شباب مساء الورد والفل والياسمين والكادي .. وربي مشتــــاق لكم حيل .. لكن انشغلت كتير كتير الأيام اللي طافوا .. وهذا عذري دائماً لكن وجودكم يكفي ..!! أخبار رائعه وحزينه بنفس الوقت حملتها الأيام الماضيه .. ولعل الخبر الأبرز اصابه كحيلان .. اللي ماتوقعت بيوم من الأيام أنه يصاب .. لكن الله يرجعه بالسلامه وأحس رجعته بتكون والبلوز متأهل لنصف النهائي بأبطال أوروبا ومباراتنا هالمره مع الانتر (( مجرد أحساس )) .. !! بصراحه ياعيال فيني حماس مو طبيعي لمباراه بكره .. وباذن الله الأسود يبيضونها ويجيبون النقاط الثلاث ويدقون خشم روبي وفيلبس ويثأرون لكينيون ..!! فهد العتيبي المعلق .. وش هالحماس ياعيال .. بس الخبر الأسوأ هو توقيت مباراه الريدز والمانيو .. مايدرون انا صايمين .. وأتمنى تنتهي تعادل أو فوز للريدز ..!! أما مباراتنا .. الأهم فيها هو الدخول بالتشكيل الصحيح .. تكفى سكولاري هالنقاط الثلاث نبيها نبيها نبيها .. هي الاختبار الحقيقي للبيج فيل وباذن الله الدرجه الكامله لسكولاري وللفريق غداً ..!! أمنيتي أنا نفوز سته ولو أنها مستحيله (( نرجع لهم شوي من الماضي )) .. بس عناد بالفهيم وطقته والا لاعبي السيتيزن اللي بدوا يقارنون بين فريقهم وبين البلوز ..!! راجع باذن الله للنقاش ..!!
