إقتباس الرسالة الأصلية كتبت بواسطة !! أبو ماجد !! الله يعطيكـ العافيه على إهتمامكـ في أوضاع الرابطة .. وما قصرت وإن شاء الله الرابطة تكون من أحسن إلى أحسن .. وإن شاء الله [ محمد غندر ] يطلع على هذا الموضوع .. ويكون له وجهة نظر فيه وبالتوفيق لكل ما يفيد الزعيم .. أخوي عبدالله كل الإحترام والتقدير أكنه لكـ .. شكراً من القلب على هذا الموضوع المنسق

الله يعطيك العافيه

شكرا على مرورك يالغالي

ورده

إقتباس الرسالة الأصلية كتبت بواسطة هوس المدرجات - H50 الله يعطيك العافيه .. يبو عابد لكن الأيد الوحدة ماتصفق وأنا اخوك محمد غندر الله يعطيه العافية للحين حنا ماعرفنا وش هي أفكاره للرابطة ولا عرفنا مدى قدرته على قيادة جمهور الزعيم خصوصا في الرياض ، رغم اننا سبق واعلنا اننا راح نوقف مع اي هلالي صميم يشوف في نفسه القدرة على قيادة المدرج باساليب جديده وافكار مميزة كل الحركات الي حضرتك حطيتها وكل الطرق الي نطمح في تأديتها تعتمد اساساً على التنظيم الاحترافي والمقصد من التنظيم انه يكون في هيكلة عمل من عشرات إن لم يكن مئات الاشخاص المتعاونين ووالاعضاء الرسميين للرابطة وكل شخص فيهم بوه مواصفات القائد وهذا شيء معدوم عندنا والطامة الكبرى اننا للحين مافكرنا في هالخطوة الأولى علشان نصل لخطوات ثانية لازلنا على الاجتهادات التي تأتي أكلها بين الحين والآخر ولكن تفتقد للإستمرارية بسبب اننا للحين على الطقة القديمة والطق والـ دانات والـ شكشكة يابعديْ .. بخصوص اقتراحاتك .. اجدها كلها ممكن تنفذ .. حتى (الممنوع منها) .. لان التشجيع ترى اصبح حضاره ولا اضن القيادة الرياضية الحكيمة راح ترفض اي مظهر من المظاهر الجميلة في الملعب بشرط ( ان الرابطه تتعهد بان لايكون هناك مصدر شغب .. من الاماكن الي حولها ) .. اما بخصوص مكان الرابطة اتفق معك انه اكبر غلط ، صحيح النضام يقول ان الرابطة تكون بجوار المنصة بس والله اني اخالف هالنظام وبقوة واتمنى تكون رابطتنا في الواجهة حتى لو بدون مايكات او على الاقل في المدرج الششمالي ( ورآ البااااب ) << ultras .. hilal عمووما .. علشان مااكثر عليك اضن اننا نحتاج لعزيمة الجمهور حبه حبه .. بشوية تفاهم .. وكثير من الدعم .. وناس يفكرون صح .. ونزع الحيآ من بعض الجماهير .. ورآح نوصل لكل الي سويته وأكثر .. راح نوصل للمدرج الهلالي المجنوووووووون .. وترى .. كل الجماهير الي انت حطيت لهم صور وروابط شغلهم متعوبن عليه بالحيل يعني روابطهم عبارة عن مؤسسات وهيئات تتبع للنادي بمقرات واماكن تجمع وتسهيلات وادوات تشجيع حضارية وحنا طبعاً مانبي كل هالاشياء تجي دفعتن وحده .. لكن نبي نبدآ .. حبه حبه لين نوصل للهدف الي نبيه باذن الله ولاتنسى ان جماهيرنا ترى .. من يومها وهي تشجيعها جماعي .. خصوصا بالرياض لكن للحين ماشفنا حتى موضوع مثبت يوحي بان مجلس الجمهور .. يأبه ولو شوية بافكار جماهيره واضهار مدرجه في ابهى صورة .. ونتمنى انهم يتفادون هالتقصير باسرع وقت وإلى ذلك الحين ياجمهور الزعيم خلووونا .. نووقف مع رابطتنا .. ونهتف دائماً .. وأبداً .. لنادينا او على الاقل الي مب حافضن له اهازيج .. يحرك ايدوه مع رابطتنا مشكور يابعدهم على هالموضوع الخرافي وعلى الله يلقى قبول .. مثل المواضيع الي تعبنا وحنا نطرحها .. إحتراماتي ..

هلا فيك اخوي الغالي هوس المدرجات

الله يعافيك يالغالي نورتنا

مازيد شيء على كلامك

اعضاء الرابطه مجتهدين لكن نظامهم طق وشغل قديم

لو بس يعتمدون على الطرق التشجيعيه الحديثه كان شفت كل الجمهور معهم

ورغبات الجمهور واضحه بالملعب


واكبر دليل

حركه الزلزال والامواج وشف كيف التفاعل

لكن الترديد ورا الرابطه ماتلقى الا عدد قليل وحتى المايكات لك عليها ..!

الدعم موجود والرابطه جديده بقياده الغندر اتمنى ان تظهر منذ البدايه بشكل ممتاز

كل الشكر لك على مرورك العطر

إقتباس الرسالة الأصلية كتبت بواسطة مجنون الفريدي الله يعطيك العافيه اتمنى اول شي من مجلس الجمهور انهم يحرصون اكثر يتحركون عن طريق مواضيع ينزلونه في المنتدى قبل اي مباراه للجمهور وتحريك المركز الاعلامي الجمهور يملل صراحه

الله يعافيك ...

وفعلا الشيء المطلوب هو تفاعل الرابطه من خلال المنتدى

لان هو لغه التواصل بين عشاق النادي

شكرا على المرور العطر

إقتباس الرسالة الأصلية كتبت بواسطة ايــام ريــفــو كلامك عين العقل وياليت يطبق الجمهور الهلالي الحركات هذي والله ماهي صعبه بس يبيلها ترتيب وتفعيل من الرابطه عموما" الرابطه أمس ماقصرت وكانت حاضره بقوه يعطيك العافيه أخوي الغالي على مجهودك الطيب

هلا فيك اخوي ايام ريفو

شف الامور هذي سهله على الرابطه..

وهي بأمكانها تطور نفسها لان مافيه شيء ينقصها ,,

لكن المشكله انه تروح رابطه تجي رابطه جديده نفس كل شيء ماتغير فيها شيء ..!

شكرا على مرورك ولاهنت

إقتباس الرسالة الأصلية كتبت بواسطة alnemi والله صادق بس إنت تجيب صور جدا عجيبة ألحين خلهم يحضرون وبعدين علمهم وش يسوون

انا اتكلم عن الرابطه ولو تم توزيعهم بالواجهه وبجانب المنصه وخلف المرمى

راح تشوف تفاعل كبير

طبعا الحضور راح يكون متواجد الشعب الهلالي مو مقصر

إقتباس الرسالة الأصلية كتبت بواسطة 8هــلالـ برشااا ــي8 كلام مهم جدا والمفروض يتطبق بس ما عندك احد الكلام اذا الرابطه اهتمت صح مع مجلس الجمهور الهلالي ونضموا راح ينتضمون شاكر لك حرصكـ

هلا فيك اخوي شاكر مرورك

والله يسهل امورهم ويعينهم ويظرهون المدرج الهلالي بافضل مظهر


لاهنت على المرور