الموضوع: ][ ـــرابطة عشاق البارسا لموسمـــ 09/2008 ][ || إنها ثلاثية للتاريخ ولو كان التاريخ يدون المتعة فقط في سجلاته سيبقى اسم البارسا وحيدا ||
مشاهدة مشاركة بصفحة مستقلة
  #1806  
قديم 06/09/2008, 08:53 AM
الصورة الرمزية الخاصة بـ ‎​βαƦ¢α 4 ξνξƦ
‎​βαƦ¢α 4 ξνξƦ ‎​βαƦ¢α 4 ξνξƦ غير متواجد حالياً
برشلوني مخضرم
تاريخ التسجيل: 26/08/2004
المكان: twitter: @YFR10 / pin: 27639A33
مشاركات: 4,898
)( )( كـــــــــــــــرســـي الاعتــــــــــــــراف )()(



الإجابـــات



BARCA-2007


س1/ من اهـم لاعـب في تاريخ البرشـا من وجهـة نظرك ؟

بصراحة سؤالك صعب ،،، فاللاعبين المهمين كثير وكل واحد تختلف أهميته باختلاف المناسبات ولكن يظل كرووويف وكوبالا هما من اساسيات الفريق تاريخيا ومن بعدهم ياتيك مارودونا كافضل من عرفته الكرة ونطقت معه بكل شي الى درجة انها اصبحت تنطق باسمه .

س2/ وش رايك بـ فالـديز .. .. ؟
مثل رأي سلييييييييم في خاله


س3/ من هـو العـضو الخـفي .. .. ؟
العضو الخفي " أبومحمد " سليمان كنا نشوفه ومن مسك الاشراف
صار يخطم احيانا

س4/ وش رايك فـي الـ حب .. .. ؟
احلى شي مع المباريات الحساسة الحب والفصفص والشاي المضبوط ...
أما إن كان اللي تقصده الحُب : فخلك بعيد عنه احسن لك


س5/ لاعـب ودك يجـي للفـريق .. ولاعـب ودك ينقـلع من الفريق ( غير فالديز طبعا" ) .. .. ؟
يجي للفريق =>>> بصراحة كنت ابي سيلفا / كليتشي / روبينهو / ديجو حتى ارشافين تمنيته بالاخير عشانه يموووت فينا .


يضف وجهه =>>> بصراحه جوراكيرا وبينتو .

س6/ وش سبب تسمية نفسـك بـها الاسم >> اقصد اليوزر .. ؟

حبي وايماني بسحر برشلونه

اخـوك يـزيـد .. ورده ..
الله محيييييك يالغالي




الفهد

السلام عليكم .. حياك الله اخوي
الله يحيييك ويبقيك ...

س1: بعد البدايه المخيبة للأمال في الدوري ما مرئياتك للفريق في الدوري ..؟
النتيجة هي العنوان .. ومرئياتي بأنه يجب على بيب أن يشرك فقط من يستحق العب اساسيا وأن يعود لاشراك هنري او ايتو بالشوط الثاني .

س2: تعاقدات البرشا هالموسم هل ترى فيها نقص؟
والله نوعا ما ... نقصنا جناح يسار وراس حربة صريح


س3: لاعب خرج من الفريق في الانتقالات الاخيرة ومتحسف عليه ..؟
لم أتحسف على أحد ولكن تمنيت بقاء روني .

س4: انت صايم وجوعان ويوم جا وقت الفطور لقيت قدامك فيمتو وتانج وش تشرب؟
بكل بساطه فيمتو مع تحيتي للتانج وعشاقه .

س5: قد ذقت السوبيا ووش رايك فيها ؟
للاسف ماذقتها عشان اعطيك رااايي ..




هلالي وأحب برشلونة 9


الله حي عبدالرحمن .. و آعذرنآ على تآخر الآسئلة ..
الله يحييك ويبقيك .. لاعادي ... رمضان كريم

س1 \ برشلونة الآسبآني .. وش تحس فيه لـمآ تشوفه يلعب ؟
بكل بساطه ::: دقات قلبي :::

س2 \ وش رآيك بـ المطوع و خآله .. معتز و آبو شهاب ؟ و وش رآيك بـمقتل الحكيم آبو عصام ؟
رجال ... وموت ابوعصام " يقهر " ويبكي مقتله .

س3 \ لـو مآ فيه برشلونة وش بـتشجع ؟
بالترتيب / المانيو والميلان
الجنرز وروما
الليفر والبلوز

س4 \ عطني رآيك بـ تشيلسي و مورينهو و دروجبآ ؟
البلوز: كنت اكرههم بس صرت اشجعهم اللحين .
مورينهو : بين أخذ وعطا .
دروجبا : فيل لايوجد مثله وايتو اثنين بس لو يخففون طنقرتهم .

