بعد اذنك اخوي العوام.. ابطمر لابو هيا..( ما دام المطامر مسموح)

أسف على المقاطعة .

شدني حوارك الهادئ مع المبدع استهلال الهلال وحبيت اذكركم بخبر ومقال يمس نقاشكم الدائر .

1- خبر للاستاذ طارق العبودي بعد خسارة الهلال لبطولة السوبر الاسيوية صاغه بطريقة درامية وذكر فيه بالنص أن اللاعبين في غرفة الملابس بعد المبارة كانو في نوبة بكاء ما عدا المصيبيح الذي كان مبتسما .
وعلق العبودي على الابتسامة بالحرف ( وكأن الهزيمة لا تعنيه ) يقصد المصيبيح.
سؤالي لك ولاستهلال : وش تسمون خبر العبودي وصياغته بالله ؟
لو افترضنا انه صادق فهل هذا يعني براءة المصيبيح من التكشير المستمر؟؟ لان العبودي قال المصيبيح كان مبتسما !! ماش ما اقدر ارقع !!!;)

2- مقال للجاسر قبل ايام كتب في السطور الاخيرة وهو يعلق على موهبة اللاعب الجديد لاعب الطرف السابق الذياب : ان اللاعب سيقابل بالاهمال في ظل وجود الاداري المعروف الذي اصبح ( الامر الناهي بالنادي ) .
طيب بالله اذا المصيبيح الامر الناهي رئيس النادي والباقين وش يسون ؟؟
بالله مهوب عيب هالكلام يقال في وجود عبدالله بن مساعد.

انا والله ما اسمع في الجزيرة وافتخر اني اشريها يوميا بس بصراحة تو متش اللي قاعد يصير ولا يدخل بالعقل كل هالجهد الصحفي والاصرار على ابعاد شخصية هلالية من النادي مهم كلف الامر.

واذا كان ما سبق سيعلل بحرية الطرح للكاتب الصحفي فاسمحولنا بحرية الطرح على الاقل في النت وخلونا نوضح راينا في بعض ما مورس في الجزيرة ضد المصيبيح ولا داعي لتسمية ما تمارسه الجزيرة اختلافا وما يمارسه البعض في الدفاع عن المجني عليه حربا ضد الجزيرة.يكفي تلاعب باعصابنا كجمهور وتلاعب بالالفاظ والمصطلحات.

وعموما مهما قسينا او قسا البعض على الجزيرة فهو والله من معزتها ما نبغى نشوف فيها الغلط لانها هي البقية الباقية من اعلام الهلال .

نريدها ان تنقد عمل المصيبيح ( اللي يمكن فيه خطا فمن لا يعمل لا يخطئ) ولكن بالدليل لا بالسماع وليس بنشر دعايات بايخة تسيء للجريدة مثل دعاية فرحة المصيبيح بالخسارة والله لو انه لاعب نصراوي سابق .;)

الاثباتات موجودة وهذه ميزة من مزايا موقع الجزيرة الرائع على النت.;)

تحياتي لكما كلبوكما.