المحور الأول :
هل خطة 4-5-1 مناسبة ليبدء بها المدرب المباراة؟
وماهي التشكيله المتوقع الزج بها من قبل مدربنا كوزمين ؟
وماهو رأيك بالخطوه التي سمح بها المدرب في المباراة الماضيه وهي بأراحة بعض اللاعبين الدوليين
ومشاركتهم وفق مجريات المباراه هل وفق المدرب بها ؟
اولا الخطه كم هو معروف من السنه اللي راحت خطة المدرب كوزمين واعتقد انها مناسبه لان اللاعبين تعودوا على هالطريقه والكره الحديثه الان تعتمد على الطريقة هاذي ومناسبه للعب بها مع الفرق الصغيره والكبيره0
وبالنسبه لتشكيلة الفريق هي الدعيع بحارسة المرمى وبالدفاع رالديس وماجد المرشدي والغامدي والزوري وبالوسط الخثران خالد عزيز احمد الفريدي عبدالعزيز الدوسري الشلهوب او(التايب) وبالهجوم احمد الصويلح وبالنسبه للنقطة الثالثه الخطوه تحسب للمدرب لانه وثق بامكانيات لاعبيه الاحتياطيين واعطاهم فرصه التنافس الشريف مع اللعيبه الدوليين بحجز اماكنهم وهم موجودين المحور الثاني :
مامدى تأثير النتائج التي حصل عليها ( الهلال و الرائد) في الجولة الاولى من الدوري على ادائهم القادم ؟
وماهو تقييمك للهلال من ناحية استغلال كل مايلي ( الكرات الثابته - اجادة اللعب على الاطراف )
هل تتوقع بأن يبدء (الرائد) بزياده عدديه في المناطق الخلفيه وسيعتمد على المرتدات
وماهي ابرز حلول المدرب (كوزمين) لـ فك أي اختناق دفاعي؟
النتائج الماضيه سلاح ذو حدين حيث انها تعطي الفريق الفايز دفعه معنويه هائله واما العكس حيث ان اللاعبين يضمنون الفوز بكل المباريات حتى لو يلعب بربع مستواه وهذا خوفي على الزعيم من الرائد
اما بالنسبه للرائد نعرف ماحدث للوطني السنه اللي راحت عندما خسر من الهلال بالخمسه وبعدها انتفض وضمن البقاء
الهلال ببداية الدوري ولم تكتمل صفوفه في مبارة ابها فكيف نقيمه وبالنسبه للكرات الثابته واللعب على الاطراف فمباراة ابها لم نر شي وانشالله مبارة الرائد تكتمل الصفوف ونشوف الكرات الثابته من التايب والشلهوب
والدوسري والفريدي والزوري والغامدي بالاطراف
ومن ناحية اقفال المناطق الخلفيه للرائد اللعب على المرتدات فهذا متوقع ويكون مجنوناً ان غامر مدربه بفتح اللعب
اما كيفية اختراق الدفاعات الرائديه بالتسديد من خارج المنطقه وتكليف عبدالعزيز الدوسري والشلهوب والتايب بالتسديد من الخارج
وتنويع اللعب من الاطراف عن طريق الاظهره ومن العمق واستغلال الكرات الثابته
المحور الثالث:
ماهي نقاط ( الضعف و القوه )في الفريق المنافس ليتم التركيز عليها؟
ومن اللاعب الذي ترى ان يستخدمه المدرب كـ ورقه رابحه وفق مجريات المباراة؟
وهل هناك ملاحظات لـ (الحارس - الدفاع - الوسط -الهجوم) لفريق الهلال في اخر مباراة
ترى بأنه يجب تصحيح الوضع فيها قبل المباراة القادمه؟
لم اتابع مباراة الاتحاد والرائد حتى احكم على نقاط الضعف للرائد ولم اتابع له ي مباراه0اما نقاط القوه فاعتقد انها بلاعبين الهلال المعارين للرائد ليثبتوا لكوزمين انهم نجوووووم وانهم يستحقون الفانيلة الزرقاء بكل جداره وهذا خوفي الاول والاخير من الرائد 0 وبالنسبه للملاحظات:-اوجه رساله شديدة اللهجه للكابتن احمد الصويلح واقوله ليس هذا احمد اللي كنا نعقد الامال عليه بعد الله وانه المهاجم رقم 2 بعد ياااسر ولك العذر لانها المباراه الاولى وانشالله في مباراة الرائد نجم كالعاده0 اما الورقه الرابحه اعتقد طارق وياسر لانهم لن يلعبوا من بداية المباراه0 المحور الرابع : ماهي توقعاتك لنتيجة المباراة ( _ & _ ) مع ذكر رؤيتك الخاصه عن ماهو متوقع من احداثها(( مساحه حره للعضو )) انشالله الفوز هلالي وبنتيجة فوق الثلاثه وبالنسبه للمساحه الحره اعتقد اني ذكرت كل شي بالمحورالثاني والمحور الثالث
المحور الخامس:
ماهي ((رسالتك للأعبين)) بشكل عام أو خاص ؟
وما هي ((رسالتك للجمهور)) لـ حضور المباراه والمسانده لدعم الفريق والوقوف معه ؟ رسالتي للاعبين عدم الاستهتار بالخصم واحترامه وتقديره واخذ الحيطه والحذر من المرتدات واستغلال انصاف الفرص 0 ورسالتي للجمهور كونوا على الموعد وثقتي بحضوركم وتلبية نداء اللاعبين وابن مساعد وان لانخيب ظنهم بالجماهير الهلاليه وكل عام وانتم بخيييييييييييير