س5 \ من آكثر لآعب تموت فيه بـ البرشآ ؟ و نفس السؤآل بس في العآلم ؟
بصراحه مااموت باحد وطبعا بعد خروج روني فيه نجوم كثير ولكن توريه وكزكز وانيستا في البرسا لهم عزهم عندي .
وفي االعالم : نجمي الاسطوري الذي لن يتكرر هو سامي الجابر أما اذا قصدك بالوقت الحالي فنجمي الاول ميسي .


آعتقد آنا كثرنا عليك بـ الآسئلة بس آعذرنآ ..
لا كثرت ولاهم يحزنون وحياك الله باي وقت يالغلا .



Lionel Messi

حياك الله يالغلا ... اعذرنا تأخرنا عليك بالسؤال لكن تخبر ظروف دخل هالشهر وشوي الجدول ملخبط ... لكن اهنيك على كرسيك المميز ... العاشر
لا عادي وحياك يالغالي

ســ 1 \ البطاقة الشخصيه + تكلم عن نفسك بسطرين .. عيوب عبدالرحمن .. ايجابياته .. شي تشوفه بغير وودك يصير فيك ؟؟؟
الاسم : عبدالرحمن
الحالة الاجتماعيه : عزوبي .
طالب بجامعة الملك سعود .. ان شاء الله الترم القادم تخرجي .
بالنسبة لعيوبي وايجابياتي :
- مااحب احد اكلمه جد ويستهبل علي .
- احيانا كسول .. متمرد .. يحب الصراحة والبساطة .. واجامل احيانا على حساب نفسي .

- انسان ُمنتِج وَعملي .. احب كل شي يكون صح وبمكانه ... أهمل نفسي أحيانا .

والحمد لله مقتنع بحالي واللي اطلبه من الله يزيدني بطاعته بس هذا اللي عند خيري واتمناه لي ولكل مسلم .

ســ 2 \ هالسؤال بقوله لكل اللي بالكرسي باذن الله رايك بالبوندز ليغا ...
هو الدوري الاكثر ضجة اعلامية محليا والاكثر ظلما اوروبيا مع انه نار وخصوصا فيه مباريات احيانا خالعه بالاضافة للجماهير البطله وخصوصا مدرج فريق شالكه اللي اتمنى اشوف جمهور الهلال مثله .

ســ 3 \ سملي 5 لاعبين سابقين تتمنى انك تشوفه يلعبون اللحين وتلحق عليهم ؟؟
1-مارادونا .
2- ريفلينو .
3- روماريو .
4- كرويف .
5- بيكنباور .
وبس مابي اطول عليك
ولو بتمووون ...




PUYOL Carles


-1 سؤال المليون .. متى بدأت تشجع الفريق ؟

شجعت الفريق منذ عهد روماريو وفعليا : منذ ثورة قناة الجزيرة .


2 - مارأيك باللبراليه .. والعلمانيه .. واضمحلال الطاقه عن وجه الأرض ؟
أقول كيف الحال ؟؟؟


3 - وش اللي في فريقنا ؟ ليش صاروا كل هاللاعبين مايعرفو طريق المرمى .. وكل مره يضيعو درزن اهداف ؟

ابد الاستعجال + الفلسفة + التركيز


4 - سيارتك ؟

التيما 2005


5 - رأيك في اللبس الموحد بالمدارس ( الثوب ) و ( المريول عند البنات ) .. وبعض الجامعات والكليات في المملكه تفرض هالشي على الطلاب ؟

والله اللي حطوها أبخص مني ومنك .. وانا رأيي من رأيهم .


6 - عيال رقيه .. هل سيعوضنا عن طاش ما طاش .. حتى وان كان طاش اصبح فيه اشياء كثيره مكرره .. ولكن بعد هالسنوات هذي .. تتوقع يكون رمضان طبيعي بدونه ؟

ههههههه عيال رقيه ماااشوفه ،،،

أنا أشوف عيال قريه ،،،
وأعتقد بأن تغييرهم هالسنه لصالحهم ولصالح المشاهد الذي اكتفى من التكرار، وممكن " طاش" فقدنا صوتها بس وغيره مافرقت لان الوجيه نفسها .

