الموضوع: =_^ إضحك مع ( أحلى ) البــشر :( شارك بصورتك )
مشاهدة مشاركة بصفحة مستقلة
  #114  
قديم 08/09/2008, 04:42 PM
ابو طـــــلال ابو طـــــلال غير متواجد حالياً
كاتب ساخر بالمجلس العام
تاريخ التسجيل: 21/08/2005
المكان: حيث يعيش الشلولخ
مشاركات: 6,845
Thumbs up ياهلا ............ ومسهلا
تبع مين هالأطخم .. ماشاء الله تبارك الله .. طبعاً واثق انه مو تبع الغدير الأزرق ولا المشاغب .. مستحيل

الله يحفظه .. نومته لوحة فنية للي وده يتعلم البراءه على أصولها ..
وصدق ماادري من له هالصورة .. بعض الصور ماتطلع عندي .. ولخبطه .. لكن العذر والسموحه للي ماعلقت على صورهم .. رغم روعتها بس مشكلتي مااشوفها كلها .. ماتطلع عندي ..

========

أغدي طمااااااااااااااااااطة بكشنة شكشوكه ياشيخ
وش هالعتل دا ياناث = الترجمه = ( وش هالعسل ذا ياناس )
ماشاء الله تبارك الله .. الله يحفظها وعساها تعرس

^^^^

احبتس ياإسمتس إيه

========

طق التحية .. قدامك قصيمية

ياخشيشت جدي هالخشيشه ... بريماكس وش هالطخامه ماشاء الله تبارك الله ..
وشكلكم مصورينها بالشتاء .. ماعندك صورة بالصيف ؟؟

دوك الزقم بس ... الله يخليها لعين ترجيها يارب .. ويصلحها هالعسل


==========

وحده من العضوات تقول للمشاغب .. شكلك انت اللى مسوي الشباصة .. وانا بعد اقول فعلا شكلك انت اللى حاطها .. واضحة ان حطتها في هالمكان حطت عزوبي
ياعيني على الرومانسيه .. ياعيني على الرقه .. المشاغب مصورها مع دبدوب .. شكلها اول مره تشوف دباديب .. راعية مسدسات

أما هالصورة .. والله عسل .. قشطه .. لكاعة بس على حلاوه
ناظر العيون بس .. مغمضه وودها تشوف وش بتسوي وهي مغمضه وهذي مشكلة البزر لابغيت تصورة .. يرتفع ضغطك وهو ماهجد ..

ماشاء الله تبارك الله ... الله يحفظها ويصلحها سلطان ويخليها لعين ترجيها ..
وننتظر المزيد من الصور .. والتعليقات ( ورده )

=======

يازين هالبنيه ... ماشاء الله تبارك الله ..
نوف .. لك مني أحلى تحية .. بس هذا كبرها وتاكل حلاوة ...
تشبة وحده أعرفها

شكرا لك وبإنتظار عودتك مع صورت نوف وهي نايمه

=========
وااااااااااااااااااااااااو

إيه الحلاوه دي يادختو ..

الله يحفظها ويحرسها ويحميها ..
نومة وحده توها مخلصة من شغل البيت وتافلتن العافية .. تحتري رجلها
الله يخليها لكم يارب .. صورة حلوه ..

========

الغدير الأزرق .. حقنتنا الحبيب
والله ياهو شراني راعي هالصورة ... شكلها صورتك وانت صغير .. فيها من مواصفاتك الإجرامية

ناظر بس السعبول .. واليدين ورى الظهر .. يسمع بفن التصوير والوقفة الصح
وحرف إتش في بدلته وهو إسمه سعد ؟؟!!! تسمع بالتمويه
والله انه عسل هالعكروووت .. الله يصلحة ويحرسه ويحميه قل امين ..ويسلم من شرك

========

قسم بالله مسلسلم .. مهوب صور .. على تسلسل هالصور مع التعليق على الأحداث .. هع هع هع هع حلوووه منك يالذيب
اول صورة هبل فيه وصاح

وبعدين عطاه لعبه ترضيه علشان يسكت وناظروا العيون من الفرحة

وبعد مااشترى ( ثمن سكوته ) رجعت العلاقات من جديد

حلوووووووه .. الله يخليه ويحرسه ويحميه .. ولاتهبل فيه واجد ..
يعطيك العافية .. والفكرة بتسلسل الصورة حلوه .. يمدينا نحطها موضوع لحالة

==========

أبو حميد على راسي من فوق
على التكية .. والجلسه الرايقة .. ولاهمه تصوير ولاالفلاشات ..
ماشاء الله تبارك الرحمن .. الولد مملوح .. يذكرني فيني وانا صغير

الف شكر يابطل .. وسلملي على ابو حميد

=======

خلصت صفحة 6 .. راجعين مع تعليقاتكم وصوركم .. واعذروني مره ثانيه ان تجاوزت تعليق او صورة من غير قصد .. بعض الصور ماتطلع عندي .. والمشاركات كثيره اتلخبط في الردود .. .. اتمنى من الجميع يعذرني لو قصرت والهنوف ماقصرت قايمة بالواجب وأكثر لو نسيت احد
اخر تعديل كان بواسطة » الكلاسيكي في يوم » 13/09/2008 عند الساعة » 08:34 AM