[ALIGN=CENTER]
حقيقه أن الأخ هلالي فروم كندا ممتع وطيب في نفس الوقت .
وياليته يعرف يلعب دبل كيكات لكن الله العالم ان شغله كلها تجلية يذكرني بمحسن الحارثي .
يقول الغالي ابن الغالي هلالي فروم كندا لاتروح بعيد .
وانا اقول له مارحت بعيد يامال الغنيمة هي زيارة خطافيه على عجل للاسكا ورجعت.
فيها شي;)

نرجع لمحور حديثنا الممتع مع الممتع هلالي فروم كندا :p

اذا عبد الله بن مساعد ( بكبره ) قاعد يطارد وراء اعضاء الشرف عشان يدفعون باقي التزاماتهم للنادي , و الى الحين و هو يطارد و النتيجة راجعنا بكره , اذا الرئيس (( عجز )) يجيب الدراهم من اعضاء الشرف , تبي المصيبيح يجيبها ؟؟؟

الأحمر كلام الغالي فروم
والاخضر كلامي .

وكان الاستاذ فهد تغدق عليه الاموال من كل حدب وصوب وكان اعضاء الشرف يتمنون انه يكلمهم بخصوص تسجيل موهبه ولكن الاستاذ فهد له راي اخر ولايخرج من مكتبه وهذا نتيجة عمله
طيب شوفو الحبيب وش يقول وهذا رده .

إقتباس من خلال الإقتباسين السابقين نلاحظ ان : اولآ - المعلومة التي ذكرتها انت في ردك تبين ان اعضاء الشرف دائمآ و ابدآ على اهبة الإستعداد للدفع و لا شئ غيره لدفع مسيرة النادي . معلومة قد تقبل الصواب و قد تقبل الخطأ . ثانيآ - ردي عليك من خلال واقع النادي الحالي و الملموس , و الذي يبين ان اعضاء الشرف لم يلتزموا بالكامل , مما ادى للرئيس ان يسترجيهم و يناشدهم للتكرم و الدفع بناء على ما سبق الإتفاق عليه , و الذي سبق لرئيس النادي ان اعلنه عبر الصحف مرارآ و تكرارآ , اي انه واقع فعليآ و لا يقبل الإحتمالات . ثالثآ - من خلال المقارنه بين الردين ( ردك و ردي ) نجد ان هناك تناقض واضح في المضمون . و اي عاقل متدبر يعلم ان الواقع هو الفيصل , و ان غيره ما هو الا كلام في الهواء . اي ان ادعائك على المصيبيح بتوفر الدعم ( الهائل ) و الغير محدود ليس له اساسآ من الصحة , اذا ما عرفنا ان اعضاء الشرف (( نفسهم )) لم يلتزموا بوعودهم مع الرئيس , و الذي هو احق بالإستجابه و التلبيه من المصيبيح , نظرآ لمكانتة الإداريه و الإجتماعيه .

يعني من اللي يلف ويدور يابعد تسبدي
رد أولا:اعضاء الشرف هم كذلك ولازلت مقتنع حتى لو امتنع عضو او عضوين ولله الحمد لم تتوقف اعمال الهلال على عضو واحد وآخرها معسكر الفريق الذي اقيم في هولندا اقيم على حساب احد اعضاء الشرف يعني يالطيب كلامي موب خطأ.
رد ثانيا :وردي عليك بالشواهد التالية .
1- توقيع العقود مع الكثير من اللاعبين وكان آخرها مع التمياط .
2- اقامة معسكر في هولندا .
وهذا هو واقع النادي الملموس والحالي لم آت لك بما في الماضي الا في موضوع المصيبيح .
انت تتحدث عن كلام وانا اقول لك ماحدث فعليا فأيهما نصدق ؟.
وسمو رئيس النادي يحثهم ويستحثهم ويشيد بهم ايضا ولم يبخسهم حقهم ولا بعد هذي افتراءات جابها عبود .
رد ثالثا: تعم اعترف لك بوجود تناقض واضح تناقض في النوايا واي عاقل يعرف كما قلت ان الواقع هو الفيصل وهو مااشرت له وذكرته انا في سردي للحقائق الواضحه البينه .
اما الدعم اعترف به المصيبيح واوضحته لك وهذا هو

إقتباس بالنسبة عن مرحلة الناشئين الشباب بالنادي أحب أن أوجه شكري لصاحب السمو الملكي الأمير فيصل بن سلطان وصاحب السمو الملكي الأمير تركي بن سلطان لجهودهما الكبيرة لخدمة النادي وما قدماه من دعم وأعلم تماماً أن طموحاتهما وكذلك نحن كانت كبيرة لتحقيق الأفضل.

