لا أنت ماشاء الله تنقز من كندا خنننننننن بطططططططط في الرياض
وانا اوفر من ....... للرياض
بس لياقتك ماشاء الله احسن مني وشقحتك طويله يالغالي

اول شي مبروك الفوز رغم الظلم التحكيمي الواضح والسافر ونحمد الله ان جهود المخلصين ماضاعات سدى .

بعدين المني [ كثر منها ] ماحل بجارنا البثر من مرمطة واللهم لاشماته لكن وربي يوم سمعت تصاريحهم واصرارهم على اللعب بالفريق الاول قلت ماعنهم وعن البطوله وتصدقون مدري وش خلاني افتح التفزيون ولا والله ماواطنهم هم وفريقهم واذا بالمعلق يقول النتيجة 1:3 قلت اهب امداهم يجيبون الثلاثه انا قلت على كلامهم البطوله لهم .


عموما نتجه لما هو أهم وهو حواري المقتطع في صفحة العوام مع الغالي هلالي فروم كندا.

إقتباس وين اعضاء الشرف عن ضائقة الهلال الماليه في الوقت الحالي ؟؟؟

سمو الأمير لم يبخس الهلاليين حقهم وخصوصا اعضاء الشرف ولكن سموه لديه نهج اداري وميزانية لسنه واحده حددهابمبلغ معين دفع بعض منه والبعض الاخر لم يستوفى الى الان من بعض اعضاءالشرف ونحن بدورنا نقدر لسموه جهوده في هذا الجانب ونقدر لااعضاء الشرف جهودهم واعتقد لن يعجز الهلاليين متى ماكانت النوايا سليمه وصافيه عن تامين المطلوب والامل معقود على سمو رئيس النادي كما هو معقود على اعضاء الشرف .
اعتقد ان سموه انتهى من جميع عقود اللاعبين او شبه انتهى وكان آخرها عقد نواف التمياط .
وانتهى من تامين الجهاز الفني وكذلك اقيم معسكر في هولندا وكلها توضح ان الهلاليين جادين في دعم ناديهم وحسب مافهمت ان المعسكر اقيم على حساب احد اعضاء الشرف .
هنا يحق لي من واقع المعطيات التي امامي اتساءل هل لنا الحق في لوم اعضاء الشرف او ادارة النادي؟ .

إقتباس بالنسبة لبندر بن محمد , ترى يدفع من جيبه الخاص , و لو انتظر او اعتمد على اعضاء الشرف كان ما لقيت الصويلح و العنبر و الغامدي يدهرون امس

الحمد لله انك اعترفت ان بندر يدفع من جيبه الخاص واعترفت ان العنبر والصويلح والغامدي اتى بهم بندر وانهم نالو اعجابك ,
بكره يدعي فهد انه هو اللي سجلهم مثل ماادعى بالجمعان والدوخي والشلهوب والتمياط .
ولعلمك ان اعضاء الشرف لم يقصروا ولن يقصروا تجاه ناديهم ولكن الأمر يتطلب كيفية التفاهم مع عضو الشرف الدافع وكسبه ليس الا .

إقتباس على كذا , المفروض يجيبون رونالدو عزيزي كلنا يعلم ان الأميرين ابتعدا عن المدرسة في فترة من الفترات خلال تولي المصيبيح الإشراف على الدرجات السنيه . و بالتالي الدعم الذي تتكلم عنه ما هو الا من بنات افكارك و لنفرض جدلآ ان ما تقوله صحيح , ما هو سر رفض المصيبيح دفع (( مبلغ بسيط )) كما تقول , و السيوله الماديه متوفرة عنده و بدون (( فوترة )) ! ! !

انا عارف ان كلامي ماراح يقنعك لكن وش رايك في كلام ابو محمد
اليك ماقاله بهذا الخصوص في مقابلته مع جريدة الرياضيه العام الماضي والتي اجراها الاستاذ صالح الطريقي .

