الموضوع: مأســـــاة مدخن .............!!!!
مشاهدة مشاركة بصفحة مستقلة
  #11  
قديم 21/09/2008, 09:24 PM
الصورة الرمزية الخاصة بـ الـمـشـاغـب
الـمـشـاغـب الـمـشـاغـب غير متواجد حالياً
مايسترو المجلس العام
تاريخ التسجيل: 18/02/2005
المكان: كاشت مع ويلهامسون بين المروج :$
مشاركات: 7,062
باك يا سهران بيك

قبل أدخل في الرد على الموضوع .. أحب أذكر للأعضاء الموقف اللي بغى يوديني في ستين داهية بسببك

" قبل كم يوم اتصل علي رقم غريب وجوالي مقفل .. وصلتني رسالة من خدمة موجود بالرقم +9664 .. ما ركزت بالرقم زين .. لكن من العجلة حسبته رقم موبايلي لأنه دايم يبدأ برقم 4 .. دقيت على طول .. !

رد علي واحد رسمي في كلامه ..!

أنا : السلام عليكم ..
هو : وعليكم السلام ..
أنا : ايوه ؟
هو : سم تفضل ..
أنا : ايوه سم ..! << باستهبال
هو : سم بغيت شي؟
أنا : فيه أحد داق علي ؟
هو : معاك قصر ولي العهد ..
أنا : ونعم ( أحسبه يستهبل ) .. يا خوي انا مقدم معروض أبي ( سلفة ) من طويل العمر , مدري وش صار عليها؟
هو : راجعنا يوم السبت .. ( شكله كان معصب ويتكلم بجدية ) ..!
أنا : طيب ما عندكم خدمة sms ؟ أسرع وافضل؟
هو : لا يا بوي .
أنا : ولا MMS؟
هو : لا والله ما فيه غير هالرقم .. ( يتكلم برسمية ) ..!
قلت اوك باي .. وقفلت ..!

كنت أحسبه واحد من العيال يستهبل معي .. بعدها رحت أشيك على الرقم واكتشفت أن الرقم ثابت مو موبايلي
عرفت أني رحت غلطة
دقيت مرة ثانية عشان أعتذر وأصرّف الموضوع قبل ما يداهموني
رد علي واحد ثاني .. قلت واحد دق علي من عندكم .. حوّلني على واحد ثالث .. رد علي وسألته من اللي داق ( وقلبي يرجف )
قال : هذا قصر الأمير سلطان بن عبدالعزيز .. قلت : الله يطول بعمره
قال : تعرف أحد هنا؟ .. قلت : ايه مواصل .. قصدي عبدالله الـ **** .. قال ما أعرف أحد عندنا بهالاسم ..!
قلت : طيب .. أكيد ان اللي داق موظف عندكم ؟ مو داقين علي عشان موضوع ثاني أو شرهات أو شي؟ << مدري وشلون طلعت مني قسم بالله , ما اعرف أترك الاستهبال
قال : لا أكيد موظف ..!

دقيت على مواصل وطلع هو ... وهزأته تهزيء على هالسالفة .. أشوا أني ما زودت الاستهبال وقلت أن ولي العهد قاطع معاد يتصل وكبر راسه علينا

--------------

الرد على الموضوع :

موضوعك يا مواصل جميل ويلخص تجربة شخص مبتلى بالتدخين ..!
بما انك اعترفت , فراح أعترف أني ابتليت بالتدخين في فترة سابقة ..!

في بداية الجامعة .. تعلمت الدخان من صديق كان يدخن .. كنت أحس بالطفش وقلت خلني أدخن وأوخر هالطفش ..!
الصديق هذا كان ينصحني ان ما اتعلم لكني رافض إلا أبي أتعلم ..!
كنت غشيم بالتدخين .. كنت أدخن بدون ما ادخل الدخان داخل صدري بس أشفط داخل فمي وأطلعه
بعدين مع الخبرة تعلمت أصول التدخين ..!
استمريت فترة شهرين إلى ثلاث شهور وأنا أدخن باستمرار وشراهة ..!

لحد ما جاء يوم اختبار الحصة البدنية .. وكان الكورس عندنا جري على المضمار ..!
ركضت بالاختبار ركض قوي وحصلت على المركز الثاني خلف طالب ينتمي لأحد الاندية ..!!

وصلت خط النهاية وتوقفت ..!! بعدها حسيت روحي تطلع مني ..!
طحت على الأرض .. ونار في صدري تشويه من الداخل ..! أحاول أتنفس والله ما كنت قادر ..!
المدرب جاء عندي ويقول لي قم .. ما قدرت .. قمت اتشهد ..!
خلصت الحصة وأنا أقول للمدرب خلاص روحوا أحس أني ارتحت الحين .. بس ما أبي أقوم إلا بعد ما يرجع لي نفسي ..!
بعد فترة قمت وقدرت أتنفس ونار صدري بدت تطفي ..!
وصلت الغرفة وسحبت على باقي الدوام ...! ومن بعدها تركت الدخان إلى ما لا نهاية .. اللهم في الشهرين زقارة إذا فيه جمعة زقرت

أول خطوة للعلاج أنك تكره الدخان .. ولما تتركه فكر في ان دمك الحين يتصفى كل يوم وبيكون هذا لك دافع ..!


الله يعافيك يا عبدالله من الدخان .. ويفرح قلب أميمتك بتركك له ..! ورده


برايفيت