والله هالجوال مدري عنه ..
لكني قبل أمس شريت لي جوال nokia E66
الجوال حلو وتقريبا نحيف ..
وشكله أنيق وشييك 
كاميرا 3.2 ميقابكسل..
gprs وماجلان أو خرائط و وايرلس وراديو وبعدين فيه ميزة إنك تقدرين تربطين إيميلك بالجوال..
يعني في الرسايل فيه صندوق اسمه وندوز لايف تقدرين تدخلينه وتشوفين رسايلك بالايميل
وفيه الجوال برنامج (مدير مكالمات) ..
ميزته إنك تقدرين تحطين أرقام في بلاك لست ويصرفهم الجوال بالحاله 
وبعد فيه ميزة خشت مزاجي..وهي إنك إذا مسكتي الجوال بالطول تطلع لك الشاشة بالطول ..
وإذا مسكتيه بالعرض تنقلب الشاشة بالعرض..
<<< أنا بس ودي أعرف وش دراه إن ماسك الجوال بالعرض. يمكن إني منسدح لكني ماسكه بالطول وأنا كلي بالعرض
شوفي الجوالل وقلبيه بكيفك من هنا
و فيديو للجوال من هنا
وإذا كنتي بتصبرين عندك سوني اريكسون c905
وإذا كانت الميزانية ممتازة خذيلك من الجوالات اللي تكون (ماركة) ...
تكون جووالات مميزة بالشكلف والمواصفات عادة تكون عادية
أعرف واحد من العيال شطح وشراله جوال (بورش)
الشي الوحيد اللي يميز الجوال هو إن فيه بصمة ..
وش تتوقعون النغمات الموجودة بالجوال ..؟؟
النغمات :- زرة بورش تيربو - أو كايين أو بوكستر أو 911 ..
والجوال اللي فوق شريته بـ 1700 ضمان i2
وفيه منه لون أبيض لكنه منقطع من السوق ورافعينه النصابين لين 2100 !!
وبعد الابيض فيه لعب شوي.. يعني الجوالات الجديدة أغلبها كوري وما فيه فنلندي ..
وبعد مافيه ضمان وكالة كلها شركات
اخر تعديل كان بواسطة » هلااالي وأفتخر في يوم » 05/09/2008 عند الساعة » 02:34 PM | 