اقول خلصت المواضيع ووصلنا للمدرب .... خلصنا من الكلام عن المفرج و العنقري ثم التمياط ثم التايب ثم الشلهوب ثم ياسر ثم عبدالله بن مساعد ووصلنا لكوزمين للمدرب الحين...... الله يــــــــــــــــصبــــــــــــــــــرنــــــــــــا عليكم جمهور قولو آمـــــــــــــين ....... استغفر الله العلي العظيم واتوب اليه ...........

اولا هذي المباراتين اللي لعبها الهلال قليل من اللاعبين اللي راحو المعسكر لعبوها عشان نحكم على ان تأثير المعسكر بانت عليهم وبالعكس هذي المباراتين بما انها اقل من الفرق القويه (مع الرغبه بالفوز ) يلعبها الدوليين حتى نشوف لياقتهم (لاعبين المنتخب )اللي رجع بعضهم من اصابه و من نزول اللياقه او انه من زمان مالعب مباراه .لأن المنتخب مااحتاجه ومن هالاشياء...
اما عن رونالد بديهي انه مايكون فيه تجانس مع الاعبين لأنه بالعربي مالعب معهم قبل كذا و لاكانو في المعسكر معاه غير يمكن لاعب او اثنين ...و غير انها اول مباراه له مع الهلال رسميه .... وبالعكس ادى اداء جيد ..


بالأخير ماحبيت اطلع بدون شكرا .... مع اني والله متنرفز بس العذر ..
واتمنى مااشوف مثل هالمواضيع اللي توجع الراس و لاتنفع غير التشتيت و الكلام الفاضي يعني وش المقصود هل الحل اننا نقلع كوزمن لأنه في نظر البعض اخطا في مباراه او مباراتين و اجيب واحد ثاني جديد مايدري وش الطبخه و لا يعرف اللاعبين و لا اخذ وقت معهم و احنا بدأنا الدوري و الشغل حار بحار و ورانا بطولات خمس و ضغط و اسيويه و خرابيط .... وش هالشغل اعوذ بالله .... الحمد لله اني مو اداري عند بعض الجماهير كان قد شققت ملابسي و كملتها و طبيت من السطح ..... بسم الله علي بس ,,,لااله الا الله

يقول المثل لبعض الجماهير اللي مايبغون كوزمين و كل شوي قاعدين يطلعون عيب فيه كأن ابن آدم كامل و يحاولون انه يقال : اقعد على قردك لا يجيك اقرد منه


اشكرك ياصاحب الموضوع و هذي وجهة نظرك و هذي وجهة نظري فيها ............

و سلامتكم ......