موقف طريف ..

كنت في تحالف وكان فيه واحد اعمانا بالهجوم .. هو ما هاجمني ولا أعرفه ..
بس قيادة التحالف وجهوا أوامر بالهجوم عليه لتأديبه .. والمشكلة اثره عنده جيوش مهي سهلة

المهم .. خويك استعد لتلبية النداء .. واحط الوحدات اللي عندي .. واحط احداثياته .. واقول : بسم الله

وشوي اطالع !!

اثرني حطيت ( تعزيز )

حاولت الغي الأمر .. وما فيه فايدة ..

جيت بعد كم ساعة .. الا فيه رسالة من نفس الشخص !! كتب فيها

( الله يصلحك بس .. قالوا هاجم ما قالوا عزز .. انتبه مرة ثانية )

طبعاً انا مت من الضحك !! فأرسلت له قلت له ( والله من الغشامة .. بس بالله لا اوصيك

على الجنود ترى مالهم في الحياة غيري )

وصار بينا مراسلات وصرنا اصحاب !!