QUOTE]بسم الله الرحمن الرحيم
أخي ذيب الجنوب تحيه طيبه وبعد:[/QUOTE]
واعوذ بالله من الشيطان الرجيم .
حيا الله اخوي الممنوع ومعها تحية طيبة بعد .

إقتباس والله عيب عليك ان تكون هذه كتباتك ويجب ان تختار الجمل والكلمات المرتبه وليست العشوائيه

اول شي مشكور على هالنصيحه بعدين كلماتي غير مرتبه وعشوائية
يمكن !!!

إقتباس وعندما ذكر هذه الجمله ((( واضيف انه يبارك لي في كل بطوله يحققها الهلال وانا بالمثل ابارك له ببطولات النصر ووالله انه مكسب للهلال))) لتبين الموضوع وانه ليس بحاقد على كل ماهو هلالي ولم نفتح بعد مجال للسخريه من الاعضاء فالكل له أحترامه ومن كتباته نحترمه.

سمها يخوي ميانه شوي لاني شايفك متحمس للمهيدب

إقتباس اما بخصوص سؤال المليون ؟؟ فهو قدم لي التبريكات بأخر بطوله وانا بالمثل حتى لو قبل 8 سنوات ليس المعنى متى باركت له ولكن تبين ان ((( ليس من أهل الحقد ))) مجرد تبين صفات الرجل

هل هذا جواب نهائي ؟.
حنا ماجينا يالغالي بصفاته مادام هو نصرواي يروح الله يستر عليه مانبيه .
وبالنسبه لي ماعمري تعرفت على نصراوي منصف ؟.

إقتباس ونترك (( اذاعة يقولون وشركة النقل الجماعي وقص ولزق المعلومات فنحن مسائلون عما نكتب ومحاسبون عليه. القسم هنا لمعرفتي بالرجل جيداً ولست انت من يطلب مني عدم القسم واتمنى منك احترام المجموعه التي تكتب فهم اناس مؤدبون باخلاق الاسلام ويحترمون الاشخاص حتى في كتباتهم وماشاء الله عليك ردك رقم (( 15 )) ونبارك لك بالاجازة الصيفيه ونجاحك ان شاء الله ونحذرك من مخالطة اهل السوء فهم يفسدون ولا يصلحون ( تقبلها من اخيك الكبير )

اذاعة يقولون هذا مصدرها انت يااخي موب تقول انه نصرواي يكفينا يالطيب شهادتك يعني تبين اصدقك ولا مااصدقك واحطك بالنقل الجماعي ويقولون ؟.
وانا يالغالي مصدقك بدون قسم عاد ردي يالحبيب ماله دخل بعمري والاجازه للاسف ماعندي
وبالنسبه للنجاح ناجح منذو مبطي وابشرك اني تعديت مرحلة مخالطة اهل السوء بنجاح منذو مبطي ومشكور على النصيحة .

إقتباس واضيف انا لم اقل انه ليس بنصراوي بل هو نصراوي وحاول مراجعت الموضوع جيداً يا اخي قبل ان تطلب ان ترد على احد ( معلومه للمستقبل ) انت لاترغب به ولك حريت الفكر والقرار ولكن مالفرق بينه وبين المدربين والاعبيين الاجانب

لااعتراض على ماقلت ولكن عندي تصحيح خطأ إملائي شنيع خصوصا وأنت رجل كبير في مقام والدي كما قلت .
مراجعة وليست مراجعت
حرية وليست حريت
أتمنى ان يتسع صدرك لقبول هذه الملاحظه وخصوصا من واحد في سني .
أما الفارق كبير يااستاذ .
فمن يحقر في الهلال وبطولات الهلال صبح مساء تريد له قبول عندي . من انتشى فرحا باهدار سامي لضربة الجزاء يبغاني اقبله , من يشجع الفريق الياباني امام الهلال تريدني ان اقتنع بانه سينفع نادي الهلال اخوي الفارق كبير متى ماسيطر على ادارات الاندية ادارات واعيه ساعتها اقبل ماتفكر فيه اما مادام من يدير النصر عقليات بعقلية الرمز مااعتقد اني ابقبل وجود نصرواي في الهلال لأسباب عديده استوعبها عقلي الصغير ولم يستوعبها عقلك الكبير .

إقتباس نحن نفرح باي شخصًا كان مهما كانت الميول اذا وجد عند الاخلاص والتضحيه في مجال عمله

انت فقط ومعك قلة يفرحون اما انا فلاوالله لأنني لااستطيع أن اقتنع بأن يكون نصرواي مخلص للهلال ولايمكن ان يضحي بنصراويته وانت والغالبيه يفهم هذا الشيء.
ليتك تطب منتدياتهم وتشوف بعينك وش يكتبون عن الهلال واعضاء شرف الهلال ولاعبين الهلال وبطولات الهلال .

إقتباس هو مؤدب خلوق محافظ على دينه ولا يغلط على احد مهما كانت الضروف وميوله فهو يعرف انني سبق وان لعبت للهلال لسنتين ولم تتغير علاقتنا والحمدلله والى امس اواخر العصر ونحن مع بعض فعلاقتي معه اكثر من 12 سنه

قسم بالله ماراح اقول لك انت كاذب لان هذا موب هدفنا وكل مسلم ان شاء الله مثل ماتقول انت عن المهيدب .
اما علاقتك به مالنا دخل فيها يعني بكل امانه اذا صار رفيقك او خويك لازم نقتنع فيه انه يصير مدرب للهلال ؟.
منطق عجيب .

إقتباس اما بخصوص الشريط اطلب منك انت ان تحضر اثبات ملموس وواضح وليس الكل يعلم به فهذه تدخل ضمن اذاعة يقولون او النقل الجماعي بدون دليل واضح بانه هو المشارك في الاعداد وتحت اسم عبدالله بن عبدالمحسن المهيدب

تحت اسم عبدالله المهيدب ..
اسأل عنها كاتب الموضوع أبو بدر فلديه الخبر اليقين .
اما النقل الجماعي يقولون شبه أفلس والسبب اداري بحت . شفت وشلون بعض الاداريين يفلسون بشركات موب اندية ؟.

إقتباس واستغرب منك الكتابه بهذه الطريقه ارفع من مستواك الكتابي واكثر من الكتابه الناجحه لتفيدك في حياتك الدراسيه والدينيه

عاد هذا اللي الله عطان ومنك نستفيد بس والله اني خايف اخطي في التاء المربوطة والتاء المفتوحه .

إقتباس حيث هذا اول رد لك علي واسف ان اجحفت بحقك او اثقلت عليك في الاسلوب اخوك / الممنوع ابوحصة في شبكة الهلال (( شوشو ))

لا يخوي الامر سهل جدا لاتتأسف وماحصل الا الزين ومتعودين ونخوك على مثل هالردود .
وحياك الله يالممنوع .

اخوك
أبو جميل بشبكة النمر