبير بين دعم يقتصر على توفير رواتب المدربين و مستلزمات الفريق من ملابس و اجهزة و تذاكر سفر و تنقل و سكن و غيره من الحاجات و التي تعتبر من الضروريات لأي فريق كروي , و بين دعم (( اضافي )) لمحاولة تدعيم الفريق بمواهب و استقطابها للفريق . هذا الدعم الإضافي هو ما حاولت ان افهمك انه انقطع و تلاشى في عهد المصيبيح و بالتالي لا يلام المصيبيح بقصور القاعده لأنها امور فوق طاقته و خارجه عن سيطرته .

طبعآ انت (( طمرت )) بعيد في ردك على ما سبق ان ذكرته بقولك :

إقتباس رد أولا:اعضاء الشرف هم كذلك ولازلت مقتنع حتى لو امتنع عضو او عضوين ولله الحمد لم تتوقف اعمال الهلال على عضو واحد وآخرها معسكر الفريق الذي اقيم في هولندا اقيم على حساب احد اعضاء الشرف يعني يالطيب كلامي موب خطأ. رد ثانيا :وردي عليك بالشواهد التالية . 1- توقيع العقود مع الكثير من اللاعبين وكان آخرها مع التمياط . 2- اقامة معسكر في هولندا . وهذا هو واقع النادي الملموس والحالي لم آت لك بما في الماضي الا في موضوع المصيبيح . انت تتحدث عن كلام وانا اقول لك ماحدث فعليا فأيهما نصدق ؟. وسمو رئيس النادي يحثهم ويستحثهم ويشيد بهم ايضا ولم يبخسهم حقهم ولا بعد هذي افتراءات جابها عبود

وش جاب دعم اعضاء الشرف للفريق الأول ؟؟؟
انا اتحدث عن الدعم للدرجات السنيه
و فرق كبير بين دعم الفريق الأول و دعم فئة الناشئين و الشباب , و الذي اعتبره منطقيآ لأن الفريق الأول اولى بالدعم لأنه يشكل واجهة الفريق ككل , و ليس من المعقول ان نحضر كاندينو ليدرب الناشئين و نخلي الفريق الأول يدربه المرداس مثلآ ;)

إقتباس يعني من اللي يلف ويدور يابعد تسبدي

اترك الرد للقراء

إقتباس الا قللت وجحدتهم وأنا احاول ان تفهم من خلال(الواقع) و(العقل )...

الله يخلف على الواقع و العقل يا عبود
اقولك تيس تقول احلبوووووووه

إقتباس اما بخصوص نفيك للتهمه عن فهد المصيبيح فاقول لك لاتوجد تهمه ولايحزنون حنا نقول الفلوس كانت موجوده عند فهد وكان هناك داعمين حسب اعتراف فهد نفسه لكن المشكله في التدبير فهد ماعرف يدبر وبندر عرف يدبر

مادام ما فيه لا تهمة و لا يحزنون , اجل وشو له كل هالمطامر يا عبود
و بالنسبة لقولك ان الفلوس موجوده عند فهد , اسمح لي اني اقولك (( معصي ))
بعد تصريح فهد و هو المعني بالأمر تجي انت يا عبود تقول ان عنده فلوس , ربي ما شفناه بالعقل عرفناه , نكذب المصيبيح الي قاعد في النادي اكثر من بيته و نصدق عبود الي قاعد على الحدود
و بالنسبه للتدبير الي تتكلم عنه و حديثك عن بندر بن محمد , بصراحه شئ مضحك جدآ
مجرد انك تقارن بندر بن محمد بالمصيبيح هذي بحد ذاتها (( محيفره )) صدقيه
لو انك قارنت بين القحطاني و المصيبيح كان ممكن نمشيها
بندر بن محمد ليس بحاجة (( الدعم الإضافي )) و الذي تحدث عنه المصيبيح , اتمنى انك فهمت هالنقطه

إقتباس هذا الفرق .. فهمت ؟.

طيب انت فهمت ! ! !

إقتباس بس ابيك تفهم الفرق علشان ماتعرضون لبندر بن محمد بعدين

بالله يا جماعه واحد يرد عليه و يفهمه
ابو طبيع ما يخلي طبعه , و حنا ما تعرضنا لأحد عشان نتعرض لبندر بن محمد , الخوف من جماعة (( حارب المصيبيح جعله الريح ))

إقتباس نتاج المصيبيح ابعدهم لك يابو كندا [ بغى يزلق قلمي ] المفرج , عادل المطيري , النزهان , الشهراني , تركي القحطاني , اما الدوخي والجمعان جابهم خالد بن الوليد والتمياط اعتقد نواف كرر اكثر من مرة كيف سجل في الهلال والشلهوب الفضل معروف لمن في تسجيله لكن نقول ان ابو محمد ماقصر اللي ماطرده

