13 - هل سافرت مره الى بلد خارج المملكه ؟ وماهي حقيقة قصة سفرك الى دبي اللي هونت عليها ؟

قد سافرت لتركيـا مرتين يومني صغيـر ..
بس ما كنت أعرف لميس ذيك الأيام .. لو اني أعرفها كان صورت معها ورزيت صورتي بالرابطة ..!
اما بالنسبة لسفرة دبي هالصيفية .. أعتذر عن الإجابة لأسباب طارئة ..! .

14 - وش قصتك لما تنتهي من الكلام تكتب ][ دمـتم بود ][ ؟

شي أحب أتميـز فيـه .. والحمد لله تحقـق ذلـك ..

15 - يقولون انك من عشاق رابح صقر ؟ وش اللي جذبك فيه ؟ وهل مالقيت الا هو علشان تسمع له ؟

أكيـد انا من عشاق أبو صقـر
والي جذبني له .. إحساسه وصوته وطربه .. يا لبى قلبه
طبعـاً أنا أسمع لرابح وغير رابح .. لكن عندي رابح وراشد تقريباً هم التب بالنسبة لي ورده

16 - انت كثير الشكـاوي , لدرجة انك بس كثير التشكي في مباراتكم ضد المجلس العام , بس احمد ربك ان تركي " Mr.Goal " ماطردك ؟

أنا كثير الشكـاوي ..! !
أنا أصلاً ما أشكي الا لرب العالمين .. <<< مسوي ثقـل
وبالنسبة للمباراة .. تركي ظلمني كسروني ولا عطاني ولا فاول !!

17 - ماهي المصاعب اللي تواجهك بموقع التعارف " النت لوق " ؟

للأسـف لا أعـرف هـذا الموقـع ..! , علينا .

18 - ماهو رائيك بغزو المسلسلات التركيه في الاونه الاخيره ؟ هل ترى بانها مفيده اما لا ؟

والله انا أتابع سنوات الضيـاع صراحه
وهو مسلسل من أفضل المسلسلات الي شاهدتها في حياتي ..
وحقيقة بالنسبة للفايدة لا أعتقد أنها تحقق تلك الفائدة ..! لكن مشاهدتها من أجل مضيعة الوقت لا أكثر ولا أقل .. يعني [ فضاوة ] بالعربي .

19 - حكمتك في الحياه ؟

لا يأس مع الحياة .. ولا حياة مع اليأس

20 - باقة ورد الى من تهديها ؟

للوالد والوالدهـ الله يحفظهم لـي .

21 - ماعندي سؤال , بس تذكر مره نقاشتني عن ويلهمسون بغى الدم ياصل للركب , بس الحمد طلع النقاش هادف << خير ان شاء الله مابقى كلمه ماقلتها لي ؟

حقيقة ذاك النقاش يوم حجرنا لك انا وفواز ( عاشق ميلانو ) الله يذكره بالخير .. انت قمت تعصب وتهاوش .. وانا من النوع الي أعصب بسرعه فـ بدأت تطلع كلمات مدري وش تبي خلها مستوره .

22 - كلمه اخيره ؟

أحب أشكرك أخوي فواز على هاللقـاء ..
وآسف أن كنت تعبتك معي شوي ..
وأتمنى أني كنت ضيف خفيف على الرابطة .. ورده
والسلام عليكم ورحمة الله وبركاته .

وبالاخير احب اشكـر الدحمي على وساعة صدره علي

والى الملتقى مع عضو اخر نهبل فيه .