الخساره من الإمارات راح ندخل في حسابات مالها نهايه
السلام عليكم
المباراة باقي لها أيام قليله ..
فالفوز ولا غير الفوز حتى لو كنا خارج أرضنا ( وين المشكله يعني )
ما أبغى المنتخب يدور على التعادل والسبب ( خارج أرضنا )
لاننا في أرضنا خسرنا بالتعادل مع إيران وفقدنا نقطتين غاليتين في أرضنا
ولا تنسوا المتأهلين فقط إثنين من مجموعتنا ..
يعني الكوريتين قوي وإيران قوي بالإضافه لمنتخبنا
يعني معانا ثلاثه ينافسون على البطاقتين
الجوهر قال ( سأكسب جميع المباريات التي تلعب في أرضي )
وهذا حنا خسرنا البارحه بالتعادل
ومنتخب إيران معروف عنه إدراك التعادل باّخر الدقائق وتاريخه يشهد بذلك
لهذا السبب الفوز ولا غير الفوز مع منتخب الإمارات الجريح يوم البارحه ..
نقاط :
__ عبده عطيف ملك الوسط يوم البارحه وعيني عليه بارده .. الكوره ماتنقطع من بين رجوله .. وبهدل بنو إيران
__ حسين عبدالغني ادى مباراة كويسه رغم بعض الأخطاء في بعض التمريرات بس ماقصر والله
__ ياسر عمره مايبدع إذا دخل بديل .. حلاة ياسر من بداية الشوط .. وخذ نجوميه وأهداف منه إذا لعب من البدايه
__ السلطان ماقصر رغم إضاعته للفرص .. ولكن تمركزه أزعج الإيرانيين
__ الحارثي تسلم وماقصرت .. نجم ولك كلمتك
__ النجعي بطل
__ الشلهوب ياسلام عليك ياولد .. نجم والله فوق العاده
__ خالد عزيز ما أقدر أوفيك حقك
__ رضا تكر الله يعينا على فقدك في المباراة الجايه يابطل
__ الشهيل مبدع والى الامام يابطل
__ مالك معاذ فقدناك يامرعب الخصوم
أمنيه :
أتمنى دخول ياسر من البدايه في مباراة الإمارات .. لأنه مثل ماقلت انا .. ياسر مايبدع إذا دخل بديل
ولا أعلم السبب ..
دخلوه من البدايه وبعد كذا لوموه ( القناص )  | 