انت تضحك على مين يا عبود ! ! !
تراك تضحك على نفسك يالغالي بهالكلام , و اضح جدآ انك ما تبغى تفهم وتبحث عن الحقيقة . اذا كان اللاعبين المذكورين انفسهم ذكروا المصيبيح بالخير و اشادوا به و انهم تعلموا كيفية ان يكونوا لا عبين محترفين على ايديه و تحت اشرافه , اذا انت انكرت الشئ هذا , فلا اللاعبين و لا نحن ننكر و (( نجحد )) ما فعله المصيبيح لهم و لنا .
ذكرت لك سابقآ ان دعم اعضاء الشرف شئ واضح و بين و مؤثر في مسيرة النادي منذ تاسيسه و لا ننكر هذا الشئ ابدآ , لكن ان نتناسى جهد من اشرف عليهم منذ صغرهم الى ان اصبح احدهم افضل لاعب اسيوي فهذا و الله هو الجحود و النكران .

إقتباس ترى سالفة الحربي قريبه جدا ونعرف احداثها يوم عيت النجمه تتنازل عنه بسبب ان المصيبيح كلم اللاعب من وراهم وجاء بندر بن محمد وجابه

على قولة مبدعنا صالح السايمان " الشور شورك يا يبه "
المصيبيح كان مكلف بهذة المهمه من قبل الإدارة و لأنه عضو في لجنة التعاقدات مع اللاعبين قام بهذة المهمه و بشكل رسمي , و ليس مثل (( ما قالوا لك )) كلم اللاعب من وراه

إقتباس اشوف الشغله تجيير جهود على ودنو بس ممكن سؤال عسى دراستك في كندا ميب بنكيه ياهلالي فروم كندا

لا ميب بنكيه
اجل على ودنو

إقتباس إقتباس سبع سنين و نص في العرف الرياضي تعني سبع مواسم كروية و نصف , هناك فرق بين الموسم الكروي و السنة العاديه فهد ترك الناشئين منذو موسم واحد فقط . يعني منذو 1413هـ ولك العدد الى 1423هـ عشر سنين بالتمام وعشر سنين بموسم رياضي ولا بغيره اسمها عشر سنين خل عنك الفهلوة ياشاطر

يا شين العباطه
و الي ما يبي يفهم

إقتباس وبصراحه اشكر لك اعترافك بوجود خلل في القاعده والتي سموه يقوم ببنائها حاليا علما ان البعض لازال يرفض وجود خلل بالقاعده

يا خوي ان تفهم الكلام على كيفك
نحن تكلمنا عن فترة فهد المصيبيح و اشرافه على الناشئين , بغض النظر ان كان هناك خلل في القاعده او لا هذا موضوع ثاني , نحن فندنا اتهاماتكم ضد فهد بأنه السبب في تدهور القاعده و حاولنا ان نوضح لك و لهم انه لا علاقة له بذلك .
اما مسألة ان القاعدة بها خلل او لا , فرد المصيبيح شافي و وافي :

إقتباس تركي الصويلح نواف التمياط حسن العتيبي عبدالله الجمعان احمد الدوخي فهد المفرج محمد النزهان عمر الغامدي منصور الشهراني بندر المطيري محمد الشلهوب بندر الماس فيصل الصالح بدر الخراشي ذياب مجرشي بالإضافة إلى مازن التركي صالح الحوطي وغيرهم وأكد بأن الأمير فيصل بن سلطان وضع قاعدة لثلاث سنوات قادمة فهناك بدر الدخيل بدر النجار سلطان السعود عبدالله معيوف وأسماء كثيرة وكثيرة جداً سيشاهدها الجمهور الهلالي

اضافة الى فريق الصداقة الصغير

إقتباس بعدين اخوي سؤال خطافي جاء على عجل . يوم فهد متوقف عنه الدعم من عام 1413 هـ وش مجلسه في الاشبال والناشئين ؟

هذا بلاك ابوك يا عقاب , طبعآ لو اشرح لك وش مجلسه بدون دعم طول هالفتره , صدقني من خلال حواري معك , ما راح تفهم
لأن نوعية فهد قل ان توجد في هذا الزمان , و الإخلاص و التفاني و التضحيه , كلمات اتصور لن تفهمها بسهولة ;)

إقتباس ماذا يعني توقف الدعم بالنسبه لادارة فهد ؟. انا احددها بجوابين لاثالث لهما . اما عدم رضى عن سياستي ويرغبون مني تعديلها وهذا مانقوله . او يريدونني ان افهمها وارحل

يا حليلك يا عبود
يعني بتفهمني ان اصحاب السمو عاجزين عن (( قشعة )) المصيبيح
الا وش اخبار المطامر معك


تحياتي ,,,,