نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - <><> 1-يوميات الأعضاء في رمضان مع "هلالية أنا " <><>

الـمـشـاغـب · #3 02/09/2008, 05:37 AM

اهلين المنتدى الاستشاري ورده

أهلين حلوومة

<< معليش من أثر الصوم غويت في القلب والوردة وأنا أقصد العكس

المهم .. يومية حلوة وحلاها أكثر جدتك يا أحلام

الله يحفظها ويخليها لكم

إقتباس


	خلصت شغلي وفتحت النت بس مالقيت لا شذى ولا العنود ولا لينا قلت هذا السنع البنات في المطبخ وأنا على النت

ايه هين في المطبخ .. كني بهن أسمع شخيرهن وأنا بالجنوب

قالت سنعات قالت

إقتباس


	لعبة ترافيان وحست الدنيا في قرية أخوي أجل مصحيني من نومي عشان أطورها له طورتها لكن بطريقتي الخاصة

ـهههههههههههههههههههههههههـ

ذكرتيني بأخوي الله يصلحه .. في فترة من الفترات قلت أبستريح من النت شوي .. فعطيت أخوي قريتي بالسيرفر الأول قلت له خذها
وطورها تراها الحين مبنية أسوارها والمصانع والحقول بالمستوى العاشر تقريباً

قال أخوي ازهلها ولا يهمك .. قلت كفو ..!!

بعد شهر كامل دخلت على قريتي قرية التوت قلت أبشوف وش صار عليها وكم عدد سكانها ..

تفاجأت أن الأسوار مهدومة

والسكان انقرضوا

وكل الموارد انتهت للمستويات الصفر

دخلت على الرسايل .. لقيت أخوي متهاوش مع واحد من هالهوامير في اللعبة

هاجم قريتي وما حصل شي .. ثم أرسل له أخوي موارد وقال خذها صدقة يالمسكين

زعل هذاك وقال والله لأوريك وشلون الصدقات .. وهاجم قريتنا بالمقاليع حتى دمرها

المصيبة أني قريت باقي الرسايل .. لقيت أخوي مرسل لناس كثيرين يهددهم من أي هجوم وإلا بيتحملون العواقب الوخيمة

بعضهم طيب يقول : سلامات ؟ ما هاجمناك اصلاً ولا لنا نية وشو له هالرسالة

.. فيرد أخوي : هاجمت أو ما هاجمت موب شغلي اعتبره تهديد واذا فيك خير هاجم وشوف

<<< وقسم أني أقرأ الرسالة وأضحك وأنا مقهور

اتصلت على أخوي قلت سلامات وش صار على القرية ؟ وليه تهدد الناس تبيهم يهاجمونك؟

قال بكل برود .. انا تركت القرية خلاص , رحت سيرفر ثاني

أما عن التهديدات .. فبعد ما تدمرت القرية واحد نذل أرسل جنوده عندي تعزيز .. فصاروا ياكلون من قمحي ببلاش .. وبغيت احد يهاجمني عشان يذبح والدينهم

اسف هلالية انتي على الاطالة وذكر قصة أخوي الطويلة والمملة بس تذكرتها وحبيت أذكرها دامكم فاضين وما وراكم شي