وهذا كلام ابو محمد في الرياضيه ترى ماعندي مانع اكرره لانه يقولون التكرار يفهم الشطار

إقتباس عرض علي الامير عبدالله بن سعد رحمه الله فكرة الاشراف على الناشئين والشباب وقبلتها وكان وقتها يمول درجة الناشئين الامير فيصل بن سلطان وتركي بن سلطان درجة الشباب وفي عام 1416 اعتذر الامير تركي عن تمويل درجة الشباب فعادت الامور المالية الى النادي

ودك تقر هلا ودك تجحد براحتك

إقتباس انا هنا لا اقلل من دور اعضاء الشرف في مسيرة النادي منذ تاسيسه , و لكن احاول ان انفي تهمة جديدة على المصيبيح من خلال ( الواقع ) و ( العقل ) . يعني ماش ما تنبلع

الا قللت وجحدتهم وأنا احاول ان تفهم من خلال(الواقع) و(العقل )...
اما بخصوص نفيك للتهمه عن فهد المصيبيح فاقول لك لاتوجد تهمه ولايحزنون حنا نقول الفلوس كانت موجوده عند فهد وكان هناك داعمين حسب اعتراف فهد نفسه لكن المشكله في التدبير فهد ماعرف يدبر وبندر عرف يدبر هذا الفرق ..
فهمت ؟.
بالنسبه تنبلع ولا ماتنبلع وش اسوي لك اذا صار حنجورك مايبلع اشرب شوية مويه بارده وابلعها
ويقولون الصراحه مرة .

إقتباس و بعدين لا حظ معي ترى هذا بندر بن محمد مهوب فهد المصيبيح ;)

اقسم بالله اني عارف انه بندر وعارف انه مهوب المصيبيح فبندر يدفع كما قلت أنت وفهد يقبض كما هو اعترف وهناك فرق بين الشخصيتين ..
بس ابيك تفهم الفرق علشان ماتعرضون لبندر بن محمد بعدين .

إقتباس طيب هل عندك شك في ان الي ذكرتهم ما طلعوا على يدين المصيبيح

نعم وشك كبير بعد .
نتاج المصيبيح ابعدهم لك يابو كندا [ بغى يزلق قلمي ]
المفرج , عادل المطيري , النزهان , الشهراني , تركي القحطاني ,
اما الدوخي والجمعان جابهم خالد بن الوليد والتمياط اعتقد نواف كرر اكثر من مرة كيف سجل في الهلال والشلهوب الفضل معروف لمن في تسجيله لكن نقول ان ابو محمد ماقصر اللي ماطرده .

إقتباس الله يذكر ( الحربي ) بالخير , و يوفق من سعى بتسجيله

ترى سالفة الحربي قريبه جدا ونعرف احداثها يوم عيت النجمه تتنازل عنه بسبب ان المصيبيح كلم اللاعب من وراهم وجاء بندر بن محمد وجابه ... تذكرت فهد موب مثل بندر.
اشوف الشغله تجيير جهود على ودنو بس ممكن سؤال عسى دراستك في كندا ميب بنكيه ياهلالي فروم كندا .

إقتباس طيب الحين رد على الكلام الي فوق مهوب تجيب موضوع ثاني ! ! ! قايلك خلك جنبي , لا تحوم بعيد , مير الله يسلمك

يابعدي والله رديت على كلامك .
انت تقول مافيه دعم قلت لك فهد يقول فيه دعم .
بعدين يعني كل كلام فهد اللي اسرده لك موب صحيح ؟.
عاد وش نسوي لك أقوا لك بعض الحقائق كذا تقول تقول انت تسمع الجزيره الجزيره أجيب كلام فهد تقول مارديت علي .
يعني علشان ماأحوم بعيد اقول فهد يتسذب ؟.

