قبل كم يوم طنت براسى أكل فى احد المطاعم الهاى هاى يعنى اللى مافيه امل ندخلها الا اذا عطونا

بدل السكن وبعد دوجان فى الشوارع بحث عن مطعم فايف ستار ابوك ياللغه قررت انى ادخل

مطعم بشارع الخزان كخخخخ طلبت الاكل وكان عباره عن سندوتشات شكشوكه وعصير جرجير

بالخلاط وقعدت ادور لى مكان اجلس فيه كل الكراسى مليانه ماقلت لكم مطعم هاى وفى

زاويه مظلمه بأخر المطعم لقيت واحد فالها صح وقاعد يردغ كبسه زعتر ومامعه احد قلت له

ممكن اجلس رد على هيا اجلس بلا بشكلك قلت له يأخى انا مشبه عليك رد على وهو لاهى

بهالكبسه ايوه هو اناقلت تصدق فيك شبه من صديقى محمد قال لى صحيح فيه

ناس كثير تقول كذا ههههههه مهوب مركز لاعب فيه هالزعتر قلت يأخى عندى

سؤال ؟؟ قال قول بسرعه ترانى مستعجل والله مدرى وش مستعجل عليه لايكون بيروح يقول

نشره الاخبار قلت له الحين وش استفدنا من هالقناه الارضيه غير نقل الكوره وبعد كذا مافيه اى

برامج ثانيه ولا تقول لى انها خصصت للكوره بس :sad: رد على ليش انت ماتحب الكوره

قلت له يأخى الشق اكبر من الرقعه وعندنا جيل جديد يختلف تفكيره عن الجيل السابق والاحداث

الاخيره خير دليل :sad: قال لحظه بالله ياقرررررصون هات صحن تانى لاباالله مهوب صاحى

انا احاكيه وانا داق لطمه من ريحت هالزعتر واعرم خبزتى من تحت الشماغ ههههه كأن لابس نقاب

.وعقب ماجاء الصحن الثانى قال لى ياحبيبى الشباب كلهم يبغون كوره وانت وش زودك عنهم

قلت له الحين العالم يقولون مقررات التعليم سيئه وناس ثانيه قالت الامن مقصر بدوره

مهوب كأنهم نسو دوركم قال ليش واحنا ايش دخلنا قلت له من قال لك ان مالكم

دور دوركم مهم جدا ولا يقل عن دور الامن والتعليم قال كيف يعنى ؟؟ قلت له ليش ماتحطون برامج

دينيه وتعليميه ترشد الجيل الجديد بما يحثنا عليه ديننا الحنيف وان ماحدث من اعمال تفجيروقتل

للابرياء يخالف تعاليم ديننا قاطعنى وقال لحظه شوى ياقررررصون انا لله وانا انط

للقرصون جب له صحن ثالث قال لا جب مويه .. ههههه شكله غص قال شوف انا لى فتره

افكر بهالمشروع وانشاء الله راح يكون فيه تغير فى البرامج ياخوفى انك تصرفنى :sad: قلت

طيب بقى سؤال ثانى قال اخلص شكلك لزقه قلت له ياريت تكون هالبرامج عن

طريق قناه ثالثه فضائيه ترا ماعاد احد يحرص على القنوات الارضيه وبعدين ماتغارون

من هالقنوات اللى قامت تنافسكم بقوه :sad: قال يجيب الله نصيب ولاعلينا من احد وراح تشوف

عن قريب برامج توسع الصدر وراح يكون فيه تغير كبير قلت له طيب الوانكم هاللى تطلع

المذيع مغبش متى بتغيرونه ترا ماعاد احد يستخدم نظام سيكام :sad:تصدق انى مره شفت مذيع على

الطبيعه يأخى وش زينه ويلمع يوم طلع بالتلفزيون الينه صاير اشهب قال وش رايك فين اذا

طلعت منيب اطخم قلت كلك ملح وقبله بس متى بيحصل هالتغير فى البرامج

قلت له ممكن طلب اخير قال مبعد خلصت اسئلتك يالشين اخلص وش تبى

قلت له انا توهقت وبدل السكن مبعد نزل ممكن تحاسب عنى قال هيا روح بلا بشكلك

ياقررروصون حساب هاللوح عندى وعلى دربك جب صحن ثالث