إقتباس عرض علي الامير عبدالله بن سعد رحمه الله فكرة الاشراف على الناشئين والشباب وقبلتها وكان وقتها يمول درجة الناشئين الامير فيصل بن سلطان وتركي بن سلطان درجة الشباب وفي عام 1416 اعتذر الامير تركي عن تمويل درجة الشباب فعادت الامور المالية الى النادي

طيب فهد مدير الناشئين قبل 1416 هـ
معناته فهد ماصدق في كلامه الجاي .
لكن فهد يقول اعتذر الامير تركي يعني فيصل لازال يدعم .
اضافه ان فهد ذكر ان توقف دعم تركي عن درجة الشباب فقط يعني دعمه للناشئين لازال مستمر :p
ايضا فهد لم يتطرق لدعم النادي ;)
متى استلم فهد الناشئين ؟.

إقتباس لقد عملنا سبع سنوات ونصف

يعني نحسبها 1424-7.5=1416.5 معقوله .
طيب سنه من السنين ولا تحديدا في مقابلته مع الرياضيه يقول استلمت الاشبال والناشئين عام 1413هـ هنا التناقض .
وبعدين جايك تناقض رهيب جدا .
فهد يقر انه استلم الفريق في منتصف عام 1416هــ
شوف وش يقول فهد

إقتباس عملنا تركز على المستقبل بالدرجة الأولى وليس البطولات ومع ذلك فقد حققنا نتائج طيبة لو أخذنا كمثال درجة الناشئين 1414هـ بطولة المملكة – 1415 هـ المركز الثاني – 1416 هـ بطولة المملكة – 1417 هـ بطولة المملكة – 1418 هـ المركز الثاني – 1419 هـ المركز الثاني سنه من السنوات أخذنا المركز الخامس وأخر سنة حققنا المركز الثاني.

طيب بصراحه خلنا نعتبر انفسنا بليدين في الحساب شوي .
ونبي نحسبها 1+1 = 2

1-1414 هـ
2- 1415هـ
3-1416هـ
4- 1417هـ
5- 1418هـ
6- 1419هـ
7-1420هـ
وحنا باربعه وعشرين هجري كم يالطيب عشر سنسن ولا سبع ؟؟؟
اسف قصدي 12 سنة حسب كلام فهد.

يعني لعلمك فهد ماترك الاشبال والناشئين الا قبل سنه صح ولا مو صح ؟.
طيب وش يقول فهد عن صاحبي السمو الملكي الامير فيصل والامير تركي

إقتباس بالنسبة عن مرحلة الناشئين الشباب بالنادي أحب أن أوجه شكري لصاحب السمو الملكي الأمير فيصل بن سلطان وصاحب السمو الملكي الأمير تركي بن سلطان لجهودهما الكبيرة لخدمة النادي وما قدماه من دعم وأعلم تماماً أن طموحاتهما وكذلك نحن كانت كبيرة لتحقيق الأفضل.

ترى هذا كلام فهد موب كلامي .
هل هذه افتراءات ولا حقائق ؟.

إقتباس ثالثآ - اتمنى ما تكون سالفة ال 840 الف ريال , زي سالفة ال 45 الف ريال شهريآ

تصدق اني احب كلمة ثالثا مدري ليش ؟.
يقول فهد المصيبيح في مقابلة جريدة الرياضيه انه كان يستلم 15 الف من النادي وعشرة الاف من قبل الاميرين تركي وفيصل يعني تصير 25 الف ريال .
وهاليومين مثل ماتقلصت سنين استلامه للناشئين وش يقول ابو محمد يقول.

إقتباس عندما كنت مدير للفريق الأول كنت أستلم خمسة عشر ألف ريال وقد تم تحديده من قبل مجلس الإدارة برئاسة الأمير بندر من محمد

واخاف السنه الجايه يقول ابو محمد جحيد مااستلمت شي يعني طاح خلال سنه عشرة الاف يادافع البلا مايصير .
وبعيدين ياخي تكاثرها من واحد من برا يزود 15 الف ولاتكاثرها على فهد وهو داخل النادي وهو اللي يستلم ومع هذا نقص 10000 ريال حتة وحده .
مااريد الوصول له لازالت الحقيقه غائبه يااستاذ هلالي فروم كندا .
تحيتي لك .
وهالمرة مصادري ابو محمد نفسه وارجع للمقابلتين .