إقتباس سبع سنين و نص في العرف الرياضي تعني سبع مواسم كروية و نصف , هناك فرق بين الموسم الكروي و السنة العاديه

فهد ترك الناشئين منذو موسم واحد فقط .
يعني منذو 1413هـ ولك العدد الى 1423هـ
عشر سنين بالتمام وعشر سنين بموسم رياضي ولا بغيره اسمها عشر سنين خل عنك الفهلوة ياشاطر .

إقتباس و حتى اثبت صحة وجهة نظري , كيف تفسر كمية الإستقطابات للاعبين الشباب و الناشئين و التي حدثت و لله الحمد في الأونة الأخيرة . هذه التعاقدات تمت بتواجد بندر بن محمد و الذي استنفر جهده مشكورآ لبناء القاعده .

ياسلام كلام منطقي جدا يثبت ان هناك فرق بين العقليتين . .وهذا مصداقا لكلامي يوم قلت .
عندما قلت هناك فرق بين ادارة تسمع بموهبه في حواري الاحساء وتكلف نفسها بالذهاب الى الموهبة من اجل تسجيلها وادارة تاتيها الموهبة الى حدها ومع هذا ترحل الموهبه وتسجل في نادي ثاني .
وبصراحه اشكر لك اعترافك بوجود خلل في القاعده والتي سموه يقوم ببنائها حاليا علما ان البعض لازال يرفض وجود خلل بالقاعده .

إقتباس اين هي هذه التعاقدات قبل بندر بن محمد ؟؟؟

اسأل عنها فهد المصيبيح .

إقتباس معنى ذلك ان الدعم السابق ( وقت المصيبيح ) لم يكن بالشكل المطلوب و المرضي , لأسباب تعود لأصحاب الشأن انفسهم , و ليس للمصيبيح ناقة فيها و لا بعير

الرجال اللي هو فهد يقول دعموني ماقال موب بالشكل المطلوب وعلشان مانظلم الرجال قال بالحرف الواحد

أوجه شكري لصاحب السمو الملكي الأمير فيصل بن سلطان وصاحب السمو الملكي الأمير تركي بن سلطان لجهودهما الكبيرة لخدمة النادي وما قدماه من دعم
يعني بصراحه له فيها بقره وحسيل لان الناقه والبعير كبيره شوي.

إقتباس اتمنى انك تجيب القصاصة للمقاله اذا ما عليك كلافة

ياحبك للقصاقيص لكن ارجع لمقابلة فهد مع الطريقي ان كان ماخاب ظني .

إقتباس و بعدين الرجال لم يكذب ! ! ! استلم 15 الف ريال من النادي , و هذا انت متفق معي عليه اما مسألة 10 الاف ريال من الأميرين , فأن كانت صحيحه كما تقول , فهي تدخل في نطاق المكأفأة من الأميرين و ليس لها اي دخل بإدارة النادي يعني زي الشرهه لكل من(( يجيد)) في عمله

حشا ماقلت يكذب لكن الرجال قال انه يستلم 25 الف في مرة فاتت وهالايام يقول 15 الف
عموما كلنا متفقين ان فهد يستلم ولاعليه خلاف .
واتمنى انك تقرأ كلامي زين ولاتشط الله يطول لي بعمرك .

إقتباس سأرد على ملاحظتك ( الإستخباريه ) بصراحه ما توقعتها

إقتباس اخوي اعترف لك و ابصم لك على (( الخمسه )) -------> واحد يقدر سيارات نيسان

إقتباس يعني زي الشرهه لكل من(( يجيد)) في عمله

من ظرائفك المضحكه .
بعدين اخوي سؤال خطافي جاء على عجل .
يوم فهد متوقف عنه الدعم من عام 1413 هـ وش مجلسه في الاشبال والناشئين ؟.
بعدين هذا السؤال اتى بسؤال رديف له او ابن عم
ماذا يعني توقف الدعم بالنسبه لادارة فهد ؟.
انا احددها بجوابين لاثالث لهما .
اما عدم رضى عن سياستي ويرغبون مني تعديلها وهذا مانقوله .
او
يريدونني ان افهمها وارحل .


بعدين ترى توقف الدعم انت اللي تقوله وانا اقول عكس كذا اقول فيه دعم وترى سوء اداره اهون من انهم مايبونه .
تحياتي لك .[/ALIGN]