7 - مارأيك في مبدأ الانتقاد ؟ وماهي الطريقه المثلى للانتقاد ؟ .. وهل تعتقد مشكلة الزعيم تتمثل في طبيعتنا كسعوديين فينا حب الضرب والبطوله في كل شئ .. والا مسألة العمر والعقليات ؟


الانتقاد : شغله ممتازه اذا استعملناها باسلوب صحيح بحيث يكون سهل استقبال انتقادنا ،،،
وعلى فكرة : مشكلتنا تكمن في التعصب للرأي وبالتالي رفض اي انتقاد او نفيه ولو كان صحيح ،،،
وبالنسبة لمشكلة الزعيم وطبيعتنا كسعوديين فياااخي انا اعتقد ان الانتقاد مسالة ثقافية لم يعيها المجتمع كما يجب ،، والدليل هالمشاكل اللي تشوووفها فنادرا مايكمل الموضوع لأن كل واحد داخل باسم فريقه او الشي اللي يميل له قلبه ويترك المنطق والعقل ،،، وخلنا من الانتقاد البناء والخطط العلمية المدروسة وبالتوفيق والسداد ، وبكرا المنتخب وش بيسوي ،،،


8 - وين بتروح في العيد ؟

والله ماادري للحين ، يمكن خارج السعودية او جدة ؟؟؟




محب الذئب9

س1/ مـن آفضـل لآعـب عنـدك .. [ محـلي / عـآلمـي ] ؟
طبعا اسطورتي بكل الاحوال : سامي الجابر .
محليا بوقتنا هذا : ياسر القحطاني .
عالميا : يظل لميسي نكهته الخاصة .

س2/ مـن آسوء لآعـب عنـدك .. [ محـلي / عـآلمـي ] ؟

محليا : كان خالد العنقري واصبح الان ابراهيم هزازي =>>>الظهير الايمن حق الاهلي .

وعالميا : يظل ماتيرازي هو العلامة الفارقة لكل قذراة الطليان .


س3/ من تفضـل (آيتـو .. توريس ) ( كـآسيـآس .. بوفـون ) ( بيـرلو .. كزكز ) ( جيـرآرد .. لمبـآرد ) .. ؟

إيتو ، بوفون ، كزكز ، جيرارد ، =>>>وترا الخيارات الثانية كلها تستحق اختارها لأنهم فعلا لاعبين كبار ...


س6 / مـن تفضـل ثنـآئي آلهجـوم للمنتـخب .. مـن بيـن آلمهـآجميــن [ يـآسر - مـآلك - سـعد - بشيـر - نـآصـر - آلسلطــآن]

مايبيلها : ياسر / ومالك

س 7 / وش تـآبعـت برزن بريك ولا لوست وآذآ تـآبعـتهم وش آفضـل .. وآذآ مـآ تـآبعتـهم لـية مـآ تـآبعتـهم .. ؟

بريزن بريك تابعته كله ، لوست ماكملت السيزون الاول ،
الافضل بنظري بريزن بريك ،


س 8 /وش تـوقعـك لـ آفضـل 3 لآعبيـن فـي آلعـآلم 2008 .. ؟

بالنسبة لافضل 3 لاعبين بالعالم ،،،
- كريستيانو - ميسي - كزكز -

س 9 / وش آفضـل دولـة ودك تسـآفـر لهـآ .. ؟
أسبانيا

س10 / تتـآبـع شـى فـي آلتـلفـزيون فـي رمضــآن .. ؟
ايه ،،،

س11 / وش آفطـرت آمــس آلـ خ ـميـس .. ؟
تمر + ماء + توت + شوربة + دجاج مشوي


ويـ ع ـــــآفيـك ربـي .. ورده
وياك




اكشخ واحد

عبدالرحمن .. كيف الحال .. وش اخبارك مع الصوم

بخير جعلك بخير .. تمام والحمد لله

س/ هواياتك .. اهتماماتك .. تطلعاتك المستقبليه ؟؟

سؤالك اجابته طويله ولكن الهواية الكمبيوتر والرياضه والاجتماع مع الحبايب ...
اهتماماتي : فمثل اي شاب يسعى لتطوير نفسه وبناء مستقبله ...
التطلعات المستقبليه : بيت + عائلة

س/ الثنائي .. ايتو وهنري .. هل تعتقد انه قادر على العطاء ؟؟

اذا يلعبون بخطة 4-4-2 بيعطون مع بعض ..
أما 4-3-3 فلا أظن ... يرجع بيب لاول مباراتين ودية ويشوووف .

س/ ليه الوسط اذا ضم اكزافي وانيستا يصبح بطيء .. وغير قادر على صناعة اللعب .. مع انهما كاسماء .. لهما قيمه كبيره ؟؟

مااعتقد انه بطيء ولكن هاللاعبين تمريراتهم كثيرة وبالتالي ممكن يقتلون الهجمة بتمريرات لها معنى واخرى مالها معنى وينسون انهم صانعي العاب وكذلك مايركزون علىالتسديد على مرمى الخصوم .. مع انهم رهيبين في هالناحية اذا بغوا .


سلاااااام ورده
ويلكموا باي وقت

ههههههههههههههههههـــ ؟


شكرا لك عبدالرحمن ..
ولو انك كسبتها في هالشهر العالم مشغولين ولا احد سئلك ..
لكن ماعليه مشكور عموماً ومنورنا



اخر تعديل كان بواسطة » ‎​βαƦ¢α 4 ξνξƦ في يوم » 07/09/2008 عند الساعة » 12:19 PM